बौनिया । कैलालीको बर्दगोरिया गाउँपालिका वडा नम्बर ३ मा एकदिने निःशुल्क आँखा शिविर सम्पन्न भएको छ । बर्दगोरिया गाउँपालिका स्वास्थ्य शाखाको आयोजना तथा धनगढी नेत्रालयको प्राविधिक सहयोगमा शिविर सम्पन्न भएको हो ।
बिहिवार सम्पन्न शिविरमा ४२७ जनाले आँखा जाँच गराएका थिए । जसमा मोतियाविन्दु भएका ६४ जनाको शल्यक्रिया गर्नुपर्ने देखिएको छ ।
शिविरमा १०५ जनालाई निशुल्क चस्मा वितरण गरिएको छ । यसैगरी आखामा मासु पलाएको ६ जनामा रोग देखिएको छ ।