चैत १७, बाैनिया । लघुवित्त कर्मचारी मञ्च बाैनियाकाे आयाेजनामा शनिबार वित्तीय शाक्षरता सम्बन्धि कार्यक्रम सम्पन्न भएको छ । उपयुक्त वित्तीय शिक्षाको अभावमा उचित निर्णय लिन नसक्दा गम्भीर आर्थिक संकट हुन गई ठूलो वित्तीय क्षति समेत व्यहोर्नुपर्ने र समाजमा नकारात्मक असर पर्ने अबस्थालाई न्यूनीकरण गर्ने उदेश्यले कार्यक्रम गरिएको हो ।
सोही अबसरमा कैलालीको बर्दगोरियामा वित्तीय शाक्षरता सम्बन्धि सचेतनामुलक र्यालि सहितअन्तरक्रिया कार्यक्रममा गरिएको हो ।
कार्यक्रम बर्दगाेरिया गाउँपालिमा क्रियाशिल रहेका विभिन्न लघुबित्तहरुमा कार्यरत कर्मचारीसहित सवाग्राहिहरुकाे सहभागिता रहेको थियो । र्यालिमा सहभागीहरुले जनताको बचतकाे सुरक्षा गराै, याेजनाबद्ध बचत गराै ! भबिष्य सुनिश्चित बनाऔं , वित्तीय साक्षरता अभियान सफल पाराै, कर्मचारी माथि दुर्ववहार गर्न पाइदैन लगायत प्लेकार्ड बोकेका थिए ।
कार्यक्रमलाई सम्बोधन गर्दै कार्यक्रमका प्रमुख अतिथि बर्दगाेरिया गाउँपालिका वडा नम्बर १ का वडा अध्यक्ष मिथुन गाैतमले लघुवित्तहरु दैनिक गुजारा गरेर बस्ने आम जनसमुदायको सुख दु;खकाे सारथि रहेको बताए । उनले कर्जा मिनाहा हुने भ्रममा दुर्गा प्रसाईं जस्ता गलत व्यत्तिहरुका पछाडि नलाग्न समेत आग्रह गरे । गाैतमले लघुवित्तहरुले समेत आफ्नो सामाजिक उत्तरदायित्व बिर्सन नहुने भन्दै त्यसका लागि गाउँपालिका संग समन्वय गरेर अघाडि बढ्न आग्रह गरे ।
साे अवसरमा कार्यक्रमका विशिष्ट अतिथि बर्दगाेरिया गाउँपालिका वडा नम्बर २ का वडा अध्यक्ष गाेबिन्द बि.कले लघुवित्तहरुले कर्जा लगानी गर्नमा मात्र ध्यान नदिएर सेवा प्रवाह र सामाजिक कार्यमा समेत सक्रिय हुदै जानुपर्ने कुरामा जाेड दिए ।
कार्यक्रममा हिमालयन लघुवित्तका शिवराज उपाध्याय,एन आइसि एसिया लघुवित्तका प्रदेश प्रमुख लभ शुदन सिंह, स्वराेजगार लघुवित्तका अनुगमन प्रमुख विजय नारायण ठाकुर , इन्फिनिटि लघुवित्तका अनुगमन प्रमुख बिनाेद भट्टराई लगाएतले वित्तीय शाक्षरता भनेको के हाे ? लघुवित्तले गर्ने काम, कर्जा लिदा ध्यान दिनुपर्ने कुरा , समयमा कर्जा नतिर्दा हुने अप्ठ्यारो , कर्जाको सदुपयोग गर्ने तरिकाका बारेमा जानकारी गराएका थिए ।
कार्यक्रममा बर्दगाेरिया गाउँपालिकामा क्रियासिल विभिन्न १८ लघुवित्तमा कार्यरत कर्मचारी र सेवाग्राही हरुकाे सहभागिता रहेको थियो । कार्यक्रम लघुवित्त कर्मचारी मञ्च बाैनियाका अध्यक्ष दुर्गा दत्त जाेशिकाे अध्यक्षतामा भएको हाे । मञ्चले केही दिन अगाडि रक्तदान कार्यक्रम समेत सम्पन्न गरेकाे थियो ।
