सुजन प्रेमी
बागलुङ, २० जेठ २०७८ ।
बागलुङको बरेङ गाउँपालिकाले रेडियोबाटै लोकसेवाको तयारी गराउने भएको छ । गाउँपालिकाको चालु आर्थिक बर्ष .२०७७/७८ को लक्षित वर्ग उत्थान कार्यक्रम अनुसार रेडियोबाट हेलो लोकसेवा कार्यक्रम सञ्चालन गरिने भएको हो ।
सामुदायिक रेडियो बिहानी ८९ मेघार्हज बरेङ र बरेङ गाउँपालिकाको सहकार्यमा जेठ २२ गते देखी हेलो लोकसेवा कार्यक्रम सञ्चालन गर्न लागिएको बरेङ गाउँपालिकाका प्रमुख प्रशासकीय अधिकृत रमेश थापाले जानकारी दिनुभयो । बरेङ गाउँपालिका भित्रका इच्छुक विद्यार्थीहरु खुल्ला सहभागी हुन पाउने छन् ।
रेडियोबाट सञ्चालन हुने कार्यक्रममा लोकसेवा आयोगले निर्धारण गरेको खरिदार वा सो समुहको पाठ्यक्रमबाट प्रश्न सोधिने गाउँपालिकाले जनाएको छ । कार्यक्रम शनिबार बिहान १० बजे देखी ११ बजेसम्म सञ्चालन हुने छ ।
कार्यक्रमले लोकसेवाको तयारी गरिरहेका र लकडाउनका कारण थप तयारी गर्न नपाएकाहरुको लागि प्रभावकारी हुने अधिकृत थापाको विश्वास छ । बरेङ गाउँपालिकाले कोरोना महामारीको समयमा पनि जनमूखि कामहरु गरेर समुदायका नागरिकहरुलाई कोरोनासँग जुध्न सिकाइरहेको छ । हाल गाउँपालिकाको सहयोगमा रेडियोबाट विषयगत क्विज, स्वास्थ्य परामर्शको लागि हेलो डाक्टर लगाएतका कार्यक्रम सञ्चालन हुँदै आएको छ ।
गतबर्ष पनि गाउँपालिकाले रेडियोबाटै विद्यार्थीहरुलाई अध्यापन गराउने, टोल शिक्षा लगाएतका प्रभावकारी कार्यक्रमहरु गरेको थियो ।
जिल्लाकै अब्बल मानिने बरेङले आमसञ्चारका माध्यामहरूलाई पनि उचित प्रयोग गर्दै जनस्तरमा प्रभावकारी कार्यक्रमहरु गर्दै आइरहेको छ ।
छाक टार्न समस्या भयो ? ११८० मा सम्पर्क गर्नुस्- एम्बुलेन्स् चाहिएपनि निःशुल्क उपलब्ध
काठमाडौँ, २० जेठ २०७८ ।
काठमाडौँ महानगरपालिकाले बन्दाबन्दीको समयमा कसैलाई छाक टार्न समस्या भए हटलाइन नम्बर ११८० मा फोन गर्न आग्रह गरेको छ ।
दोस्रो लहरको काभिड–१९ का कारण देशका अधिकांश जिल्लामा बन्दाबन्दी गरिएको छ । यस समयमा कसैलाई दैनिकी चलाउनका लागि खाद्य सामग्री आवश्यक परे महानगरपालिकाको हटलाइन नम्बरमा फोन गर्न भनिएको हो । अघिल्लो वर्षको कोरोना महामारीका समयमा विभिन्न सङ्घसंस्था र महानगर आफैँले पनि वडासँग समन्वय गरी समस्यामा परेकालाई खाद्य सामग्री वितरण गरेको थियो ।
“गत वर्षको तुलनामा यस वर्ष खानका लागि समस्या प¥यो भन्दै आउनेको सङ्ख्या एकदमै कम रहेको छ, आएकालाई वडा कार्यलयमार्फत सहयोग गरिरहेका छौँ”, महानगरपालिकाका प्रवक्ता ईश्वरमान डङ्गोलले भन्नुभयो, “कोही समस्यामा परेर पनि कहाँ सम्पर्क गर्ने भनेर अन्योल हुनुभएको भए आफू बसोबास गरेको स्थानसहित ११८० मा फोन गरेर जानकारी गराउन आग्रह गर्दछु ।”
यसरी जानकारी प्राप्त भएपछि महानगरपालिकाका ३२ वडामध्ये कुन वडाबाट सहयोग गर्न सहयोग हुन्छ सोहीअनुरुप आवश्यक खाद्य सामग्री सहयोग गरिने जनाइएको छ । “कोभिडका बिरामीलाई उपचारमा सहज होस् भन्ने हेतुले बिरामीलाई अस्पताल पुग्न पनि कोभिड–१९ का बिरामीका लागि फोन नं १०२ मार्फत १० र नन्कोभिड बिरामीका लागि १० गरी कूल २० निःशुल्क एम्बुलेन्स सेवा सञ्चालनमा ल्याइएको छ । त्यसबाट हालसम्म २२ हजार कोभिड सङ्क्रमित बिरामी र १२ हजार नन्कोभिड बिरामीले सेवा लिएका छन् ।
महानगरपालिकाले अक्सिजनको चरम अभावका कारण उत्पन्न असहज अवस्थालाई ध्यानमा राखेर अक्सिजनकै कारण अस्पतालमा हुने बिरामीको चापलाई कम गर्न ३०९ शय्याको आइसोलेशन र विषेश अस्पताल सञ्चालनमा ल्याएको छ । महानगरको आर्थिक सहयोगमा सामाखुशीस्थित राधास्वामी सत्सङ्ग भवनमा नेपाली सेनाको व्यवस्थापनमा ८८ अक्सिजनसहित १७४ शय्याको आइसोलेशन केन्द्र, आयुर्वेद अस्पतालमा ५० अक्सिजनसहित १०० शय्याको आइसोलेशन केन्द्र र छत्रपाटी निःशुल्क चिकित्सालयमा आइसीयू तथा भेन्टिलेटरसहितको ३५ शय्याको कोभिड–१९ विशेष अस्पताल सञ्चालनमा छ ।
हाल महानगरपालिकामा ६२ हजार ३८३ कोरोना सङ्क्रमित रहेकामा ५१ हजार १६७ निको भएका छन् भने १० हजार ९५ होमआइसोलेशन र १८६ संस्थागत आइसोलेशनमा रहेका छन । त्यस्तै यहाँ हाल १० हजार ७९७ सक्रिय सङ्क्रमित रहेका र यहाँ ५१६ जनाले अस्पतामा उपचार गराइरहेका छन् । यहाँ कोरोनाका कारण ४१९ ले ज्यान गुमाएको तथ्याङ्कमा उल्लेख छ ।
काभ्रेपलाञ्चोक, २० जेठ २०७८ ।
धुलिखेल नगरपालिकाले काेराेना बाट मृत्यु भएकाकाे परिवारलाई किरिया खर्च दिने भएकाे छ ।
धुलिखेल नगरपालिकाले कोरोना भाइरस सङ्क्रमणका कारण मृत्यु भएकाको परिवारलाई किरिया खर्चस्वरूप रु १५ हजार दिने भएको हाे । कोरोना महामारीको यस अवस्थामा मृतक परिवारलाई सहजताका साथै मनोबल बढोस् भन्ने उद्देश्यले यस्तो निर्णय गरिएको धुलिखेल नगरपालिकाले जनाएको छ ।
“महामारीको यस घडीमा नगरको सहयोगले मृतक परिवारलाई केही राहत पुग्ने विश्वास गरेका छौँ”, नगरप्रमुख अशोक ब्याञ्जूले भन्नुभयो । उहाँका अनुसार कोरोना सङ्क्रमितको अवस्था बुझ्दै उनीहरुको सम्पर्कमा आएकालाई परीक्षणको दायरामा ल्याउने तथा मृत्यु भएकाको र सङ्क्रमित परिवारमा देखिने समस्या पहिचान गर्दै स्वास्थ्य सामग्री र औषधि वितरणको काम भइरहेको छ ।
कोरोना सङ्क्रमणको दोस्रो लहर शुरु भएयता धुलिखेल नगरमा हाल १ सय ८८ पुरुषसहित ३ सय ११ सक्रिय सङ्क्रमित रहेका छन् । धुलिखेलमा हालसम्म कोरोना भाइरस् सङ्क्रमणबाट २८ को मृत्यु भइसकेको छ । यसैबीच पछिल्लो २४ घण्टामा काभ्रेपलाञ्चोकमा ३ सय २५ मा कोरोना सङ्क्रमण पुष्टि भएको छ । जिल्लास्थित कोभिड–१९ सङ्क्रमण नियन्त्रण, रोकथाम र उपचारसम्बन्धी केन्द्र (डीसीसीएमसी)का अनुसार पछिल्लो २४ घण्टामा २ सय ७३ सङ्क्रमण मुक्त भएका छन् भने ३ जनाकाे मृत्यु भएको छ ।
कोरोना सङ्क्रमणको दोस्रो लहर शुरु भएयता जिल्लामा हाल २ हजार २ सय १५ सक्रिय सङ्क्रमित रहेका छन् । कुल सङ्क्रमितमध्ये बनेपा नगरमा ३ सय ३, पनौतीमा २ सय ६, पाँचखालमा ३ सय ३२, नमोबुद्धमा १ सय १०, मण्डनदेउपुरमा १ सय ९० तथा रोशी गाउँपालिकामा १ सय ५४, चौँरीदेउरालीमा ५७, तेमालमा १ सय ३, भुम्लुमा २ सय १०, खानीखोलामा ३८, बेथानचोकमा १ सय २० र महाभारत गाउँपालिकामा ८१ सक्रिय सङ्क्रमित रहेको केन्द्रले जनाएको छ । कुल सङ्क्रमितमध्ये ९४ दशमलव ५९ प्रतिशत अर्थात् दुई हजार ९५ सङ्क्रमित होम आइसोलेशनमा उपचाररत छन् । हालसम्म जिल्लाका १ सय ३६ जना कोरोना सङ्क्रमितको मृत्यु भएको छ ।
बागलुङ, २० जेठ २०७८ ।
बागलुङको जैमिनीमा थप ९० जना कोरोना संक्रमित थपिएका छन् । जैमिनी नगरपालिकाको बिभिन्न वडामा स्वाव संकलन गरी गरिएको पीसिआर र एन्टिजेन परिक्षणमा ९० जनामा कोरोना संक्रमण पुष्टि भएको हो ।
संक्रमण पुष्टि भएकाहरु जैमिनी ६ अर्जेवाका ४६ जना, जैमिनी ७ जैदीको २६ जना, जैमिनी ८ छिस्तीको १२ जना र एन्टिजेन परिक्षणबाट जैमिनी १० राङखानीका ६ जनामा कोरोना देखिएको जैमिनी नगरपालिका स्वास्थ्य शाखा संयोजक गोविन्द प्रसाद आचार्यले जानकारी दिनुभयो ।
जेठ १६ गते जैमिनी नगरपालिका ५ विनामारे र अर्जेवाका ७५ जनाको स्वाव संकलन गरी परिक्षण गरिएकोमा अर्जेवाका ४६ जनाको रिपोर्ट पोजेटिभ आएको छ जसमध्ये यसअघि १५ जनाको रिपोर्ट आउँदा १० जनामा संक्रमण देखिएको थियो भने बाँकी ६० जनाको रिपोर्ट आउँदा ३४ जनामा संक्रमण देखिएको छ ।
जेठ १७ गते र १८ गते जैदीका ५८ जनाको नमुना परिक्षण गर्दा २६ जना र छिस्तीका ५४ जनाको परिक्षण गर्दा १२ जनाको रिपोर्ट पोजेटिभ आएको स्वास्थ्य शाखा संयोजक आचार्यले बताउनुभयो ।
यस्तै जेठ १९ गते राङ्खानीमा ३९ जनाको एन्टिजेन परिक्षण गर्दा ६ जनामा कोरोना संक्रमण देखिएको छ । यसअघि स्वेच्छिक परिक्षण गरी संक्रमण पुष्टि भएका जैमिनी नगरपालिका ९ पैयुँथन्थापका भनिएका एकजना अर्जेवाको रहेको पुष्टि भएको छ । उनि अर्जेवाको भएपनि पैयुँथन्थाप ठेगाना दिएको पाइएको आचार्यको भनाई छ ।
नगरपालिकाका एक सय ८७ जनाको पीसिआर परिक्षण गर्दा ८४ जना र ३९ जनाको एन्टिजेन परिक्षण गर्दा ६ जनामा कोरोना देखिनु निकै जोखिमपूर्ण अवस्था रहेको बुझिन्छ । जैमिनीमा हाल पीसिआर गरिएका नमुनामध्ये ४५ प्रतिशतमा कोरोना देखिएको छ ।
काेराेनाकाे जाेखिम र असरबारे याे भिडियाे हेर्नुहाेस्
सर्वशिद्धधाम पञ्चकाेटकाे दर्शनले तपाईका हर चाहना पुरा हुन्छ, दर्शन गर्दै राशिफल हेर्नुहाेस्
आजको राशिफल
मेष – ARIES चु, चे, चो, ला, लि, लु, ले, लो, अ
परिवेश रमाइलाे देखिए पनि चिन्ताले मन पिराेलिनेछ। मनोरञ्जनमा अलमलिँदा काम रोकिन सक्छ। आफन्तसँग सुमधुर सम्बन्धका लागि सजग रहनुहोला। लोकाचारले फजुल खर्च निम्त्याउला। प्रयत्न गर्दा बिस्तारै काम बन्नेछ। स्वास्थ्यका लागि आहारविहारमा ध्यान पुर्याउनुहोला। समय लागे पनि मिहिनेतको प्रतिफल प्राप्त हुनेछ। व्यवसायमा आम्दानी बढ्नेछ।
वृष – TAURUS इ, उ, ए, ओ, बा, बि, बु, बे, बो
द्वेष तथा ईर्ष्या गर्नेहरूले हार खानेछन्। चुनौती चिर्दै काम बनाउन सकिनेछ। स्वास्थ्य सबल रहनेछ भने पराक्रमद्वारा अधिकार स्थापित गर्न सकिनेछ। तत्काल फाइदा नभए पनि दिगो आर्थिक लाभ हुने काम प्रारम्भ हुनेछ। पछिका लागि लगानी गर्ने अवसर प्राप्त हुनेछ।रोकिएका काम बन्नाले उत्साह जाग्नेछ। मिहिनेतले प्रतिस्पर्धाको दौडसमेत जिताउन सक्छ।
मिथुन – GEMINI का, कि, कु, घ, ङ, छ, के, को, ह
शुभचिन्तकहरूले साथ दिनेछन्। लगनशीलताले राम्रै उपलब्धि दिलाउनेछ। प्रतिष्ठित काम गर्ने मौका छ। चिताएका काम बिस्तारै भए पनि सम्पादन हुनेछन्। पढाइलेखाइमा प्रगति हुनेछ। सेवामूलक कामबाट धनलाभ हुनेछ। सन्तान वा सहयोगीका माध्यमबाट काम बन्ने देखिन्छ। आफ्नो प्रतिभाको कदर हुनेछ। बौद्धिक प्रतिस्पर्धामा पनि अरूलाई उछिन्न सकिनेछ।
कर्कट – CANCER हि, हु, हे, हो, डा, डि, डु, डे, डो
हतारमा निर्णय लिने बानीले अप्ठ्यारो पार्ने हुँदा सजग रहनुहोला। तत्कालको फाइदा हेर्दा पछिलाई घाटा हुन सक्छ। अरूको फाइदाका लागि उपयोग भइएला। बेसुरमा बोल्ने बानीले दु:ख पाइनेछ। विशेष योजना सार्वजनिक नगर्नुहोला। काम बिग्रने डरले सताउनेछ। साझेदारीमा समस्या आउनाले पहिलेको सम्झौता भंग हुन सक्छ। अरूको सुझावमा भर नपर्नुहोला।
सिंह – LEO मा, मि, मु, मे, मो, टा, टि, टु, टे
छोटो समयमा उपलब्धि हातलागी हुनेछ। गरिएका कर्मको उचित प्रतिफल प्राप्त हुनेछ। मिहिनेतले दैनिकीमा परिवर्तन आउनेछ। रोकिएका काम बन्ने र नयाँ काम सुरु गर्ने समय छ। उद्योग र व्यापारमा विशेष फाइदा हुनेछ। शत्रु र प्रतिस्पर्धीलाई सजिलै हराउन सकिनेछ। नौलो प्रकृतिको काम शुभारम्भ गर्ने मौका छ। प्रयत्न गर्दा दिगो काम प्रारम्भ गर्न सकिनेछ।
कन्या – VIRGO टो, प, पि, पु, ष, ण, ठ, पे, पो
तार्किक क्षमता बढ्नेछ। प्रयत्न गर्दागर्दै पनि केही कमजोरी फेला पर्नेछ। आलोचकहरूबाट पनि केही सजग रहनुपर्ला। मौकामा प्रयत्न गर्दा काम बन्नेछ। सोखले खर्च बढाए पनि मालमत्ता जोड्ने समय छ। आर्थिक कारोबारतर्फ लाभ मिल्नेछ। तर आज बाहिरिएको धन भने फिर्ता आउन मुस्किल पर्नेछ। विवादास्पद समस्या सुल्झाउने जिम्मेवारी वहन गर्नुपर्ने हुन सक्छ।
तुला – LIBRA र, रि, रु, रे, रो, ता, ति, तु, ते
विशेष अवसर अथवा रमाइलो परिस्थितिका बीच पनि सानो चिन्ताले पिरोल्न सक्छ। स्वादिष्ट भोजनको आनन्द प्राप्त हुनेछ तर स्वास्थ्यका लागि सजग रहनुहोला। विवादास्पद जिम्मेवारी वहन गर्नुपरे पनि लगनशीलताले प्रतिष्ठा दिलाउनेछ। अध्ययनमा धेरै समय दिन नसकिए पनि बौद्धिक क्षमताले प्रशंसा पाउनेछ। मिहिनेतले जीवनशैलीमा परिवर्तन ल्याउन सकिनेछ।
वृश्चिक – SCORPIO तो, ना, नि, नु, ने, नो, या, यि, यु
खर्च बढ्ने समय रहेको हुँदा धेरै रकम जोहो गर्नुपर्ला। सोखले विलासी वस्तुहरूमा खर्च गराउनेछ। आफन्तबाट टाढिनुपरे पनि टाढाका साथीभाइसँग सम्पर्क बढ्नेछ। नयाँ कुरा पाउन केही वस्तु त्याग्नुपर्नेछ। अपेक्षित लाभ नभए पनि पछिका लागि लगानी बढाउनुपर्ने बाध्यात्मक परिस्थिति आउन सक्छ। तत्कालको मात्र फाइदा हेर्दा पछिलाई घाटा हुन सक्छ।
धनु – SAGITTARIUS ये, यो, भ, भि, भु, ध, फा, ढ, भे
नयाँ अवसरका साथै आम्दानीका स्रोत फेला पर्नेछन्। श्रमको उचित मूल्यांकन हुनेछ। पढाइमा ध्यान केन्द्रित हुनाले प्रगति हुनेछ। प्रतीक्षित नतिजाले उत्साह जगाउनेछ। व्यापारमा थोरै लगानीबाट पनि नाफा उठाउन सकिनेछ। प्रयत्न गर्दा छोटो समयमै काम बनाउन सकिनेछ। नयाँ कामतर्फ अग्रसर भइनेछ। आम्दानी बढ्नाले जीवनशैलीमा पनि परिवर्तन आउन सक्छ।
मकर – CAPRICORN भो, ज, जि, खि, खु, खे, खो, गा, गि
तारिफयोग्य कामले चर्चामा ल्याउन सक्छ। प्रतिष्ठित व्यक्तिहरूको सहयोग जुट्नाले सजिलै लक्ष्य प्राप्ति हुनेछ। विभिन्न अवसरले पछ्याउनेछन् भने दिगो काममा जग बसाउने मौका छ। साइनो गाँस्नेहरूबाट जोगिएर काम गर्नुहोला। सोखले थालिएको काम व्यवसायमा रूपान्तरित हुनेछ। मिहिनेतीहरूलाई कार्यसिद्धिको समय छ। नाम, दाम र इनाम हातलागी हुनेछ।
कुम्भ – AQUARIUS गु, गे, गो, सा, सि, सु, से, सो, द
तारिफयोग्य काम गर्दै प्रतिष्ठा आर्जन गर्ने समय छ। समाजले पदीय जिम्मेवारी दिलाउनेछ। नसोचेको अवसर प्राप्त हुनाले मन प्रफुल्लित हुनेछ। टाढिएका साथीभाइ नजिकिनाले हर्ष बढ्नेछ। भाग्यले विभिन्न अवसर दिलाउनेछ। काम देखाएर फाइदा लिने समय छ। शुभचिन्तकहरूको साथले पहिलेको चुनौती समाप्त होला। मिहिनेतले दाम, इनाम र हातपार्न सफल भइनेछ।
मीन – PISCES दि, दु, थ, झ, ञ, दे, दो, च, चि
परिस्थितिको चक्रमा अलमलिनुपर्दा कार्यसम्पादनमा समय लाग्नेछ। अस्वस्थताले कमजोरीको अनुभूति हुनेछ। चुनौतीपूर्ण जिम्मेवारी वहन गर्नुपरे पनि मिहिनेतले फाइदा दिलाउनेछ। शुभचिन्तक र प्रतिस्पर्धीलाई समेटेर काम लिनुपर्ला। योजना पूर्ण नभए पनि आंशिक लाभ अवश्य हुनेछ। काम तत्काल सम्पादन नभए पनि पछिका लागि सकारात्मक संकेत प्राप्त हुनेछ।
Breaking News: चन्द्रागिरिकाे पुरानाे नैकापमा माटाेकाे ढिस्काेले पुरिएर दुई जनाकाे मृत्यु
काठमाण्डाै, १९ जेठ २०७८ ।
काठमाण्डाैकाे पुरानो नैकापमा माटाेकाे ढिस्कोले पुर्दा दुई जनाको ज्यान गएको छ । चन्द्रागिरि नगरपालिका वडा नम्बर १३ पुानाे नैकापमा माटोको ढिस्को खसेर पुरिँदा दुई जनाको ज्यान गएको हाे ।
कङ्काली मन्दिर नजिकै प्लटिङ गरिएको जग्गामा पर्खाल लगाउने क्रममा माटाेकाे ढिस्को खस्दा काम गर्दै गरेका दुई जनाको मृत्यु भएकाे अन्य दुई जना घाइते भएकाे महानगरीय प्रहरी वृत्त थानकोटका प्रहरी नायब उपरीक्षक (डीएसपी) मोहन खाँणले जानकारी दिनुभयो ।
मृत्यु हुनेमा उदयपुरको बेलका नगरपालिका वडा नम्बर ८ घर भएकी सीता राई र मकवानपुरको राक्सिराङ गाउँपालिका वडा नम्बर ९ घर भएका टेकबहादुर चेपाङ रहेका छन् । घटनामा उदयपुर कटारीका मिलन तामाङ र धादिङ गल्छी गाउँपालिकाका हरि घले घाइते भएका छन् । उनिहरूलाई उपचारकाे लागि अस्पताल लगिएकाे प्रहरीले जनाएकाे छ ।
काठमाडौ, १९ जेठ २०७८ ।
राजा विरेन्द्रको वंशनास भएको आज बीसबर्ष पुरा भएको छ । २०५८ साल जेठ १९ गते दरवार हत्याकाण्ड हुँदा राजा विरेन्द्रको परिवारको मृत्यु भएको थियो ।
देशमा राजतन्त्र हुँदा घर घरमा, मन मनमा अनि सबै सार्वजनिक कार्यलयहरुमा राजा रानीको फोटो झुण्ड्याइएको हुन्थ्यो । अहिले गणतन्त्र स्थापना भएपछि हजारौँ राजाहरु उत्पत्ति भए जसले गर्दा जनताले कुन राजाको फोटो झुण्ड्याउने भनेर अलमल्लमा परे । तर काठमाडौको एउटा तस्वीरले भने हजार शब्द बोलेको छ ।
अति व्यस्त ठाउँको रुपमा मानिने असन ईन्द्रचोक नेरको एउटा घर भुकम्पले भत्काएको छ । घर छिया छिया छ तर त्यस भित्र पूर्वराजा विरेन्द्र र रानी ऐश्वर्याको फोटो सहितको फ्रेम अझै झुण्डिएको छ । गणतन्त्र आएपनि यी घरकालाई गणतान्त्रिक राजाहरुले विश्वास दिलाउन सकेनन् । भित्तामा उहि पुरानो राजा रानीको फोटो छ । घर ढल्यो तर आस्था र तस्वीर अझै ढलेको छैन ।
सर्लाही, १९ जेठ २०७८ ।
सर्लाही जिल्लाका व्यापारीहरुले दैनिक उपभोग्य वस्तु तथा खाद्यान्नको मूल्य वृद्धि गराएका छन् । विश्वव्यापी महामारीका रूपमा फैलिएको कोरोना भाइरसको दोस्रो भेरियन्टको सङ्क्रमण दिनानुदिन बढ्दै गएको मौका छोपी जिल्लाका व्यापारीहरुले दैनिक उपभोग्य वस्तुको मूल्य बढाएका हुन् ।
जिल्ला प्रशासन कार्यालय सर्लाहीले कोभिड–१९ को सङ्क्रमण नियन्त्रण गरी सामुदायिकस्तरमा फैलिन नदिन जिल्लाभरि निषेधाज्ञा जारी गरेसँगै जिल्लाका व्यापारीहरुले आफूखुसी खाद्यान्नसहित अन्य दैनिक उपभोग्य वस्तुमा कृत्रिम मूल्य वृद्धि गरेका हुन् । कोरोना भाइरसबाट सङ्क्रमित हुने चिन्ताले सताइरहेको बेला एकाएक सबैखाले उपभोग्य सामग्रीको बजार भाउ बढेपछि सर्वसाधारण चिन्तित बनेका छन् । दिनभरको कमाइले साँझ बिहान हातमुख जोड्ने सर्वसाधारण कृत्रिम मूल्य वृद्धिबाट सबैभन्दा बढी मारमा परेको स्थानीय जानकार उमासिंह साहले बताउनुभयो ।
थोक व्यापारीहरुले नै सामानको मूल्य बढाएपछि बाध्य भएर आफूहरुले पनि मूल्य बढाएको साना तथा खुद्रा व्यापारीले बताएका छन् । बजारमा अहिले चामल, दाल, चना, मटर ,खानेतेलदेखि प्याकिङ गरिएका खाद्य वस्तुहरुमा मूल्य वृद्धि भएको छ । निषेधाज्ञाअघि थोक व्यापारीले प्रतिकार्टुन रु दुई हजार ४५० मा दिँदै आएको सनफ्लावर खानेतेल अहिले प्रतिकार्टुनमा रु १०० ले बढाएर रु दुई हजार ५५० मा बिक्री गर्ने गरेको लालबन्दीका एक खुद्रा व्यापारी जोगिन्द्र महतोले बताउनुभयो ।
जिल्लाका शहरी तथा ग्रामीण भेगका बजारमा सबैखाले सामानमा निषेधाज्ञा हुनुअघिको खुद्रा मूल्य र त्यसपछिको मूल्यमा रु १० देखि रु १००य सम्म बढाएर बिक्री भइरहेको पाइएको छ ।
ग्रामीण भेगका व्यापारीहरुले बजारमा रिचार्ज कार्डको कमी भएको भन्दै रु ५० को रिचार्ज कार्डमा रु पाँच र १०० को रिचार्ज कार्डमा रु १० थप गरेर लिने गरेको स्थानीय उपभोक्ताहरुको गुनासो छ । थोक बिक्रेताले सबैखाले वस्तुमा मूल्य बढाएका कारण सानातिना खुद्रा बिक्रेताले समेत बाध्य भएर मूल्य बढाउनुपरेको व्यवसायीहरुको भनाइ छ । निषेधाज्ञाका बेला पनि सरकारले खाद्यान्नलगायतका अन्य दैनिक उपभोग्य वस्तुको आयात निर्यातमा कुनै रोक नलगाएको भए पनि ढुवानी र लोड अनलोड गर्न मजदुरहरुको अभाव देखाएर थोक बिक्रेताले सबै वस्तुमा मूल्य बढाएको खुद्रा बिक्रेताको भनाइ छ ।
यसरी अस्वाभाविकरूपमा दैनिक उपभोग्य सामग्रीको मूल्य वृद्धि भएको विषयमा जान्दाजान्दै सरोकारवाला तथा नियमनकारी निकाय अनभिज्ञ हुँदा निषेधाज्ञाले गर्दा रोजगारी गुमाएका सर्वसाधारण विपन्न वर्ग महँगोमा खाद्यान्न किन्न बाध्य भएको स्थानीयवासी सुन्दरश्याम यादवले गुनासो गर्नुभयो । उहाँका अनुसार लकडाउनसँगै खाद्यान्नलगायतका दैनिक उपभोग्य वस्तुको मूल्य वृद्धि भइरहँदा स्थानीय निकाय, उद्योग वाणिज्य सङ्घ र जिल्लास्तरीय बजार अनुगमन समिति मौन बसेको सर्वसाधारणको आरोप छ ।
स्थानीय सरकारसँग बजार अनुगमन गर्ने, कालोबजारी तथा महँगी नियन्त्रण गर्ने, कारवाही गर्ने र सङ्कटको बेला अत्यावश्यक वस्तुको अभाव हुन नदिने जिम्मेवारी तथा अधिकार रहे पनि सो अनुसारको काम गर्न स्थानीय सरकारले तादरुकता देखाएका छैनन् ।
शहर बजारभन्दा ग्रामीण तथा दुर्गम क्षेत्रमा खाद्यान्नलगायतका सामग्रीहरुमा मूल्य वृद्धि भइरहेको गुनासो बढेको छ । गत वर्ष पनि लकडाउनको समयमा यसैगरी मनपरि मूल्य वृद्धि भएको थियो । त्यो बेला पनि सरोकारवाला र नियमनकारी निकायले बजार अनुगमन, कारवाही तथा महँगी नियन्त्रणका लागि केही प्रयास नगरेको स्थानीय उपभोक्ताको गुनासो छ । अहिले पनि उनीहरु थाहा पाएर पनि थाहा नपाएको जस्तो गरी मौन बसेका छन् ।
यस्तो सङ्कटको परिस्थितिमा स्वास्थ्य समस्याबाट गुज्रिरहेका आम नागरिकलाई थप सङ्कटको भुमरीमा नपार्न यतिबेला प्रभावकारी बजार अनुगमनको आवश्यक्ता रहेकोले जिल्लाका २० वटै स्थानीय निकायले आ–आफ्नो स्तरबाट कालोबजारी र अस्वाभाविक मूल्य वृद्धि रोक्न कदम चाल्न जरुरी रहेको जानकारहरुको भनाइ छ ।
बागलुङ, १९ जेठ २०७८ ।
कोरोना संक्रमणका कारण लामो समयदेखि जारी बन्दाबन्दी (लकडाउन) का समयमा आउने स्वास्थ्य र आर्थिक समस्यामा आदर्श सञ्चार सहकारी संस्था लिमिटेड बागलुङले आफ्ना शेयर सदस्यहरुको सारथी बन्ने नयाँ अभियान थालेको छ । शेयर सदस्य र तीनका परिवारहरुको फोन मार्फत अवस्था बुझ्ने र समस्या भएमा आवश्यक सहयोग र सहजीकरण समेत गरे पछि आदर्श सञ्चार सहकारीको यो अभियान प्रभावकारी बनेको हो ।
लकडाउनको समयमा संस्थाका शेयर सदस्यहरुलाई पर्न सक्ने समस्याको जानकारीका साथै कोरोनाबाट जोगिन अपनाउनु पर्ने सुझाव लिन संस्थाले शेयर सदस्यसँग सिधा सम्पर्क सहित परामर्श सेवा सञ्चालन गरेको थियो ।
सदस्यहरुलाई फोन गरेर, म्यासेञ्जरमा सन्देश पठाएर तथा फेसबुकमार्फत सञ्चो बिसञ्चो बुझेर समस्या परेको अवस्थामा सहजीकरण गरिएको संस्थाका अध्यक्ष हुमा कुमारी जिसी (अञ्जु) ले जानकारी दिनुभयो ।
‘हाम्रा कर्मचारीहरुले घरमै बसेर आफ्नो मोबाइलमार्फत सदस्यहरुको स्वास्थ्य अवस्था र दैनिक घर व्यवहारमा परेका अप्ठ्याराका बारेमा पनि जानकारी लिइरहेका छन्, कोरोना संक्रमणबाट जोगिन अपनाउनु पर्ने सतर्कताका बारेमा सचेत बनाइरहेका छन्’ अध्यक्ष जिसीले भन्नुभयो, ‘लकडाउन लम्बिदो छ, आर्थिक लगायतका समस्या परेमा संस्थामा जानकारी गराउनुस् भनेका छौ, अभियान निकै प्रभावकारी देखिएको छ, स्वयम् संक्रमित भएका शेयर सदस्य र परिवारमा पनि संस्थागत अपनत्व र उत्साह थपिएको प्रतिक्रिया दिइरहेका छन् ।’
संक्रमित भएर या हुने सन्त्रासमा आफ्नै मान्छेहरु समेत तर्किने र सम्पर्कविहिन भइरहेको अवस्थामा आदर्शले गरेको सम्झना संकटमा अविस्मरणी भइरहेको प्रतिक्रियाले संस्था उत्साहित भएको संस्थाका प्रवन्धक दिपक सापकोटाले बताउनुभयो ।
संस्थामा आवद्ध २ हजार ७ सय जना शेयर सदस्यहरुलाई १५ जना कर्मचारीहरुले टेलिफोन गरेर स्वास्थ्य परामर्श लगायत आर्थिक समस्याका बारेमा जानकारी लिइएको र परामर्श कार्यक्रम प्रभावकारी भएको संस्थाले जनाएको छ ।
अभियानका बारे के भन्छन् शेयर सदस्य ?
सदस्यहरुका समस्याको पहिचान गरी आवश्यक सुझाव, सल्लाह र सहयोग गर्ने संस्थाको निर्णय अनुसार सञ्चालन गरिएको परामर्श सेवालाई लिएर सदस्यहरुले सामाजिक सञ्जालदेखि फोन मार्फत संस्थालाई धन्यवाद दिइरहेका छन् । बागलुङ पर्यटन विकास समितिका अध्यक्ष तथा कालिका भगवती गुठीका अध्यक्ष समेत रहनुभएका शेयर सदस्य राजु खड्काले आदर्शले संकटमा गरेको सम्झना सहितको फोन आउँदा सरकार बोले जस्तै लागेको बताउनुभयो । खड्काले आफ्नो फेसबुकमा स्टाटस लेख्नुभएको छ, ‘कोरोनाले मन भारी थियो, आदर्श सञ्चार सहकारीको फोनले आज टेलिकम मार्फत सरकार बोले जस्तै भयो । अहिलेको समयमा शेयर सदस्यको अवस्था बुझ्न र तपाईलाई कुनै आर्थिक कठिनाइ परेमा हामीलाई सम्झनु होला भनेर आएको फोनले उत्साह मिलेको छ, संस्थाको व्यवस्थापन उत्कृष्ट रहेछ ।’ संक्रमण र मृत्युको खबरले दिक्क बनिरहेको र परिवारका सदस्यका लागि आफू मेडिकल जादै गर्दा आएको आदर्शको फोनले स्वतः स्फूर्त उर्जा मिलेको उहाँको कथन थियो ।
संस्थाका शेयर सदस्य तथा रेश नुन्थला माविका प्रधानाध्यापक ओम बहादुर थापाले आफ्नो फेसबुक पेजमा आदर्शको कोरोना अवधिको अभियानका बारेमा लेख्नु भएको छ,– ‘कोरोना महामारीले हामी सबै आक्रान्त रहेको विषम परस्थितिमा हामी सबैलाई सही परामर्श तथा सान्त्वना आवश्यक छ । सानो सहयोग, सही परामर्श तथा सान्त्वनाले मनोबल बढ्न सक्छ, मानवको जीवन रक्षा हुन सक्छ, आदर्शले आफ्ना शेयर सदस्यलाई फोन मार्फत महामारीको अवस्थामा सदस्य र परिवारको स्वास्थ्य अवस्था, आर्थिक सहयोग आवश्यक भएमा सहयोग गर्ने जुन अभियान सञ्चालन गरेको छ, यो निकै प्रशंसनीय कार्य हो ।’
संस्थाका शेयर सदस्य तथा काठेखोला सामाजिक उद्यमी सहकारी संस्थाका अध्यक्ष सीता सुवेदी खत्रीले साँच्चिकै आदर्श सञ्चार सहकारीले शेयर सदस्यप्रति देखाएको मायाले धेरै खुशी लागेको बताउनुभयो । ‘अहिले यो सहकारीको सदस्य भएकोमा निकै गर्व महुशुस भएको छ, रोग त आफ्नो ठाउँमा छ तर आदर्शले यस्तो अप्ठ्यारो अवस्थामा यसरी सम्झिँदा हामीहरु भोकले चाही मर्न पर्दैैन भन्ने भयो ।’
संस्थाले सञ्चालन गरेको अभियानका बारेमा धेरै शेयर सदस्यहरुले खुशी प्रकट गरेका छन् । सहकारी भनेको संकटको सारथी हो भन्ने अनुभूति भएको संस्थाका शेयर सदस्यहरुले बताएका छन् ।
कोरोना लकडाउनमा आदर्शको २५ हजार सापटी
संस्थाले स्वास्थ्य परामर्शसंगै लकडाउनका कारण पर्न सक्ने आर्थिक समस्यामा २५ हजारसम्म सापटी दिने अभियान सञ्चालन गरेको छ । स्वास्थ्य उपचार र खाद्यान्न समस्या भएमा सदस्यलाई प्रदान गरिने रकम करिव १ सय ५० जनाले प्राप्त गरेको संस्थाले जनाएको छ । संस्थाले सदस्यको खातामा रकम नभए पनि २५ हजारसम्म सापटी उपलब्ध गराउदै आएको छ ।
सूचना र सञ्चार क्षेत्रमा निरन्तर क्रियाशिल संस्थाले वित्तीय लगायत सहकारी र सञ्चार क्षेत्रको प्रवद्र्धनका कामहरु समेत गर्दै आएको छ । संस्थाले विगत १४ वर्षदेखि धौलागिरी जागरण दैनिक, ९ वर्षदेखि अग्रसर साप्ताहिक, २ वर्षदेखि आदर्शसञ्चार अनलाइन सञ्चालन गर्नुका साथै ८ वर्षदेखि धौलागिरी टेलिभिजनमा सहकार्य गर्दै आइरहेको छ ।
सूचना समाचारमा मात्र होइन आदर्श सञ्चार, संकटमा पनि आदर्श सञ्चार भन्ने नाराका साथ कोरोना संक्रमणको समयमा संस्थाले सञ्चालन गरेको परामर्श सेवा र स्वास्थ्य उपचार तथा खाद्यान्नका लागि आर्र्थिक सहयोग अभियानमा सदस्यहरुको सहभागिताले थप उत्साहित बनाएको अध्यक्ष जिसीले बताउनुभयो । सदस्यहरुले सहकारीलाई थप प्रभावकारी बनाउन सुझाव समेत दिनु भएको छ । हामी सदस्यहरुका सुझावका आधारमा आगामी वर्षका लागि योजना बनाउने तयारीमा छौ, जिसीको भनाइ छ ।
धौलागिरी क्षेत्रकै पहिलो सूचना तथा सञ्चार सहकारी संस्थाका रुपमा स्थापित आदर्श सञ्चार सहकारी संस्थामा हाल २ हजार ७ सय जना शेयर सदस्य, ५ करोड शेयर पूँजि, ३४ करोड बचत र ३३ करोड कर्जा लगानी रहेको संस्थाका प्रवन्धक दिपकराज सापकोटाले जानकारी दिनुभयो ।
बुधबार बटुक भैरवकाे एक दर्शनले कयाैँ बाधाहरू हटेर जान्छ, दर्शन गर्दै भाग्यफल हेर्नुहाेस्
आजको राशिफल
मेषः मित्र वा आफन्तको सहयोगबाट मिल्नेछ । गरेका कामबाट राम्रै लाभ होला । बौद्धिकताको विकास पनि हुनेछ । प्राविधिक कार्य राम्रो हुन्छ ।
बृषः राजनैतिक कार्यमा सफलता मिल्नेछ । विद्या र बुद्धिको विकास हुनेछ । नयाँनयाँ ज्ञान सिक्ने मौका मिल्नेछ । आर्थिक पक्ष सुदृढ बन्नेछ ।
मिथुनः आजको दिन हाँसखेल र मनोरञ्जनपूर्ण समय हो । लाभदायक योजना बन्ला । कलकारखाना र बन्दव्यापारमा फाइदा हुनेछ ।
कर्कटः आज आयआर्जन बढ्नुका साथै दिगो फाइदा हुने काम प्रारम्भ गर्न सकिनेछ । स्वादिष्ट र मिष्ठान्न भोजनको अवसर पनि प्राप्त हुनसक्छ ।
सिहंः आज नजिकको व्यक्तिको सहयोगबाट कार्य पुरा हुनेछ । छोटो दूरीको लाभदायक यात्रा रहनेछ । व्यवसायिक क्षेत्र लाभप्रद रहनेछ ।
कन्याः मित्रबाट विशेष सहयोग मिल्नेछ । घरायसी कामबाट सफलता मिल्नेछ । अध्ययनअध्यापनको क्षेत्रमा प्रगतिको खबर सुन्न पाउनु हुनेछ ।
तुलाः शुभकार्यको चर्चा चल्नेछ । आदर्श ब्यक्तिको सहकार्यले नयाँ अनुभव मिल्नेछ । आँटेको र ताकेको कार्य पुरा होला । पढाइमा प्रगति हुनेछ ।
बृश्चिकः आज कलहको योग भएकाले कसैसँग बोल्दा वा ठट्टा गर्दा सतर्कता अपनाउनुहोला । आर्थिक क्षेत्र र व्यवसाय कमजोर नै रहला ।
धनुः आफ्नै दक्षतामा विभिन्न कार्यहरू सम्पन्न हुनेछन् । नयाँ नयाँ क्षेत्रमा लगानीको अवसर मिल्नेछ । श्रमको पनि उचित मूल्याङ्कन हुनेछ ।
मकरः नयाँ काममा हात हाल्ने र योजना बन्ने समय छ । धार्मिक तथा समाजसेवामा मन लाग्नेछ । परिश्रम गर्दा अधिक धनार्जन हुनेछ ।
कुम्भः आज सेवामूलक कार्यमा सफलता मिल्नेछ । बन्धु बान्धवबाट विशेष सहयोग मिल्नेछ । आफन्तसँग प्रविधि मार्फत भेटघाट हुनेछ ।
मीनः प्रेममा मनमुटावका साथै मन कमजोर रहनेछ । स्वास्थ्य र सौन्दर्यतामा धन खर्च हुनेछ । मनमा दोधारको अवस्था सिर्जना हुनसक्छ ।