ईलाका प्रहरी कार्यालय बौनियाको प्रहरी प्रमुखको जिम्मेवारी थापालाई

बौनिया । कैलालीको बर्दगोरिया गाउँपालिका स्थित बौनिया बजारमा रहेको इलाका प्रहरी कार्यालय सडकपुर बौनियाको प्रमुख फेरिएका छन् । इप्रकामा कार्यरत प्रहरी निरीक्षक लिलाराज आचार्यको सरुवा भए सँगै यो इलाकाको कमान्ड सम्हाल्न प्रहरी निरीक्षक वीर बहादुर थापा आएका छन् ।थापा जिल्ला प्रहरी कार्यालय डडेलधुराबाट सरुवा भई इलाका प्रहरी कार्यालय सडकपुर बौनियामा इन्चार्जको जिम्मेवारी सम्हाल्न पुगेका हुन । यसअघि ईलाका प्रहरी कार्यालय बौनियाको इन्जार्चको जिम्मेवारी सम्हालेका लिलाराज आचार्य काठमाडौ काज सरुवा भएका छ्न । आचार्यको ठाउँमा अब थापाले यहाँको कमान्ड सम्हाल्ने छ्न ।इप्रका बौनियाको जिम्मेवारी सम्हाल्न आएका प्रहरी निरीक्षक थापालाई शुक्रबार बर्दगोरिया गाउँपालिकाले स्वागत गरेको छ । पालिका अध्यक्ष कर्ण बहादुर कुवरले प्रहरी निरीक्षक थापालाई यहाँको वस्तु स्थिति बारे जानकारी दिदै समग्र पालिकाको शान्ति सुरक्षाका विषयमा संबेदनसिल भयर काम गर्न सुझाव दिदै आफ्नो तर्फबाट पालिकाले गर्ने सबै सहयोग गर्ने प्रतिबद्धता जनाए ।पालिका अध्यक्ष कुवरसहित यहाँका वडा अध्यक्ष, कार्यपालिका सदस्य लगायतले समेत प्रहरी निरीक्षक थापालाई अविर र खादा लगायर स्वागत गरेका थिए । सो क्रममा प्रहरी निरीक्षक थापाले यहाँको समग्र शान्ति सुरक्षाका सवालमा आफू कटिबद्ध भयर लागिपर्ने भन्दै आम बर्दगोरियाबासीको साथ र सहयोग चाहिने बताए ।