बौनिया । कैलालीको बर्दगोरीया गाउँपालिका-२ मा रहेको असाहयका लागि सहयोगी हातहरु ,नेपालद्बारा संचालित सहारा घरमा निशुल्क दन्त सेवा शिविर सम्पन्न भएको छ ।
सडकपुर बौनियामा संचालित मालिका डेन्टल क्लिनिक र सरसफाइ तथा किशोर किशोरीको क्षेत्रमा कामगर्दै आएको जुनकीरी नेपालको सयुक्त आयोजनामा शिविर आयोजना गरिएको थियो । शिविरमार्फत १ सय जनालाई सेवा प्रदान गरिएको छ ।
शिविरमार्फत सहारा घरमा रहेका असाहयहरुको दन्त परिक्षण ,चेकजाँचका साथै सरसफाइ सामाग्री अन्तर्गत साबुन , कोलगेट र ब्रश लगाएत आवस्यक सामग्री वितरण गरिएको थियो ।
कार्यक्रममा मालिका डेन्टलका ( सीडीएस ) केशव शाही र टीकापुर डेन्टलका पदम बहादुर शाहीले चेकजाँच तथा परिक्षण गरेका थिए । मालिका डेण्टलले विगत देखिनै सहारा घरमा सहयोग तथा सेवा गर्दै आएको छ ।
