काठमाडौं । पछिल्लो २४ घन्टामा नेपालमा थप ८ सय ६७ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयकोअनुसार ८ हजार २ सय १९ जनाको पिसिआर र एन्टिजेन परीक्षण गर्दा ८ सय ६७ जना संक्रमित भेटिएका हुन्। योसंगै नेपालमा ७ लाख ९६ हजार ६ सय १८ जनामा कोरोना संक्रमण पुष्टि भएको छ ।
त्यस्तै, आज थप ९ जना संक्रमितको मृत्यु भएको छ। नेपालमा कोरोना संक्रमणका कारण हालसम्म ११ हजार १ सय ५७ जनाको मृत्यु भएको छ ।
यस्तै, आज १ हजार १ सय २३ जना संक्रमित संक्रमणमुक्त भएका छन्। योसंगै नेपालमा निको हुनेको संख्या ७ लाख ६७ हजार ८ सय १९ जनाले कोरोनालाई जितेका छन् ।
हाल देशभर १७ हजार ६ सय ४२ जना सक्रिय संक्रमित रहेको मन्त्रालयले विवरणमा जनाएको छ।
