बर्दगोरिया । कैलालीको बर्दगोरिया गाउँपालिका वडा नम्बर ४,५ र ६ मा संयुक्त बाम लोकतान्त्रिक गठबन्धन क्षेत्र नम्बर २ (ख) अन्तर्गतका सम्पर्क कार्यालय उदघाटन तथा संयुक्त चुनावी कार्यक्रम सम्पन्न भएको छ ।
आगामी मंसिर ४ गते हुने प्रतिनिधि सभा सदस्य तथा प्रदेश सभा सदस्य निर्वाचनलाई लक्षित गर्दै संयुक्त बाम लोकतान्त्रिक गठबन्धनको सम्पर्क कार्यालय उदघाटन गरिएको हो ।
संयुक्त बाम लोकतान्त्रिक गठबन्धन क्षेत्र नम्बर २( ख) बाट सुदुरपश्चिम प्रदेश सभा सदस्य उम्मेदवार नन्द बहादुर साउद (राजेन्द्र ) को प्रमुख आथित्यमा कार्यालय उद्घाटन गरिएको हो ।
कार्यक्रममा बाम लोकतान्त्रिक गठबन्धन कैलाली निर्वाचन क्षेत्र नम्बर २ का प्रतिनिधि सभा सदस्य उम्मेदवार भगत बहादुर बडूवाल, नेपाली कांग्रेस महासमिति सदस्य हेम बहादुर रावल लगाएतको उपस्थिति थियो ।
कार्यक्रममा गठबन्धनका साझा उम्मेदवारलाई भारी मतका साथ बिजयी गराउन सबैले आ-आफ्नो तह र तप्काबाट सक्रियताका साथ चुनावी अभियानमा लाग्नुपर्ने कार्यक्रममा सहभागी नेता कार्यकर्ताले बताए ।
कार्यक्रमबाट मंसिर ४ गते हुने प्रतिनिती सभा सदस्य तथा प्रदेश सभा सदस्यका उम्मेद्वारलाई निर्वाचित गराउन पार्टीका नेता तथा कार्यक्रमलाई विभिन्न जिम्मेवारी समेत दिइएको छ ।
