अमेरिकाले नेपाललाई दियो कोरोनाविरुद्धको १ लाख ६२० डोज खोप

काठमाडौं । अमेरिकाले नेपाललाई कोरोनाविरुद्धको १ लाख ६२० डोज फाइजर खोप अनुदानमा उपलब्ध गराउने घोषणा गरेको छ ।

आइतबार अमेरिकी दूतावासले ट्विटमार्फत् उक्त अनुदानको खोप भोलि काठमाडौ आइपुग्ने जनाएको छ ।अमेरिकाले यसअघि जुलाइमा १५ लाख जोन्सन एन्ड जोन्सन खोप उपलब्ध गराइसकेको छ ।

स्वास्थ मन्त्रालयले अमेरिकाबाट ६० लाख डोज फाइजर खोप खरिद गर्ने तयारी पनि अघि बढाएको छ । उक्त खोप १२ वर्ष भन्दा माथिको उमेर समुहलाई फाइजर खोप लगाउने भनिएको छ भने कार्तिक २८देखि फाइजर खोप लगाउने सरकारको तयारी छ ।