धनगढी। सुदूरपश्चिमको कैलालीस्थित चिसापानीमा जाल्पादेवी केबलकार आयोजनाको काम सुरु गरिएको छ ।
आईएमई ग्रुपका अध्यक्ष चन्द्रप्रकाश ढकालले वैशाख १ मा उक्त आयोजनाको शिलान्यास गरेका हुन् । केबलकार चिसापानीदेखी पर्यटकीय क्षेत्र राजकाँडासम्म पुर्याउने लक्ष्य रहेको छ । उक्त आयोजनामा केबलकारको १४ वटा टावर हुने छ । त्यसमध्ये १३ नम्बरको टावर शिलान्यास गरिएको हो ।
यो आयोजना केवल पूर्वाधार विकासमा सीमित नभई क्षेत्रीय पर्यटन प्रवर्द्धन,रोजगारी सिर्जना तथा स्थानीय अर्थतन्त्र सुदृढीकरणका लागि महत्त्वपूर्ण रहेको आईएमई ग्रुपको विश्वास छ ।
लम्कीचुहा-१० का वडाध्यक्ष लवबहादुर शाहले पनि समान विश्वास व्यक्त गरेका छन् ।
