बौनिया,कैलाली । कैलालीको लम्कीमा जारी प्रथम स्वर्गीय बिरेन्द्र शाही स्मृति क्रिकेट कपमा गुरुकुल इङ्लिस बोर्डिङ स्कुल सेमिफाइनल प्रवेश गरेको छ ।
बिहीवार दिउँसो १ बजे भएको दोस्रो क्वाटरफाईनल खेलमा गुरुकुल इङ्लिस बोर्डिङ स्कुलले राजापुरलाई ४८ रनले पराजित गर्दै गुरुकुल सेमिफाइनल प्रवेश गर्न सफल भएक हो । टस जितेर ब्याटिङ गरेको गुरुकुलले निर्धारित १५ ओभरमा ४ विकेट गुमाउदै १ सय ३४ रन बनाउन सफल भएको थियो ।
गुरुकुल स्कुलका लागि राहुल शर्माले उत्कृष्ट ब्याटिङ गर्दै २४ बलमा ६ चौका र ३ छ्क्का को मद्दतमा नट आउट ५२ रनको योगदान गरेका थिए । यसैगरी बिपिन आचार्यले २६ र सोम शर्माले ३१ रनको योगदान गरेका थिए । १ सय ३५ रनको बिजयी लक्ष्य लिएर जवाफी ब्याटिङमा आएको राजापुर निर्धारित १५ ओभर मध्य १२.१ ओभर खेल्दै अल आउट हुन पुग्यो र ४८ रनको हार ब्यहोर्दै घर फर्किन बाध्य भएक हो ।
राजापुरलाई सस्तैमा रोक्ने क्रममा गुरुकुलका राहुल शर्माले ३ ओभरमा १२ रन खर्चिदै ४ तथा गौतम कनोजियाले २.१ ओभरमा १५ रन खर्चिदै ३ विकेट लिन सफल भएका थिए । अलराउण्ड प्रदर्शन गरेका गुरुकुल स्कुलका राहुल शर्मा म्यान अफ द म्याच बन्न सफल भए ।
प्रतियोगितामा प्रथम हुने टिमले नगद १ लाख १ ह्जार र द्दितिय हुने टिमले ४५ ह्जार पुरस्कार पाउने खेल संयोजक प्रमोद आचार्यले जानकारी दिए । प्रतियोगितामा देशभरिका १६ टिमको सहभागिता रहेको छ । १६ टिमलाई ४ समुहमा बिभाजन गरिएको थियो ।
