बौनिया । कैलालीको बर्दगोरिया गाउँपालिका वडा नम्बर १ मा गएराती बाख्रा चोरी भएको छ । बौनिया – भजनी सडकखण्ड अन्तर्गत वडा नम्बर १ शान्तिनगर निवासी रग बहादुर विष्टको घरबाट गएराती ४ वटा बाख्रा र १ खसी चोरी भएको हो ।
पिडित विष्टकाअनुसार बाख्रा खोर नै रित्तो पारेर बाख्रा चोरी भएको छ । गएराती घरपरिवार सुतेका बेला चोरले बाख्राको खोरबाट चोरी गरेको र विहान मात्र आफुले थाहा पाएको पिडित विष्टले बताए । उनले भने, ‘हाम्रो खोरमा ५ वटा बाख्रा थिए। हिजो राति तीनै चोरी भए।’ चोरीको विषयमा विष्टले ईलाका प्रहरी कार्यालय बौनियालाई जानकारी गराएको बताए ।
अहिले घटनास्थलमा प्रहरी पुगेको छ । चाडपर्व नजिकिदै जादा चोरीका घटना घट्न थालेपछि स्थानीयमा चिन्ता छाएको छ ।
