घोडाघोडी । कैलालीको घोडाघोडी नगरपालिकाको कार्यालयमा ज्यानमार्ने धम्किसहित हतियार लियर प्रवेश गर्ने समुहलाई कडा कारबाहीको माग गरिएको छ ।
कानुनी राज्यको धज्जी उडाउडै सरकारी कार्यालय उडायर ध्वस्त पार्ने र कर्मचारीलाई ज्यान मार्ने धम्कीसहित बुधबार एकसमुह नगरपालिकाको कार्यालयमा धारिलो हतियारसहित प्रवेश गरेको थियो ।
घटनाको अहिले सर्वत्र विरोधसहित सो समुहलाई यथासक्य कानुनी कारबाहीको माग भएको छ । हतियारधारी समुहको चेतावनी पश्चात् कार्यालयमा कामगर्ने कर्मचारी त्रसित बनेका छ्न । घटनाप्रति गम्भीर ध्यानाकर्षण भएको भन्दै स्थानीय राजनीतिक दलहरुले बिहिवार सयुक्त वक्तव्य जारी गर्दै सो समुहलाई कानुनी कारबाही गर्न स्थानीय प्रशासन सङ्ग माग गरेको छ ।
यसैगरी बिहीवार नै बसेको नगरपालिकाको बैठकले घटनाको घोर निन्दा गर्दै दोषीलाई कडाभन्दा कडा कामकारबाहीको माग गरेको छ ।
बुधबार नगरपालिकाको बैठक चलिरहेको समयमा एक हतियारधारी समुह कार्यालय प्रवेश गरि कर्मचारीलाई आतंकित पार्ने र नगरपालिकाको कार्यालय उडाइदिने चेतावनी दिएको थियो ।
