मोहन्याल । आन्तरिक पर्यटनको आकर्षणको गन्तव्य बनेको कैलालीको मोहन्याल गाउँपालिका स्थित फलेबिसौनामा पर्ने “बुढीआम पानी” पिकनिक स्पोर्ट्समा सरसफाइ गरिएको छ । बर्दगोरियामा सरसफाइ र किशोरकिशोरीको क्षेत्रमा काम गर्दै आएको जुनकीरी नेपालले सो स्पोर्ट्स परिसरमा शनिबार सरसफाइ गरेको हो ।
पछिल्लो समय उक्त क्षेत्रमा दैनिक जसो सैयौको सङ्ख्यामा मानिसहरु पिकनिक जाने र रमाइलो गर्ने गरेका छ्न । कोरोना महामारीका बेला समेत उक्त क्षेत्रमा घुमफिर गर्न,पिकनिक खान जानेको बाक्लो उपस्थिति देखिन्थ्यो ।
बातावरणिय सौन्दर्यता र प्रकृतिको अनुमन खानी मानिएपनि राज्यले उचित व्यवस्थापन गर्न नसकेको बुढीआम पानी पिक्निक स्पोर्ट्स पछिल्लो समय आन्तरिक पर्यटकको लागि रोजाइको पहिलो स्थल बन्न थालेको छ ।
आन्तरिक पर्यटकको बाक्लो उपस्थितिले हुने र वातावरणिय असरलाई मध्यनजर गरि जुनकीरी नेपालले त्यहाँ सरसफाइ कार्यक्रम गर्यो । लामो समयदेखिको ओझेलमा पारिएको उक्त पर्यटकीय गन्तव्यलाई राज्यले उचित तवरले ध्यान दिन आवश्यक रहेको स्थानीयको भनाई छ ।
