काठमाण्डौ, ३ असाेज २०७८ ।
भरतमणि पौडेल कमेडी च्याम्पियन ‘सिजन २’ को विजेता बन्नुभएकाे छ । शनिवार राति भएको ग्रान्ड फिनालेमा सिक्किमका विक्की अग्रवाल र गोरखाका सन्तोष थापालाई पछि पार्दै ताप्लेजुङका भरत विजेता बन्नुभएकाे हाे ।
विजेता बन्नुभएका भरतले उपाधिसँगै कार र २५ लाख रुपैयाँ पुरस्कार जित्नुभएकाे छ । त्यस्तै विक्की अग्रवाल दोस्रो र सन्तोष थापा हुनुभएकाे छ ।
कान्तिपुर टीभी र युट्युब च्यानल ‘ओएसआर रियालिटी’ बाट प्रसारण हुँदै आएको कार्यक्रमकाे निर्णायकमा हास्य कलाकारहरू सन्तोष पन्त र मनोज गजुरेल, चलचित्र निर्देशक प्रदीप भट्टराई र अभिनेत्री ऋचा शर्मा हुनुहुन्थ्याे ।
पूर्वसञ्चारमन्त्री गोकुल बास्कोटाको क्यारिकेचर गरेपछि चर्चामा आउनुभएका भरतले सेमिफाइनलमा पूर्व युवराज पारस शाहको क्यारिकेचर गरेर चौतर्फी प्रशंसा पाउनुभएकाे थियाे । पछिल्लाे समयमा विक्की र सन्ताेषकाे प्रस्तुति पनि अधिक रूचाइएकाे थियाे ।
कमेडी च्याम्पिनको पहिलाे सिजनमा धादिङका हिमेश पन्त विजेता बन्नुभएकाे थियाे ।