बर्दगोरिया । कैलालीको बर्दगोरिया गाउँपालिकामा मुक्त कमैयाहरुको आयआर्जनका लागि बाख्रा वितरण गरिएको छ ।पालिकाको पशुसेवा शाखाको वार्षिक कार्यक्रम अन्तर्गत वडा नम्बर ३ मा रहेका मुक्त कमैयाहरुलाई उक्त बाख्रा वितरण गरिएको हो ।
बाख्रा वितरण कार्यक्रममा बर्दगोरिया गाउँपालिका अध्यक्ष कर्ण बहादुर कुवर, उपाध्यक्ष गणेश राज गिरि (लालदीप), वडा नम्बर ३ का वडा अध्यक्ष मनऋषि आचार्यलगाएको सहभागिता रहेको थियो ।
कार्यक्रम मार्फत पालिकाको वडा नम्बर ३ स्थित मुक्त कमैया शिविरका २६ जना पशुपालक कृषक हरुलाई उक्त बाख्रा वितरण गरिएको पशुसेवा शाखा प्रमुख जय प्रसाद कोइरालाले बताउनुभयो । जसमा २५ वटा माउ बाख्रा रहेका छन भने १ वटा (बोका) बाख्रा रहेको पशु सेवा शाखाका नायब पशु सेवा प्राविधिक अनिल ओलीले जानकारी दिनुभयो ।
