बौनिया । कैलालीको बर्दगोरोया गाउँपालिका वडा नम्वर ६ राजिपुरमा सिचाइको लागि डिप बोरिङ जडान कार्य शुरु भएको छ । सुदुरपश्चिम प्रदेश सरकारको १० लाख रुपैयाँ लागतमा डिप बोरिङ जडान कार्य शुरु भएको हो ।
डिप बोरिङ जडानको कार्य भने उपभोक्ता समितिमार्फत बिहिवार देखि निर्माण कार्य थालिएको हो । अबको केही दिनभित्र मै उक्त कार्य सम्पन्न हुनेछ । डिप बोरिङ जडान पश्चात् करिब ६ हेक्टर बढी जमिन सिंचित हुने बर्दगोरिया गाउँपालिका वडा नम्बर ६ का अध्यक्ष रामकृष्ण डगौरा थारुले बताए ।
अध्यक्ष थारुले भने – खेतीयोग्य फराकिलो जमिन भएर पनि सिंचाई सुविधा नहुँदा स्थानीय किसानहरु आकासेपानीको भरमा खेती लगाउन बाध्य थिए । 
अब डिप बोरिङ जडानको काम पुरा भएपछि त्यो समस्या समाधान हुनेछ । यसबाट व्यवसायीक रूपमा कृषि पेशा गर्नेलाई थप सहजता हुने अपेक्षा गरिएको छ ।
