सुर्खेत। सुर्खेतमा बम विस्फोट हुँदा दुईजना घाईते भएका छन् । वीरेन्द्रनगर-७ कटकुवा सामुदायिक वनमा बेवारिसे अवस्थामा रहेको बम विस्फोट हुँदा दुईजना घाइते भएका हुन्।
जिल्ला प्रहरी कार्यालय सुर्खेतका अनुसार बम विस्फोट हुँदा दैलेखको गुराँस गाउँपालिका-६ का २१ बर्षिया लिला नेपाली र १४ बर्षिय नरेश परियार घाइते भएका छन्। कार्यालयका प्रवक्ता डिएसपी रामप्रसाद घर्तिले उनीहरु घाँस दाउरा गर्न गएको बेला बम विस्फोट भएको जानकारी दिए।
उनका अनुसार घाइतेहरुको स्थानीय देउती अस्पतालमा उपचार भइरहेको छ। बिहान करिब दश बजेर ४५ मिनेटको समयमा बम विस्फोट भएको हो। घटनाको थप अनुसन्धान भइरहेको प्रहरीले जनाएको छ।
