बैनियाँ । दलित महिला संघ (फेडो ) कैलालीद्वारा बर्दगोरियामा समुदाय स्तरका महिलाहरुको लागि संचालित कानुनी साक्षरता ,नागरिक शिक्षामा क्षमता अभिवृद्धि सम्बन्धि दुई दिने तालिम सम्पन्न भएको छ ।
दलित महिला संघ (फेडो) का कैलाली जिल्ला सदस्य रमा बादीको सभापतित्व तथा बर्दगोरिया गाउँपालिका कार्यपालिका सदस्य बेलु देवि विकको प्रमुख आतिथ्यतामा तालीमको सोमबार समापन गरिएको हो ।
तालीममा सहभागीलाई लैङ्िगक हिंसा, जातीय भेदभाव ,घरेलु हिंसा र यसको कानुनी प्रावधान बारे कानुन व्यवसायी तथा अधिवक्ता गणेश कठायतले प्रशिक्षण दिनु भएको थियो ।
तालीममा २५ जना बढीको सहभागीता रहेको थियो । कार्यक्रम संचालन फेडोकी बर्दगोरिया संयोजक बाल कुमारी सुनारले गर्नु भएको थियो ।
