बौनिया । एचआईभि प्रभावित लाई बर्दगोरिया गाउँपालिकाको पशु शाखाले बाख्रा बितरण गरेको छ । बिहिवार एक कार्यक्रमका बिच पशु शाखाले बर्दगोरिया गाउँपालिका वडा नम्बर ३ का एचआईभि प्रभावितलाई आय आर्जनका लागि १३ वटा बाख्रा बितरण गरेको हो ।
एच आई भि प्रभावित संयोजक दले तिरुवाको अध्यक्षतामा भएको कार्यक्रममा प्रमुख अथिती पालिका उपाध्यक्ष गणेश राज गिरि रहनु भएको थियो ।
प्रमुख अथितिको आसन बाट बोल्दै उपाध्यक्ष गिरिले पशु शाखाले बाख्रा बितरण गरेर राम्रो काम गरेको बताउनु भयो । उनले एचआईभि पीडितले बाख्रा पालेर राम्रो आम्दानी गर्न सक्ने बताए ।
एचआईभि प्रभावितलाई उपाध्यक्षले भने राम्रो संग पालेर आम्दानी बढाउन आग्रह गरे । कार्यक्रमको संचालक नायब पशु प्राबिधिक अनिल ओलिले गर्नु भएको थियो ।
