बौनिया । महिला तथा बालबालिकाको क्षेत्रमा काम गर्दै आएको दलित महिला अधिकार मञ्च कैलालीले बर्दगोरिया गाउँपालिकाका नवनिर्वाचित जनप्रतिनिधिलाई बधाईसहित सम्मान गरेको छ ।
आइतबार सडकपुर बौनियामा एक कार्यक्रमका बिच पालिकाका नवनिर्वाचित अध्यक्ष कर्ण कुवर, वडा नम्बर ३ का अध्यक्ष मनऋषि आचार्य, वडा नम्बर ५ का अध्यक्ष भोलेराम चौधरीसहित वडा सदस्यहरुलाई सम्मान गरेको हो ।
सो क्रममा मञ्चकि कैलाली जिल्ला अध्यक्ष साबित्रा घिमिरे र किशोरी परियोजनाकि कोर्डिनेटर भगवती चौधरीले टीका र खादा लगाउदै पाँच वर्षिय कार्यकालको सफलताको शुभकामना दिए ।
कार्यक्रममा पालिका अध्यक्ष कर्ण बहादुरले बर्दगोरियामा बालबिबाह न्यूनीकरण ,बाल श्रम शोषणको अन्त्यगर्ने सवालमा आफू गम्भीर भएको भन्दै यसको रोकथाम र न्यूनीकरणको कार्यमा सक्दो सबै सहयोग गर्ने प्रतिबद्धता जनाए ।
