बर्दगोरिया । कैलालीको बर्दगोरिया ४ मा संचालित गौशालालाई सुदुरपश्चिमकै नमूना बनाउने आफ्नो योजना रहेको बर्दगोरिया गाउँपालिका अध्यक्ष कर्ण कुवरले बताएका छ्न ।
शुक्रबार गौशाला कार्यालयको अनुगमन,निरीक्षण तथा व्यवस्थापनको बारेमा जानकारी लिदै अध्यक्ष कुवरले गौशालालाई प्रदेशकै नमूना बनाउने गरि काम थाल्न व्यवस्थापन पक्षलाई निर्देशन दिएका छ्न । सडक चौपायाको संरक्षण र सडक सुरक्षाका लागि गौशाला व्यवस्थापन अहिलेको मुख्य आवश्यकता भएको भन्दै यसको दिगो व्यवस्थापनका लागि आफुले कुनै पनि कदम पछी नचाल्ने उनले बताए ।
गौसला व्यवस्थापन समिति अध्यक्ष श्याम कुमार चौधरीको अध्यक्षतामा भएको कार्यक्रममा बोल्दै उनले गौ माताको सुरक्षा र संरक्षणको लागि कुनैपनी कदम पछि नहट्ने बताए ।उनल्व सडकमा छाडा छोडेका गाईहरुलाई संरक्षण र सम्बर्द्धन गरी पालिकालाई सुव्यवस्थित गराउने ध्ययले आफू अगाडि बढेको उनको भनाई थियो ।
गौशालालाई बहुआयामिक बनाएर गरिबी न्यूनीकरण र पर्यटनसँग जोड्न सकिने उनल्व बताए। उनले छाडा चौपाया गौशालामा व्यवस्थित हुन थालेपछि सडकमा सवारी दुर्घटना, स्थानीयको बालिनानीको क्षेति लगायतका समस्या भने हटेर जाने विश्वास गरे ।
कार्यक्रममा गौशाला व्यवस्थापन समितिका सल्लाहकार शेर बहादुर कठरियाले गौसलामा अहिलेसम्म ३ सयबढी चौपाया रहेको भन्दै यसको व्यवस्थापनको लागि गम्भीर बन्न स्थानीय सरकारलाई आग्रह गरे । उनले गौशालामा घाँस तथा भुसा, घाँस काट्ने मेसिन, यसको घेरबार तथा संरक्षण,आवशको लागि कोठेघर ,यिनिहरुको उपचारको लागि खोरको व्यवस्थापनका बारेमा गम्भिर बन्न आग्रह गरे । कार्यक्रममा बर्दगोरिया गाउँपालिका वडा नम्बर १ का अध्यक्ष मिथुन गौतम ,वडा नम्बर २ का अध्यक्ष गोविन्द विक, ३ का अध्यक्ष मनऋषि आचार्य ,वडा नम्बर ४ का अध्यक्ष जगत बहादुर शाही, वडा नम्बर ५ का अध्यक्ष भोले राम चौधरी ,बौनिया बजार व्यवस्थापन समिति अध्यक्ष अमर बहादुर बम, दानुवाफाटा सामुदायिक वनका अध्यक्ष टेकराज जोशी लगाएतको उपस्थिति थियो ।
