बौनिया, कैलाली । कैलालीको बर्दगोरिया गाउँपालिकामा १२ वर्षदेखि १७ वर्ष उमेर समुहका बालबालिकालाई कोरोना भाइरस (कोभिड – १९ ) विरुद्ध दोस्रो खोप अभियान शुरु हुने भएको छ ।
यसअघि कोभिड विरुद्ध पहिलो खोप लगाएका सामुदायिक तथा संस्थागत विद्यालयमा अद्य्यनरत बालबालिकालाई दोस्रो खोप अभियान यही फागुन १९ ,२० र २२ गते गरि तीन दिन लगाइने भएको हो । पालिकाका अनुसार कोभिड विरुद्ध पहिलो खोप अन्तर्गत मोर्डना खोप लगाएका बालबालिकालाई दोस्रो मात्रा स्वरुप मोर्डना खोप लगाइने भएको हो ।
बालबालिकाले यसअघि खोप लगाएकै केन्द्रबाट दोस्रो खोप लगाउन सक्ने पालिकाद्वारा जारी सूचनामा उल्लेख छ ।
।
गाउँपालिका भित्र संचालित सामुदायिक तथा संस्थागत (निजी) विद्यालयमा अध्यनरत १२ वर्षदेखि १७ वर्ष उमेर समूहका बालबालिकाकालाई गत माघ १८ गतेदेखि कोरोना विरुद्धको पहिलो खोप लगाइएको थियो ।