सुजन प्रेमी
बागलुङ, २३ असार २०७८ ।
जैमिनीमा भेरोसेल खोपको दोश्रो मात्रा लगाइएको छ । बुधबार जैमिनीका ४ सय २२ जनालाई कोरोना विरुद्धको भेरोसेल खोपको दोश्रो मात्रा लगाइएको हो ।
पहिलो डोज लगाएका ५ सय २३ जनामध्ये बुधबार २ सय २४ महिला र १ सय ९८ जना पुरुष गरी ४ सय २२ जनाले खोप लगाएको जैमिनी नगरपालिका स्वास्थ्य शाखा संयोजक गोविन्द प्रसाद आचार्यले जानकारी दिनुभयो । संख्या अनुसारको खोप मगाएको भएपनि झण्डै एकसय जना खोप लगाउन नआएकाले बिहिबार पनि खोप कार्यक्रमलाई निरन्तरता दिइने उहाँको भनाई छ ।
खोपको पहिलो मात्रा लगाएर अन्यत्रबाट जैमिनीमा आएकाहरुले खोपको कार्ड देखाएमा दोश्रो मात्रा लगाउन पाउनेछन् । खोप लगाउनका लागि पहिलो मात्रा लगाएको खोपकार्ड अनिवार्य लैजानुपर्नेछ ।
