बर्दगोरिया । एमाले निकट नेपाल बुद्धिजिवि परिषदको बर्दगोरिया गाउँपालिका स्तरीय भेला सम्पन्न भएको छ । बर्दगोरिया गाउँकमिटी अध्यक्ष मधुकर सिजापती मगरको अध्यक्षतामा भएको कार्यक्रमका प्रमुख अतिथी नेकपा एमाले जिल्ला कमिटी सचीव डेजि पाण्डे रहनु भएको थियो ।
नेकपा एमाले बर्दगोरिया गाउँकमिटी उप सचिव मिलन ओलिको स्वागत मन्तव्य संगै सुरु भएको कार्यक्रममा नेपाल राष्ट्रिय शिक्षक संगठनक जिल्ला उपाध्यक्ष प्रभु नाथ जैशी,नेपाल बुद्धिजीवी परिषदक जिल्ला सचिव एकेन्द्र भण्डारी ,लगाएतकाले शुभकामना मन्तव्य राख्नु भएको थियो । 
नेपाल बुद्धिजीवी परिषदको प्रथम भेलाले नवराज टमट्टा को अध्यक्षतामा ११ सदस्यीय चयन गरेको छ । जसको उपाध्यक्षमा हेमराज स्वार, सचीवमा बाल चन्द्र कठरिया ,कोषाध्यक्ष लक्ष्मी बिनाडी,सह सचीवमा खेम राज बोहरा रहेका छन ।
यसैगरि परिषदको सदस्यहरुमा डम्बर बुढा, मदन ढुङ्गाना, चक्रमणी सापकोटा ,सुरेश टमट्टा रहेका छन भने वडा नम्बर ४ र ६ बाट एक एक सदस्य चयन कार्यक्रममा जानकारी गराईएको छ ।
कार्यक्रमको संचालन पत्रकार लिलाजङ्ग शाहीले गरेका थिए ।
