बागलुङ, ४ भदौ २०७८ ।
जैमिनीमा १ जना कोरोना संक्रमित थपिएका छन् । पछिल्लो समय ३ जनाको एन्टिजेन परिक्षण गर्दा १ जनाको रिपोर्ट पोजेटिभ आएको हो ।
जैमिनी नगरपालिका वडा नं १ कुश्मिसेराका ३ जनाको एन्टिजेन परिक्षण गर्दा १ जनामा कोरोना देखिएको जैमिनी नगरपालिकाका स्वास्थ्य शाखा संयोजक गोविन्द प्रसाद आचार्यले जानकारी दिनुभयो ।
यो संगै अहिले जैमिनी नगरपालिकामा ४५ जना कोरोनाका सक्रिय संक्रमितहरु रहेका छन् । तीमध्ये जैमिनी नगरपालिकाको वडा नं १ कुश्मिसेरामा १ जना, वडा नं ४ सर्कुवामा १८ जना, वडा नं ५ विनामारेमा २० जना र वडा नं ६ अर्जेवामा ६ जना रहेका छन् ।
