बर्दगोरिया । कैलालीको बर्दगोरिया गाउँपालिका स्थित बौनियामा रहेको आदर्श सामुदायिक विद्या मन्दिरको आदर्श स्काउट दलले अन्तरास्ट्रिय शान्ति दिवसको अवसर पारी विविध कार्यक्रम सम्पन्न गरेको छ ।
स्काउट दलले बौनिया बजारमा शान्ति र्याली , साहरा घरमा रहेका असहायहरुई जुस वितरण तथा वडा न १ मा रहेको जेष्ठ नागरिक मिलन केन्द्रमा कटहरका बिरुवा रोपि अन्तरास्ट्रिय शान्ति दिवस मनाएको हो ।
वृक्षारोपण कार्यक्रममा वडा न १ का अध्यक्ष तथा बर्दगोरिया सरकारका प्रबक्ता मिथुन गौतमको उपस्थिति रहेको थियो ।कार्यक्रममा बोल्दै प्रवक्ता गौतमले पछिल्लो समय समाजमा लागू औषधको जालो बढिरहेको भन्दै यसको दुर्व्यसनीबाट बालबालिकालाई टाढा राख्न हरेक विद्यालयले विद्याथीलाई सामाजिक काममा सक्रिय बनाउनु पर्ने बताउनु भयो ।
सो क्रममा उहाँले आदर्श स्काउट दलका विद्यार्थीलाइ धन्यवाद ज्ञापन गर्दै पालिकाका हरेक विद्यालयमा स्काउट दल स्थापनाका लागि पहल गर्ने बताउनुभयो ।
कार्यक्रममा घोडाघोडी नगर स्काउट सदस्यता वृद्धि संयोजक भिम अम्मै , एम.ओ.पि. सुदुरपश्चिम प्रदेश अध्यक्ष पुष्कर अवस्थी , खप्तड बहुमुखी क्याम्पस स्ववियु सचिव प्रेम जोशी र विद्यायका शिक्षक सुनिल भण्डारी लगाएतको उपस्थिति रहेको थियो ।
आदर्श सामुदायिक विद्या मन्दिरमा रहेको आदर्श स्काउट दल बर्दगोरिया गाउपालिकाको विद्यालय स्तरिय पहिलो स्काउट दल हो । आदर्श स्काउट दलले विद्यालय र विद्यालय क्षेत्र वरपर विविध सामाजिक कार्यक्रम गर्दै आएको छ ।
