बर्दगोरिया । कैलालीको बर्दगोरिया गाउँपालिका वडा नम्बर ६ स्थित विशालनगरका विपन्न ,एकल महिला ,मुक्तकमैया तथा मुक्तकमलहरीलाई बाख्रा वितरण गरिएको छ । गरिब तथा विपन्न घर परिवारको जीविकोपार्जनका लागि बाख्रा वितरण गरिएको हो।
भेटेरीनरी अस्पताल तथा पशु विज्ञ केन्द्र धनगढी, कैलालीको सहयोगमा लालिगुरास समुह विशालनगरमार्फत यहाँका विपन्न ,दलित ,एकल महिला, मुक्तकमैया तथा मुक्तकमलहरी गरि १० जनालाई बाख्रा वितरण गरिएको हो ।
सोमबार एक कार्यक्रमकाबिच सुदुरपश्चिम् प्रदेश सरकारका निवर्तमान भुमि व्यवस्था कृषि तथा सहकारी मन्त्री रामेश्वर चौधरीले बाख्रा वितरण गरेका हुन । सो क्रममा उनले सधै आफू विपन्न ,गरिब असाहयको आर्थिक सशक्तीकरणका लागि लागि पर्ने बताए ।
समुहका अध्यक्ष गणेश बहादुर विस्वकर्माको सभाध्यतामा भएको कार्यक्रममा वडा नम्बर ६ का वडा अध्यक्ष रामकृष्ण डगौरा थारु, वडा सदस्य धनसरा सुनार,पशु सेवा शाखा पृथ्वीपुरका पशु प्राविधिक युवराज कठरिया लगाएतको उपस्थिति थियो ।
