बर्दगोरिया । कैलालीको बर्दगोरिया गाउँपालिकामा व्यवसायीक कृषि तथा पशुपालनको दिगो विकासका लागि रणनीतिक योजनासहित कार्यक्रम संचालन गरिने भएको हो । आगामी आर्थिक वर्षदेखि संचालन हुनेगरी पालिकामा रहेका ६ वटै वडामा रहेका व्यवसायीक किसानलाई यो कार्यक्रममा समेटीनेछ ।
पालिकाको कृषि विकास तथा पशु स्वास्थ्य शाखाका अनुसार यो कार्यक्रममा विशेषगरि व्यवसायीक किसान ,कृषि फाम तथा कृषक समूह र कृषि सहकारी संस्थाहरुलाई समावेश गरिनेछ । कृषि तथा पशुपालन व्यवसायबाट किसानको आर्थिक उन्नति उकास्न ,कृषि तथा पशुपालन व्यवसायप्रति आकर्षण बढाउन र स्वदेशमै रोजगारीको अबसर सृजना गर्ने योजनालाई सार्थक पार्न स्थानीय सरकार ,प्रदेश सरकार र संघीय सरकारको कार्ययोजना स्वरुप किसानको मागमा आधारित कार्यक्रम संचालन गर्न लागिएको हो ।
सोही कार्यक्रम प्रभावकारी बनाउनका लागि अहिले पालिकाका सबै वडामा किसानहरुसंग योजना तर्जुमा गोष्ठी संचालन गरिएको छ । योजना तर्जुमा गोष्ठीमा किसानको हालको अबस्था, उनीहरूका समस्या तथा चुनौती र भावी मागका बारेमा जानकारी तथा परामर्श गरिदैछ ।
योजना तर्जुमा कार्यक्रममा कृषि तथा पशुपन्छी र मत्स्य विकास कार्यक्रमको माग फारम भर्ने तरिका, कार्यक्रम संचालन भएपछि किसानले पाउने सेवा सुविधा तथा अनुदान ,कृषिकि लागि पुर्वाधार विकास परियोजना,साना सिचाइ ,उत्पादित कृषि सामाग्रीको लागि चाहिने बस्तुका बारेमा जानकारी गराइदैछ ।
वडा नम्बर २,३,५ र ६ मा योजना तर्जुमा कार्यक्रम सकिएको छ भने बाकी वडामा क्रमशः यो कार्यक्रम गरिनेछ । कृषि शाखाकाअनुसार पालिकामा रहेका ६ वटै वडामा १२ वटा पकेट क्षेत्र घोषणा गरि यो कार्यक्रम लागु गर्ने तयारी छ ।
बर्दगोरियामा कृषि तथा पशुपालन व्यवसायको दिगो विकासको रणनीतिक योजना तयार पारी किसानको मागमा आधारित अनुदानसहितको कार्यक्रम संचालनको तयारी गरेका छौ, पालिकाका कृषि शाखा प्रमुख झङकर बहादुर रावतले भने यसमा विशेष गरि व्यवसायिक किसान, कृषि फार्म,कृषक समूह र कृषि सहकारी संस्थालाई समावेश गरिनेछ । किसानको मागमा आधारित संचाललित हुने कार्यक्रम भएको हुँदा अहिले हामीले पालिका भित्रका किसानको अबस्था, उनीहरूको समस्या तथा चुनौती र किसानले गर्न चाहेको व्यवसायको बारेमा जानकारी लिने काम गरिरहेका छौ ।
सरकारले कृषि तथा पशुपालन व्यवसायको दिगो विकास र आर्थिक समृद्धिका लागि थुप्रै अनुदानको व्यवस्था समेत गरेको छ तर त्यो अनुदान वास्तविक किसानको हातमा पार्न अनुगमन तथा मुल्यांकन गरि यो कार्यक्रममा समेट्ने छौ- पालिकाका पशु शाखा प्रमुख जय प्रसाद कोइरालाले भने यो कार्यक्रममा दर्ता भएका कृषि फार्म,समूह र सहकारी संस्थामात्रै छनौटमा पर्नेछ्न ।
मागमा आधारित कार्यक्रम अन्तर्गत व्यवसायिक फलफूल, व्यवसायिक तरकारी विकास ,व्यवसायीक पशुपालन , व्यवसायिक मत्स्य पालन, व्यवसायिक बीउ उत्पादन,
खाद्य तथा पोषण सुरक्षा तथा क्षमता विकास लगाएत समेटिनेछ । यो कार्यक्रममा सहभागी हुन इच्छुक किसान, किसान समुह ,कृषि फार्म तथा कृषि सहकारीले फागुन ९ गतेभित्र आफुले गर्न चाहेको कार्यक्रम (खेती ,व्यवसाय) को फारम पालिकाको सम्बन्धित शाखामा भरी बुझाइसक्नु पर्नेछ ।