बर्दगोरिया । कैलालीको बर्दगोरिया गाउँपालिकामा आइतबारदेखि शुरु भएको पाचौं बर्दगोरिया सेती लोकमार्ग खुल्ला राष्ट्र ब्यापी फुटबल प्रतियोगितामा शुक्रबारदेखि (आज) सेमिफाइनलका खेलहरु शुरु हुदैछ्न ।
सडकपुर बौनिया युवा क्लबको आयोजनामा जारी प्रतियोगिता अन्तर्गत आज पहिलो सेमिफाइनल खेल हुने भएको हो । दिउँसो २.३० बजे हुने खेलमा देविदल गण (आर्मी) र आयोजक सडकपुर बौनिया युवा क्ल्व (बि) काबिच फाइनल प्रवेशका लागि प्रतिस्पर्धा हुनेछ ।
यसअघि क्वाटर फाइनलमा जित निकाल्दै कोहलपुरको राइजिङ सहारा क्ल्व र ब्वाइज युनियन लम्की पनि सेमिफाइनलमा स्थान सुरक्षीत राखेका छ्न ।
प्रतियोगितामा प्रथम हुनेले नगद २ लाख २५ ह्जार सहित ट्रफी ,मेडल र प्रमाणपत्र साथै दोस्रो हुने टिमले नगद १ लाख १५ ह्जार नगद सहित ट्रफी मेडल र प्रमाणपत्र प्राप्त गर्ने छ ।
यसैगरी ब्यक्तिगत बिद्यातर्फ उत्कृष्ट खेलाडीले नगद १५ ह्जार प्राप्त गर्दा,उत्कृष्ट डिफेन्स्क,उत्कृष्ट गोल रक्षक, उदयिमान खेलाडी र सर्बाधिक गोल कर्ता ले नगद १०/१० ह्जार प्राप्त गर्ने छन ।
प्रतियोगिता कार्तिक ६ गतेसम्म चल्नेछ ।
