सुदूरपश्चिमसहित पाँच प्रदेशमा भोलिसम्म भारी वर्षाको चेतावनी ,सतर्कता अपनाउन आग्रह

काठमाडौं । मौसम पूर्मानुमान महाशाखाले आज राति देशभर साधारणदेखि पूर्ण बदली रहने जनाएको छ । बिहीबार साँझ जारी गरेको बुलेटिनमा महाशाखाले आज राति कोसी, मधेस, वाग्मती, गण्डकी र लुम्बिनी प्रदेशका अधिकांश स्थानमा तथा कर्णाली र सुदूरपश्चिम प्रदेशका केही स्थानमा मेघ गर्जन/चट्याङसहित हल्कादेखि मध्यम वर्षाको सम्भावना रहेको जनाएको छ ।कोसी, मधेस, वाग्मती, गण्डकी र लुम्बिनी प्रदेशका केही स्थानमा, सुदूरपश्चिम प्रदेशको एक–दुई स्थानमा भारी वर्षाको सम्भावना छ । यसैगरी, कोसी र गण्डकी प्रदेशका थोरै स्थानमा तथा मधेस, वाग्मती र लुम्बिनी प्रदेशका एक–दुई स्थानमा धेरै भारीदेखि अति भारी वर्षाको सम्भावना छ ।भोलि दिउँसो देशभर साधारणतदेखि पूर्णत बदली रहने छ । कोसी, मधेस, वाग्मती, गण्डकी र लुम्बिनी प्रदेशका अधिकांश स्थानमा साथै कर्णाली र सुदूरपश्चिम प्रदेशका धेरै स्थानमा मेघ गर्जन/चट्याङसहित हल्कादेखि मध्यम वर्षाको सम्भावना छ ।