बर्दगोरिया । कैलालीको बर्दगोरीया गाउँपालिकामा रहेको जुनकिरी नेपालले आज बौनिया बजारमा सरसफाइ गरेको छ । विश्व वातावरण दिवसको अबसर पारी जुनकिरी नेपालको आयोजनामा बौनिया बजारमा सरसफाइ गरिएको हो ।
संयुक्त राष्ट्रसंघीय वातावरण कार्यक्रमको आह्वानमा हरेक वर्ष जुन ५ तारिखमा यो दिवस विश्वभर मनाउने गरिन्छ । सन् १९७३ देखि विश्व वातावरण दिवस मनाउन सुरु गरिएको हो ।
´´सहर स्वच्छ गाउँ ,सबै मिलि फोहोर हटाऔ“भन्ने नाराका साथ सरकार कार्यक्रम गरिएको जुनकिरी नेपालकि अध्यक्ष अपेक्षा रोकायाले जानकारी दिनुभयो । सरसफाइ कार्यक्रममा बर्दगोरिया २ मा रहेको बालबाटीका, माइकी मिडिया र मार्गदर्शन ऐक्केडमीका जुनियर रेडक्रस सर्कलका विद्यार्थीहरुको समेत सहभागिता रहेको थियो ।
जुनकिरी नेपालले यो भन्दा पहिले युवाहरूको व्यक्तित्व तथा नेतृत्वमा विकास पुग्ने कार्यहरू सञ्चालन गर्दै आईरहेको छ ।