बर्दगोरियामा हावाहुरीले यस्तो बितण्डा मच्चायो [तस्बिरमा हेर्नुहोस ]

बौनिया । कैलालीको बर्दगोरिया गाउँपालिकामा बिहीबार पानीसँगै आएको हावाहुरीले बितण्डा मच्चाएको छ । तीब्र गतिमा चलेको हावाहुरीले बर्दगोरियाका धेरै स्थानमा बिजुली, केवल र इन्टरनेटको तार चुडाएको छ ।

गाउँपालिकाको वडा नम्बर ६ स्थित पृथ्वीपुरमा हावाहुरीका कारण एउटा् बिजुलिको पोल भाचिएको छ । पोल भाचिएपछि विधुत अवरुद्ध भएको वडा नम्बर ६ का वडा अध्यक्ष रामकृष्ण डगौरा थारुले जानकारी दिए ।

उनकाअनुसार वडा नम्बर ६ का तीन जना स्थानीयको घरको छानासमेत हावाहुरीले उडाएको छ । स्थानीय प्रेमलाल डगौराको घरको छाना हावाहुरीले उडाएको छ भने ट्वाइलेट भत्काइदिएको छ । यस्तै स्थानीय ओम प्रकाश कठरियाको घर र भान्साको छाना पनि हावाहुरीले उडाएको छ ।

उता वडा नम्बर ३ मा समेत १ स्थानीयको घरको छाना उडाएको खवर प्राप्त भएको छ ।