कैलाली । कैलालीको बर्दगोरिया गाउँपालिका वडा नम्बर १ कट्टिपुरमा मंगलबारदेखि २४ कुण्डिय गायत्री महायज्ञ संचालन हुँदैछ । अखिल विश्व गायत्री परिवार प्रज्ञा मण्डल बर्दगोरियाको आयोजनामा संचालन हुन लागेको महायज्ञको तयारी लगभग पूरा भएको आयोजकले जनाएको छ ।२४ कुण्डिय गायत्री महायज्ञमा भारतको प्रज्ञा अभियान शाँन्तीकुन्ज हरिद्धारका धर्म गुरुको विशेष उपस्थिति हुने आयोजकले जनाएको छ ।
महायज्ञका माध्यमबाट मानवमा आचिन्ता चिन्तनलाई परिवर्तन गरेर समाजमा नैतिक मूल्यको स्थापना गर्न मुख्य उद्धेश्य रहेको अखिल विश्व गायत्री परिवार प्रज्ञा मण्डल बर्दगोरियाका अध्यक्षका रङ्गलाल शर्मा रिमालले जानकारी दिए ।
भारतको प्रज्ञा अभियान शाँन्तीकुन्ज विश्वविद्यालय हरिद्धारद्धारा संचालित ज्ञान, यज्ञ, कथाहरुको लोकप्रियता सबै भन्दा महत्वपुुुर्ण मानीन्छ । पावन प्रज्ञा पुुरान कथाको बिशेष एउटा प्रकाश स्तम्भ हो । महायज्ञको उद्घाटनका दिन मंगलबार बिहान बृहत कलशयात्रा गरिनेछ ।
मानवले जीवन जिउने कला प्रज्ञा पुराणको विशेषता भएको उल्लेख गर्दै भक्तजनलाई महायज्ञमा सहभागी हुन वडा नम्बर १ का वडा अध्यक्ष मिथुन गौतमले आग्रह गरे ।
आयोजककाअनुसार महायज्ञ बैशाख १४ गतेसम्म संचालन हुनेछ । यसअघि ९० दिन अगाबै महायज्ञलाई लक्षित गरि महायज्ञ स्थल परिसरमा भुमी पुजा गरिएको थियो । कुनै पनि शुभ कार्य गर्नु पहिला भुमी पुजा गर्नुले भुमी सुद्द हुने र कार्य सफल हुने भएको हुँदा पुजा गरिएको अखिल विश्व गायत्री परिवार प्रज्ञा मण्डलको भनाई छ ।
बर्दगोरिया १ कट्टिपुरमा मंगलबारदेखि २४ कुण्डिय गायत्री महायज्ञ संचालन हुँदै
![बर्दगोरिया १ कट्टिपुरमा मंगलबारदेखि २४ कुण्डिय गायत्री महायज्ञ संचालन हुँदै](https://sudurchitra.com/wp-content/uploads/2024/04/IMG_20240422_183330.jpg)