बौनिया । कैलालीको बर्दगोरिया गाउँपालिका २ मा रहेको सहारा घरलाई नेपाल कम्युनिस्ट पार्टी (एमाले) बर्दगोरिया गाउँ कमिटीले आर्थिक सहयोग गरेको छ । बुधबार एक कार्यक्रमका बीच नेकपा एमाले बर्दगोरियाको नव निर्वाचित गाउँ कमिटीले आर्थिक सहयोग गरेको हो ।
असाहयका लागि साहाराको अभिभावकिय दायित्व निर्वाह गर्दै आएको सहारा घरलाई एमाले बर्दगोरिया गाउँ कमिटीलगाएतको सयुक्त टोलिले नगद १० हजार ४ सय २५ रुपैयाँ र मिठाई प्रदान गरेको हो । दुखी र असाहयको सहायताका लागि राजनीतिक संस्कार बसाल्नु मुख्य आवश्यकता भएको भन्दै सहारा घरलाई सहयोग गरिएको एमाले बर्दगोरिया गाउँ कमिटीका नव निर्वाचित अध्यक्ष मधुकर सिजापती मगरले बताउनुभयो ।
जसको कोही पनि छैन, त्यस्ता अभिभावक बिहिन व्यक्तिको सहारा बन्ने राजनीतिक बानिको विकास गर्नका लागि नव निर्वाचित टोलिसहित आफ्ना कार्यकर्ताहरुले गरेको सहयोगलाई सहारा घरमा हस्तान्तरण गरिएको उहाँले बताउनुभयो ।
सहयोग हस्तान्तरण कार्यक्रममा नेकपा एमाले जिल्ला कमिटी कैलालीका सदस्य द्वारिका धमलाले व्यहाहाराहरुको सहारा बन्नु सबैको सबैभन्दा ठूलो मानव धर्म भएको बताउनुभयो । उहाँले दशै ,तिहार तथा छठजस्ता चाडपर्वमा हुने फजुल खर्जलाई मात्रै अभिभावक बिहिन बेसाहारालाई सहयोग गरे ठुलो मानव धर्म हुने बताउनुभयो ।
कार्यक्रममा एमाले बर्दगोरियाबाट निर्वाचित जनप्रतिनिधि, बर्दहोरिया इन्चार्ज तथा जिल्ला कमिटी सदस्य मिथुन गौतम, गाउँ कमिटी सचिव देवेन्द्र शाही, सह-सचिव मिलन वलि लगाएतको उपस्थिति रहेको थियो ।
