जोशीपुर । कैलालीको जोशीपुर गाउँपालिका वडा नम्बर ६ ले सरसफाइ अभियान थालेको छ । सडक वरपर हुने सम्भावित दुर्घटना न्यूनीकरणका लागि ६ नम्बर वडा कार्यालयले सो अभियान सुरु गरेको हो ।
विशेष गरि वर्षातको समयमा विभिन्न खालका प्रकोप न्यूनीकरण ,सवारी दुर्घटना न्यूनीकरणको लागि अभियान थालिएको हो । अभियान स्वरुप वडाका विभिन्न सडक छेउछाउमा सरसफाइ, सडकमा राखिएका बस्तु हटाउने र झाडी सफाइको काम थालिएको वडा अध्यक्ष भोजराज डगौरा थारुले बताए ।
सरसफाइ कार्यक्रममा स्थानीयको उल्लेखनीय सहभागिता र सहयोग पाइएको छ । वडा कार्यालयले केही दिन अघिमात्र सडक छेउछाउमा निर्माण सामाग्री नराख्न, पशुचौपाया नबाध्न र सडक छेउछाउ सफा राख्न वडाबासीलाई सुचित गरेको थियो ।