बौनिया । कैलालीको बर्दगोरिया गाउँपालिका स्थित सडकपुर बौनिया बजारमा वाहाना स्विट्स एण्ड नास्ता पसल संचालनमा आएको छ । पसलको सोमबार बर्दगोरिया गाउँपालिका वडा नम्बर १ का अध्यक्ष जयरुप खतिवडाले उद्घाटन गरे । सो क्रममा उनले सफल व्यवशायका निम्ति शुभकामना दिए ।
वाहाना स्विट्स एण्ड नास्ता पसलमा विभिन्न प्रकारका स्विट्स र नास्ताको ग्राहकले स्वाद लिन पाउनेछ्न । ग्राहकहरुलाई नितान्त फरक र सुविधा युक्त तरिकाले सेवा उपलब्ध गराउँदै पसल संचालनमा ल्याइएको प्रोपाइटर निशान्त विष्टले बताए । निकै सफा र स्वच्छ तरिकाले ग्राहकलाई सेवा प्रदान गरिने उनले बताए ।
ग्राहकको निम्ति स्वच्छ तथा स्वस्थ वातावरणमा सेवा प्रदान गर्ने, गुणस्तरीय सेवा सुविधा उपलब्ध गराउने, सेवाग्राहीहरुलाई न्यानो आतिथ्यता प्रदान गर्ने लागयतका उद्देश्यले पसल संचालनमा ल्याइएको उनले बताए । उनका अनुसार पसलमा स्वच्छ, स्वस्थ तथा गुणस्तरीय खाजा, विभिन्न प्रकारका बेकरी आईटम, कफि समेत उपलब्ध हुनेछन् ।
