जोशीपुरमा असार ३ गतेदेखि १५ गतेसम्म विद्यालयमा गर्मी बिदा

जोशीपुर । कैलालीको जोशीपुर गाउँपालिकामा असार ३ गतेदेखि गर्मी बिदा हुने भएको छ। पछिल्लो केही दिन यता अत्याधिक गर्मी हुनथालेपछि गाउँपालिकाले असार १५ गतेसम्म  १३ दिन यहाँका सामुदायिक तथा संस्थागत विद्यालयमा बिदा दिएको हो।

पालिकाले शुक्रबार एक सूचना जारी गर्दै वर्षे बिदाबाट मिलान हुने गरी विद्यालय बन्द गर्ने निर्णय गरेको सूचनामा उल्लेख गरिएको छ।

यसैगरी पालिकाले अत्यधिक गर्मिका कारण तातो हावा (लु) बाट आफुपनि बच्न र बालबालिकालाई समेत विशेष हेरबिचार गर्न सबै शिक्षक अभिभावकमा अपिल गरेको छ ।