बर्दगोरियाका निर्वाचन अधिकृत पाठकको विदाई [फोटो फिचर]

बर्दगोरिया । निर्वाचन अधिकृत बद्री बहादुर पाठकको मंगलबार विदाई गरिएको छ । बर्दगोरिया गाउँपालिकाले एक कार्यक्रमकाबिच पाठकको बिदाई गरेको हो । पाठक शिक्षा, विज्ञान तथा प्रविधि मन्त्रालयका उपसचिव हुन ।

गत वैशाख ३० गतेको स्थानीय तह निर्वाचनमा बर्दगोरिया गाउँपालिकाको निर्वाचन अधिकृतको जिम्मेवारी सम्हालेका पाठकको स-सम्मान सहित विदाई गरिएको हो ।

कार्यक्रममा पालिका अध्यक्ष कर्ण बहादुर कुवरले टीका, खादा र ढाका टोपी ओढाएर सम्मान पत्रले सम्मान गरे । सो क्रममा उनले निर्वाचन अधिकृत पाठकले स्थानीय तहको निर्वाचन शान्तिपूर्ण ,भयरहित तरिकाले सम्पन्न गर्नमा ठूलो योगदान पुर्याएको बताए ।

बिदाई कार्यक्रममा गाउँपालिका उपाध्यक्ष गणेश राज गिरि (लालदिप) ,प्रमुख प्रशासकिय अधिकृत अर्जुन सिंह कार्की, पालिकाका विभिन्न शाखा प्रमुख तथा कर्मचारी सबैले टीका र खादाले सम्मान गरे ।

बिदाई कार्यक्रममा बोल्दै निर्वाचन अधिकृत पाठकले स्थानीय तहको निर्वाचन सम्पन्न गर्न सहयोग गर्ने सबैप्रति आभार व्यक्त गरे ।