बौनिया । कैलालीमा झण्डै २६ लाख भारतीय रुपैयाँ र दुई तोला सुन प्रहरीले बरामद गरेको छ ।
जिल्लाको बर्दगोरिया गाउँपालिका वडा नम्बर ४ सुन्दरपुर स्थित दुर्गा चलाउनेको घर नजिक खेतबारीमा खाडलमा प्लाष्टिकको झिल्ली भित्र स्टिलको डिब्बामा लुकाई छिपाई गरी राखेका २ लाख २२ हजार र जिल्लाको घोडाघोडी नगरपालिका वडा नं. ८ बस्ने लाल बहादुर थापाको घर नजिकको खेतबारीमा खाल्डो खनी पलास्टिकको भित्र लुकाई छिपाई गरी राखेको २३ लाख ४६ हजार भारतीय रुपैयाँ र २ तोला स-साना सुनका टुक्रा गरि कुल २५ लाख ६८ हजार रुपैयाँ प्रहरीले बरामद गरेको जनाएको छ ।
बिहीवार विशेष सूचनाको आधारमा सो रुपैयाँ र सुन बरामद गरिएको जिल्ला प्रहरी कार्यालय कैलालीले जनाएको छ । प्रहरीले सो घटना बारे आबस्यक अनुसन्धान अघि बढाएको जनाएको छ । भारतका विभिन्न शहरबाट नेपाली कामदारले चोरी गरेर सो रकम नेपाल ल्याइएको प्रहरीले जनाएको छ ।
