बर्दगोरिया । कैलालीको बर्दगोरिया गाउँपालिकामा रहेका सहकारी संस्थाहरुका लागि दिने तालिम शुरु भएको छ । बर्दगोरिया गाउँपालिकाको आयोजनामा भएको तालिमको आइतबार गाउँपालिका उपाध्यक्ष गणेश राज गिरि (लालदिप) ले उद्घाटन गर्नुभएको छ ।
तालिममा सहकारी संस्थाको व्यवस्थापन ,पुजि परिचालन ,बचत तथा ऋण लगानी के कसरी गर्न सकिन्छ ? र गरिबी न्यूनीकरणमा – के कसरी फाइदा पुर्याउन सकिन्छ ? भन्ने बारेमा सहकारी संस्थाका प्रतिनिधिलाई जानकारी दिने उदेश्यले तालिमको आयोजना गरिएको हो । तालिममा बर्दगोरिया गाउँपालिका भित्र संचालनमा रहेका विभिन्न ४२ ओटा सहकारी संस्थाका प्रमुख तथा प्रतिनिधिको सहभागिता रहेको छ ।
तालिमको उद्घाटन गर्दै पालिका उपाध्यक्ष गणेश राज गिरिले सहकारी संस्थाको माध्यमबाट समाजलाई आर्थिक रूपमा सबल बनाउनका लागि महत्वपूर्ण भुमिका रहने भएको हुँदा यसको व्यवस्थापन ,पुजि परिचालन र संचालनमा विशेष जोड दिन आवश्यक रहेको बताउनुभयो । 
उहाँले सहकारी संस्थाहरुको संचालनकोबाट आर्थिक समृद्धिलाई गतिशील बनाउने भएकाले गरिबी घटाउन र समाजमै स्वरोजगारको बाताबरण सृजना गर्ने सफल माध्यम भएको हुँदा दिगो व्यवस्थापनमा जोड दिनुभयो ।
सो क्रममा उहाँले सहकारीको माध्यमबाट बचत तथा ऋण परिचालन, व्यावसायिक खेती, बजार व्यवस्था जस्ता विकास क्रियाकलापबाट आय आर्जन र रोजगारी सिर्जनागर्न सकिने कुरामा जोड दिनुभयो ।
कार्यक्रममा सहकारी शाखा प्रमुख झपी ओझाले स्वागत मन्तव्य राख्नु भएको थियो । तालिमका सहभागिलाई प्रशिक्षक कृष्ण प्रसाद न्यौपाने प्रशिक्षण दिनेछ्न ।
