बागलुङ, १५ भदौ २०७८ ।
सुनौलो बागलुङ संस्थाको साधारणसभा तथा अधिवेशन सम्पन्न भएको छ । बागलुङकाे जैमिनी नगरपालिकामा अवस्थित सामाजिक संस्था सुनौलो बागलुङको प्रथम साधारणसभा तथा अधिवेशन मंगलबार कुश्मिसेरामा सम्पन्न भएको हो ।
कार्यक्रममा अध्यक्ष शिव श्रीसले संस्थालाई सामाजिक र चलायमान बनाउनको लागि सबैको साथ आवश्यक रहने बताउनुभयो । कुनैपनि संस्थामा सामाजिक भाव लिएर आगाडि बढे सफल हुन सकिने भन्दै उहाँले सबै सदस्यहरुले उत्तिकै दायित्वबोध गरेर संस्था बलियो बनाउनुपर्ने धारणा राख्नुभयो ।
यस्तै कार्यक्रमका प्रमुख अतिथि तथा सुनौलो बागलुङ बैदेशिक बिभागका संयोजक चित्र श्रीसले आफुहरु जता भएपनि संस्था र नेपालको माया मनमा रहने भन्दै सक्दो सहयोग गर्ने प्रतिबद्धता जनाउनुभयो । देश तथा विदेशमा रहेर सामाजिक काम गरे कसैको ज्यान बच्ने र कतिको पेट भरिने भएकाले असहायहरुलाई सहयोग गर्नुपर्ने बताउनुभयो ।
बैठकले ११ सदस्यीय कार्यसमिति चयन गरेको छ । संस्थाको अध्यक्षमा स्वेता घर्ती, उपाध्यक्षमा दिलिप पर्तेल, सचिव प्रदिप श्रीस, कोषाध्यक्ष रोजी राना र सदस्यमा कल बहादुर परियार, तेरुसा पुन लगाएत रहनुभएको छ ।
संस्थालाई सामाजिक कार्यमा अग्रसर राख्नको लागि आगामी दिनमा अझै प्रयास गर्ने नयाँ कार्यसमितिले प्रतिबद्धता जनाएका छन् ।
