बागलुङ, ८ जेठ २०७८ ।
जैमिनी नगरपालिकामा १ सय ९ जनाको स्वाव संकलन गरिएको छ । बागलुङको जैमिनी नगरपालिकाका विभिन्न वडाबाट १ सय ९ जनाको कोरोना परिक्षणको लागि स्वाव संकलन गरिएको हो ।
नगरपालिकाको वडा नं ८ छिस्तीका १० जना, वडा नं ७ जैदिका २७ जना, वडा नं ६ अर्जेवाका ३४ जना, वडा नं ५ विनामारेका २४ जना, वडा नं २ दमेकका ११ जना र वडा नं १ कुस्मिसेराका ३ जना गरी १ सय ९ जनाको स्वाव संकलन गरिएको जैमिनी नगरपालिकाले जनाएको छ ।
नगरपालिकाले बिहिबार र शुक्रबार वडा वडामा नै पुगेर स्वाव संकलन गरेको थियो । उनिहरुमा कोरोना संक्रमण छ वा छैन भनेर परिक्षणको लागि धौलागिरी अस्पतालको प्रयोगशालामा पठाइएको छ ।
