बौनिया । कैलालीको बर्दगोरिया गाउँपालिकामा संचालित पाचौ बर्दगोरिया सेती लोकमार्ग खुल्ला राष्ट्र ब्यापी फुटबल प्रतियोगितामा बुधबार (आज) क्वाटर फाईनलका दुई खेलहरु हुने भएका छन ।
सडकपुर बौनिया युवा क्लबको आयोजनामा जारी प्रतियोगितामा आजको पहिलो क्वाटर फाईनल खेल दिउँसो १:३० बजे घोडाघोडी क्लब सुखडका विरुद्ध राईजिङ सहारा कोहलपुर बिच हुनेछ भने, दोस्रो खेल दिउँसो ३ बजे आयोजक सडकपुर बौनिया युवा क्लब (बि) विरुद्व शान्ती युवा क्लब बाघमारा बिच प्रतिस्पर्धा हुनेछ ।
प्रतियोगितामा राष्ट्रिय तथा अन्तर्राष्ट्रिय खेलाडीको समेत सहभागीता रहेको छ । आयोजक टिमबाट क्यामरुनी खेलाडीले समेत आजको खेल खेल्ने खेल संयोजक रवि कुँवरले जानकारी दिए ।
बर्दगोरिया गाउँपालिका वडा नम्बर ४ स्थित मुडा खेल मैदानमा उक्त फुटबल प्रतियोगिता भइ रहेको छ । प्रतियोगितामा प्रथम हुनेले नगद २ लाख २५ ह्जार सहित ट्रफी ,मेडल र प्रमाणपत्र साथै दोस्रो हुने टिमले नगद १ लाख १५ ह्जार नगद सहित ट्रफी मेडल र प्रमाणपत्र प्राप्त गर्ने छ ।
यसैगरी ब्यक्तिगत विद्यातर्फ उत्कृष्ट खेलाडीले नगद १५ ह्जार प्राप्त गर्दा,उत्कृष्ट डिफेन्स्क,उत्कृष्ट गोल रक्षक, उदयिमान खेलाडी र सर्बाधिक गोल कर्ता ले नगद १०/१० ह्जार प्राप्त गर्ने आयोजक बौनिया युवा क्लबका महासचिव कृष्ण प्रसाद ओझाले जानकारी दिए । प्रतियोगितामा नेपाल आर्मी सहित १२ टिमको सहभागिता रहेको छ ।
