काठमाडौं । घरेलु मैदानमा आयोजित ट्वान्टी–२० शृंखलामा नेपाल ‘ए’ ले आज आयरल्यान्ड वुल्भ्सविरुद्ध पहिलो खेल खेल्दै छ ।
यसअघि आयरल्यान्ड वुल्भ्सले रोहितकुमार पौडेलको कप्तानिमा रहेको नेपाली राष्ट्रिय टिमसँग दुई ट्वान्टी–२० क्रिकेट खेलेको थियो । दुवै खेलमा हार व्यहोरेको आयरल्यान्ड वुल्भ्स आज पहिलो जितको खोजीमा हुनेछ ।
वुल्भ्सविरुद्ध नेपाल ‘ए’ विनोद भण्डारीको कप्तानीमा उत्रिनेछ । कीर्तिपुरस्थित त्रिवि क्रिकेट मैदानमा हुने यो खेल दिउँसो १ बजेदेखि सुरु हुनेछ ।
यसअघि नेपाल ‘ए’ र वुल्भ्सबीचको ट्वान्टी–२० शृंखला बिहीबारदेखि सुरु हुने तालिका थियो । तर, पहिलो खेल वर्षा कारण सम्भव नभएपछि नेपाल क्रिकेट संघ (क्यान) ले पुनः नयाँ तालिका निकालेको हो ।
नयाँ तालिकामा क्यानले वुल्भ्ससँगको तीन खेलको ट्वान्टी–२० शृंखलालाई निरन्तरता दिएको छ । तालिकाअनुसार, नेपाल र वुल्भ्सले आज पहिलो, शनिबार दोस्रो र सोमबार तेस्रो खेल खेल्नेछन् । ट्वान्टी–२० शृंखलापछि यी दुई टिमले तीन खेलको एकदिवसीय शृंखलामा प्रतिस्पर्धा गर्नेछन् ।
एकदिवसीय शृंखला बुधबारदेखि सुरु हुनेछ । एकदिवसीय शृंखलाको पहिलो खेल बुधबार, दोस्रो शुक्रबार र तेस्रो आइतबार हुनेछ ।
बर्दगोरिया ३ मा राष्ट्रव्यापी खुल्ला पुरुष भलिबल प्रतियोगिता सुरु, उद्घाटन खेलमा वसन्त मुरारी जित
बर्दगोरिया । कैलालीको बर्दगोरिया गाउँपालिका वडा नम्बर ३ मा छैठौं संस्करणको साईनिङ्ग स्टार राष्ट्रव्यापी खुल्ला पुरुष भलिबल प्रतियोगिता शुक्रबारदेखि सुरु भएको छ । साईनिङ्ग स्टार यूवा क्लबको आयोजनामा सञ्चालन प्रतियोगिताको बर्दगोरिया गाउँपालिकाका अध्यक्ष कर्णबहादुर कुँवरले उद्घाटन गरेका छ्न ।
प्रतियोगिताको उद्घाटन गर्दै उनले खेलकुदले व्यक्तित्व विकाससँगै स्थानीय क्षेत्रको पहिचान जोडिएको बताए । खेलकुदले देशविदेशमा स्थानीय क्षेत्रलाई चिनाउन मद्दत मिल्ने बताउँदै उनले पालिकाले प्रतियोगिता सञ्चालनमा सक्दो सहयोग गर्ने प्रतिबद्धता समेत जनाए । उनले स्थानीय सरकारले खेलकुदलाई महत्वपूर्ण क्षेत्रका रुपमा लिएको बताए ।
स्थानीय क्षेत्रबाट नै खेलाडी उत्पादन गर्न सकिए खेलकुदको महत्व अझै बढ्ने अध्यक्ष कुँवरको भनाइ थियो । उद्घाटन कार्यक्रममा क्लबका अध्यक्ष भेषराज जैसीले खेलकुदलाई छैठौं संस्करणसम्म निरन्तरता दिएकाले स्थानीय, प्रदेश र संघीय सरकारले खेलकुदका लागि पूर्वाधार विकाससँगै खेलाडीलाई प्रोत्साहन गर्न नीतिगत सुधारका कार्यक्रम ल्याउनुपर्नेका जोड दिए ।
बर्दगोरियालाई खेलकुद क्षेत्रका रुपमा विकास गर्न आवश्यक रहेको बताउँदै उनले खेल मैदान, खेलकुद सामग्री व्यवस्थापन नहुँदा र प्रशिक्षकको अभावले भलिबल खेल संकटमा पर्न थालेको बताए । उनले ग्रामीण भेगमा भलिबललाई सबैले रुचाउने गरेपनि क्लब एक विशुद्ध सामाजिक तथा गैरनाफामूलक संस्था भएकाले आर्थिक व्यवस्थापन नहुँदा वर्षेनी संघसंस्थासँग हात फैलाउनुपर्ने बाध्यता रहेको बताए ।
उनले वडा र पालिकाले आवश्यक बजेट विनियोजन गर्दै युवा तथा खेलकुदको विकासमा जोड दिन जनप्रतिनिधिको ध्यानाकर्षण गराए । उद्घाटन खेलमा बसन्त मुरारी माविले आयोजक ‘बी’ टीमलाई २–१ को सेटमा हरायो । बसन्त मुरारीले २५–१५, २५–१४ र २५–१५ ले लिँदै आयोजक ‘बी’ माथि जित निकाल्यो । प्रतियोगितामा विभिन्न जिल्लाका १३ टिमको सहभागिता रहेको क्लबका महासचिव सुन्दर गौतमले जानकारी दिए ।
प्रतियोगिताको विजेताले १ लाख १ हजार रुपैयाँ र उपविजेताले ४५ हजारसहित शिल्ड, मेडल र प्रमाणपत्र पुरस्कार पाउनेछ । त्यस्तै, तेस्रो हुने टोलीले २९ हजार रुपैयाँ नगद पुरस्कार प्राप्त गर्नेछ । प्रतियोगिताका विभिन्न ६ विधाका उत्कृष्ट खेलाडीलाई नगद १५ हजार रुपैयाँसँगै मेडल र प्रमाणपत्र पुरस्कार प्रदान गरिनेछ ।
प्रतियोगितामा वेष्ट स्पाइकर, सर्भर, ब्लकर, सेटर, लिब्रो, वेष्ट प्लेयरलाई नगद पुरस्कार र अनुशासित खेलाडीलाई मायाको चिनोबाट सम्मानित गरिने छ । बर्दगोरिया गाउँपालिकाको मुख्य प्रवर्द्धक रहेकोे प्रतियोगिताको सह–प्रवर्द्धकमा ६ वटै वडा कार्यालय छन् ।
कार्यक्रममा क्लबका पूर्वअध्यक्ष मिलन ओली र वडाध्यक्ष मनऋषि आचार्यले शुभकामना मन्तव्य राखेका थिए । महासचिव सुन्दर गौतमले सञ्चालन गरेको कार्यक्रममा वरिष्ठ उपाध्यक्ष गणेश विश्वकर्माले स्वागत मन्तव्य राखेका थिए । आजदेखि सुरु भएको प्रतियोगिता चैत १३ गतेसम्म सञ्चालन हुनेछ ।
बर्दगोरियामा मङ्सिर ८ गतेदेखि जिल्ला व्यापी फुटबल प्रतियोगिता हुँदै, विजेताले २ लाख पाउने
बर्दगोरिया । कैलालीको बर्दगोरियामा सर्वाधिक पुरस्कार राशीको जिल्ला स्तरीय फुटबल प्रतियोगिता २०८० को आयोजना गरिएको छ । बर्दगोरिया स्पोर्ट्स एण्ड इभेन्टसको आयोजनामा प्रतियोगिता हुने भएको हो ।शनिबार बौनियामा पत्रकार सम्मेलनको आयोजना गरि प्रतियोगिता बारे जानकारी गराइएको छ । पालिका स्तरबाटै खेलाडीको उत्पादन ,पहिचान गरि उनीहरूलाई स्वस्थ, अनुशासन र लगनशील भई देशकै प्रतिनिधित्व गर्न प्रेरित गर्ने उदेश्यसहित प्रतियोगिताको आयोजना गरिएको आयोजक बर्दगोरिया स्पोर्ट्स एण्ड इभेन्टसका अध्यक्ष प्रमोद मल्लले जानकारी दिए ।
प्रतियोगिताको विजेता टीमले नगद रु.२ लाख र ट्रफी प्राप्त गर्नेछ । यसैगरी प्रतियोगिताको दोस्रो हुने टीमले रु.१ लाख ५ हजार तथा ट्रफी पाउनेछ । यसैगरी प्रतियोगिताकै उत्कृष्ट खेलाडीले नगर रु. २० हजार ,उत्कृष्ट गोलरक्षकले रु.१५ हजार ,उत्कृष्ट गोलकर्ताले रु.१५ हजार, उत्कृष्ट डिफेन्डरले रु.१५ हजार तथा प्रतियोगिताकै उदयमान खेलाडीले पनि नगद रु.१५ हजारसहित ट्रफी पाउनेछ्न ।
आयोजककाअनुसार यही मङ्सिर ८ गतेदेखि सुरु हुने प्रतियोगिताको लागि मङ्सिर ५ गतेसम्म टीम दर्ता गराइसक्नु पर्नेछ । टीम दर्ताको लागि ६ हजार रुपैया शुल्क लाग्नेछ । प्रतियोगिताका लागि एक स्थानीय तह (पालिका) बाट तीन टीमले भाग लिन पाउनेछ्न ।
प्रतियोगिताको उद्घाटन मङ्सिर ८ गते सुदुरपश्चिम प्रदेश सरकारका मुख्यमन्त्री कमल बहादुर शाहले गर्ने कार्यक्रम तय भएको आयोजकले जनाएको छ । स्थानीय मुडा खेल मैदानमा हुने प्रतियोगिताको लागि करिब २० लाख बराबरको खर्च लाग्नु अनुमान गरिएको छ ।
बर्दगोरिया ४ मा वडा स्तरीय खेलकुद प्रतियोगिता सुरु,वडा अध्यक्ष शाहीद्वारा उद्घाटन
बर्दगोरिया । कैलाली जिल्लाको बर्दगोरिया गाउपालिका वडा नम्बर ४ को आर्थिक सहयोग र वडा स्तरीय खेलकुद संजालको आयोजनामा वडा स्तरीय खेलकुद कार्यक्रम सुरु गरिएको छ ।संजालका अध्यक्ष एकेन्द्र साउदको सभापतित्वमा भएको कार्यक्रमको प्रमुख अतिथी वडा नम्बर ४ का वडा अध्यक्ष जगत बहादुर शाहि रहनु भएकी थियो ।
शुक्रबारबाट सुरु भएको प्रतियोगितामा वडा भित्र रहेका खेलाडिहरुको प्रतिभा बाहिर ल्याउन फुटबल ,क्रिकेट र भलिबल प्रतियोगिता आयोजना गरिएको संजालका अध्यक्ष एकेन्द्र साउदले बताए ।
वडा स्तरिय खेलकुदमा क्रिकेट तर्फ प्रथम पुरस्कार १० हजार र द्दितिय पुरस्कार ७ हजार रहेको छ । क्रीकेट प्रतियोगितामा ६ टिम सहभागी भएका छन ।
यसै गरि फुटबल प्रतियोगितामा प्रथम हुनेले १५ हजार बराबरको खसी र द्दितिय हुनेले ८ हजार बराबरको बोका पाउने छ । फुटबलमा ७ टिम सहभागी भएका छन भने भलिबलमा ६ टिम सहभागी छन् । भलिबल तर्फ प्रथम हुने लाई ५ हजार नगद सहित प्रमाणपत्र र मेटल रहेको छ ।
प्रतियोगिताको उद्घाटन गर्दै वडा अध्यक्ष शाहीले खेल र खेलकुदका माध्यमबाट युवापुस्तालाई शारीरिक ,मानशिक तथा अनुशासनका क्षेत्रमा क्रियाशिल बन्न मद्दत पुर्याउने बताए । उनले खेल र खेलकुद क्षेत्रको विकासका लागि आफुले सक्दो सहयोग गर्ने प्रतिबद्धता जनाए ।
बर्दगोरिया । शान्ति, सद्भाव र मित्रताका लागि आयोजना गरिएको प्रथम मैत्रीपुर्ण फुटबल प्रतियोगिताको उपाधी बर्दगोरिया गाउँपालिकाको कर्मचारी टिमले उचालेको छ ।शुक्रबारबाट सुरु भएको प्रतियोगिता आईतवार सम्पन्न फाईनल खेलमा आयोजक पत्रकार मञ्चलाई ५-० गोल अन्तरले पराजित गर्दै प्रथम मैत्रीपुर्ण फुटबल प्रतियोगिताको उपाधी उचाल्न सफल भएको हो । बिजेता बन्दै कर्मचारी टिमले ट्रफि संगै ४० किलोको खसी पुरस्कार प्राप्त गरेको छ ।
बरगोरिया पत्रकार मञ्चका अध्यक्ष कृष्ण प्रसाद ओझाको सभापतित्वमा भएको कार्यक्रमका प्रमुख अतिथी बर्दगोरिया गाउँपालिका उपाध्यक्ष गणेश राज गिरि रहनु भएको थियो ।
कार्यक्रममा बर्दगोरिया गाउँपालिका वडा नम्बर १ का अध्यक्ष मिथुन गौतमले प्रतियोगिता सफलता पुर्बक सम्पन्न गरेकोमा आयोजक समुहलाई धन्यवाद व्यक्त गर्नुभयो । साथै उहाले खेल रमाईलोको लागि भएकाले यस्ता प्रतियोगिताले आपसी शान्ती , सद्भाव र मित्रता कायम हुने बताउनु भयो ।
कार्यक्रममा बोल्दै प्रमुख अतिथि पालिका उपाध्यक्ष गणेश राज गिरिले फुटबल प्रतियोगिताले शारीरिक संगै मनोरञ्जनपनि हुने हुदा यस्ता खेल अझै हुनु पर्ने आवश्यक रहेको बताउनु भयो ।
पत्रकार मञ्चक अध्यक्ष कृष्ण प्रसाद ओझाले मैत्रीपुर्ण फुटबल प्रतियोगितामा टिम सहभागिता गराई सहयोग गर्नुहुने सम्पुर्णमा धन्यवाद प्रकट गर्नुभयो । साथै अध्यक्ष ओझाले भने यश प्रतियोगिताले निरन्तरता पाउने छ ।
हामिले यश प्रतियोगिताबाट केही सिक्ने अवसर पायौं ,आगमी प्रतियोगिता अझै उत्कृष्ट हुने छन ।
कार्यक्रममा वड नम्बर १ का अध्यक्ष मिथुन गौतम , कार्यपलिका सदस्य सरस्वती बि क, ईलाका प्रहरी कार्यालय बौनियाका प्रहरी निरीक्षक लिलाराम आचार्य लगाएतको सहभागिता रहेको थियो । कार्यक्रमको संचालन मञ्चका सचिब गोबिन्द बीसीले गर्नु भएको थियो ।
शान्ति ,सद्भाव र मित्रताका लागि बर्दगोरियामा प्रथम मैत्रीपुर्ण फुटबल प्रतियोगिता हुँदै
बर्दगोरिया । शान्ति ,सद्भाव र मित्रताका लागि खेल भन्ने नाराका साथ बर्दगोरियामा पत्रकार मञ्चको आयोजनामा शुक्रबार १७-१८ गते प्रथम मैत्रीपुर्ण फुटबल प्रतियोगिता हुने भएको छ ।
बर्दगोरिया पत्रकार मञ्चको आयोजनामा हुन लागेको प्रतियोगिताले शुभ दिपावलिको अवसरमा सबैमा शान्ती, सद्भाव र मित्रता कायम होस भन्ने उद्देश्यले फुटबल हुन लागेको हो ।
प्रतियोगितामा बर्दगोरिया गाउँपालिकाका विभिन्न संघ संस्था गरि १४ टिमको सहभागिता रहने मञ्चका अध्यक्ष कृष्ण प्रसाद ओझाले जानकारी दिए ।
प्रतियोगितामा बर्दगोरियाका जनप्रतिनिधि ,कर्मचारी ,संस्थागत बिधालयका शिक्षक, सामुदायिक विद्यालयका शिक्षक,बौनिया जेसीज, सुनचादी ब्यवसायी संघ ,पत्रकार ,बजार समितिका पदाधिकारी, प्रहरी प्रशासन , बर्दगोरिया यातायात प्रा.लि, ब्यापारी, सुनचाँदी व्यवसायी संघको सहभागिता रहने छ ।
टी-२० विश्वकप छनोट; नेपाल र ओमानबीचको खेल हुँदै
काठमाडौं । आईसीसी ट्वान्टी–२० विश्वकप एसिया छनोटमा बिहीबार ओमानविरुद्ध मैदान उत्रिँदा नेपाल जितसहित समूह विजेता बन्ने लक्ष्यमा हुनेछ । छनोटको समूह ‘ए’ मा रहेका यी दुवै टिम अपराजित छन् । समूह चरणको अन्तिम खेलअगावै सेमिफाइनलमा स्थान बनाए पनि आजको खेलले विजेता र उपविजेताको टुंगो लगाउने छ ।
नेपालले यसअघि प्रतियोगिताको पहिलो खेलमा सिंगापुरविरुद्ध आठ विकेट र दोस्रो खेलमा मलेसियाविरुद्ध ६ विकेटको जित निकालेको थियो । ओमानले भने पहिलो खेलमा मलेसियालाई ३२ रन र दोस्रो खेलमा सिंगापुरलाई २२ रनले हराएको थियो । समूह ‘ए’ मा दुई खेलबाट चार अंक जोडे पनि नेट रनरेटका आधारमा ओमान शीर्ष र नेपाल दोस्रो स्थानमा छ ।
प्रतियोगिताको सेमिफाइनलमा समूह ‘ए’ को विजेताले समूह ‘बी’ को उपविजेतासँग खेल्नेछ । समूह ‘बी’ बाट युनाइटेड अरब इमिरेट्स (यूएई)ले अन्तिम चारमा स्थान बनाइसक्दा अर्को एक टिमको टुंगो लाग्न भने बाँकी छ ।
कीर्तिपुरस्थित त्रिवि क्रिकेट मैदानमा हुने नेपाल र ओमानबीचको खेल बिहान ९ बजेदेखि सुरु हुनेछ । बिहीबार नेपालसमेतको गरी कुल चार खेल हुनेछन् ।
कीर्तिपुरमा हुने दोस्रो खेलमा सिंगापुर र मलेसिया प्रतिष्ठाका लागि भिड्नेछन् । मूलपानीस्थित माथिल्लो मूलपानी मैदानमा हुने पहिलो खेलमा हङकङ र यूएई भिड्नेछन् । दोस्रो खेलमा बहराइनले कुवेतको चुनौतीको सामना गर्नेछ ।
सोमबारदेखि सुरु भएको प्रतियोगितामा नेपालसहित कुल आठ टिम सहभागी छन् । प्रत्येक समूहमा चार टिम रहने गरी दुई समूहमा विभाजन गरिएको छ ।
नेपाल समूह ‘ए’मा छ । यो समूहमा नेपालसँगै सिंगापुर, मलेसिया र ओमान छन् । समूह ‘बी’मा युनाइटेड अरब इमिरेट्स (यूएई), बहराइन, हङकङ र कुवेत छन् । प्रत्येक समूहबाट शीर्ष दुई टिम सेमिफाइनलमा प्रवेश गर्नेछन् ।
प्रतियोगिताको फाइनलमा पुग्ने दुई टिम आउँदो वर्ष अमेरिका र वेस्ट इन्डिजमा हुने विश्वकपमा छनोट हुनेछन् ।
कैलालीको गौरीगंगामा कार्तिक २० गतेदेखि प्रदेश स्तरीय भलिबल प्रतियोगिता हुने, बिजेताले ५१ हजार पाउने
मसुरिया । कैलालीको मसुरियामा यही कार्तिक २० गतेदेखि सुदुरपश्चिम प्रदेश स्तरीय भलिबल प्रतियोगिता हुने भएको छ । एकीकृत अखिल नेपाल शिक्षक संगठन जिल्ला समन्वय समिति कैलालीको आयोजनामा प्रदेश स्तरीय पुरुष भलिबल प्रतियोगिता हुने भएको हो ।विजया दशमी तथा शुभ दिपावली २०८० को अबसर पारी शिक्षा संगै खेलकुद क्षेत्रको विकास तथा विस्तारमा टेवा पुर्याउने उदेश्यका साथ प्रतियोगिताको आयोजना गरिएको जनाइएको छ ।
प्रतियोगितामा सहभागिता जनाउन चाहानेले टीम दर्ताको लागि ५ हजार रुपैयाँ शिल्क निर्धारण गरिएको छ ।प्रतियोगितामा प्रथम हुने टीमले ५१ हजार, दोस्रो हुनेले ३१ हजार ,तेस्रो हुनेले १६ हजार र चौथो हुने टिमलाई सान्त्वना स्वरुप ५ हजारसहित प्रमाणपत्र प्रदान गरिने आयोजकले जनाएको छ ।
प्रतियोगिताका खेलहरु गौरीगङ्गा नगरपालिका ९ शङ्करपुर स्थित खेल मैदानमा खेलाइने जनाइएको छ ।
बर्दगोरिया ५ मा वडा स्तरीय फुटबल प्रतियोगिता २०८० हुने, बिजेताले २१ हजार पाउने
बर्दगोरिया । कैलालीको बर्दगोरिया गाउँपालिका वडा नम्बर ५ मा वडा स्तरीय फुटबल प्रतियोगिता २०८० हुने भएको छ । वडा नम्बर ५ मा रहेको सहयोगी बेलुवा युवा क्लबको आयोजनामा प्रतियोगिता हुने भएको हो ।गत वर्षदेखि वडा स्तरीय फुटबल प्रतियोगिता गर्दै आएको आयोजक सहयोगी बेलुवा युवा क्लबले यसवर्ष पनि प्रतियोगितालाई निरन्तरता दिन लागिएको जनाएको छ ।
युवाहरूमा सामाजिक एकता, न्याय सभ्यता र व्यक्तितब विकास गरि सामाजिक उत्तरदायित्वको बोध गराउने र स्थानीय खेलाडीलाई प्रोत्साहन गर्ने उद्देश्यले प्रतियोगिता आयोजना गरिएको क्लबका अध्यक्ष महेश रावलले जानकारी दिए ।
प्रतियोगिता यही कार्तिक २० गतेदेखि पुरानो वडा कप खेलाइएको स्थानमा हुनेछ । प्रतियोगितामा प्रथम हुने टीमले २१ हजार १ सय ११ र दोस्रो हुनेले १० हजार १ सय ११ सहित ट्रफी मेडल र प्रमाणपत्र प्राप्त गर्नेछ्न । खेल नक आउट चरणबाट खेलाइने आयोजकले जनाएको छ ।
प्रतियोगितामा सहभागी हुन चाहाने टीमले यही कात्तिक १२ गतेदेखि टीम दर्ता गर्न सक्नेछन ।
काठमाडौं । टी-ट्वेन्टी विश्वकप एसिया छनोट आजबाट सुरु हुँदैछ। खेल बिहान ९ बजे सुरु हुनेछ।
प्रतियोगिताको दाबेदारका रुपमा रहेको नेपालले पहिलो खेलमा आज सिंगापुरसँग प्रतिस्पर्धा गर्ने छ। खेल टीयू क्रिकेट मैदानमा सुरु हुनेछ। एसोसिएट देश मध्येका सबैभन्दा उत्कृष्ट टिम नेपाल रहेको छ। फाइनलमा पुग्ने टोली विश्वकपका लागि छनोट हुनेछन्।
नेपालको समूहमा सिंगापुर, मलेसिया र ओमान छन्। नेपालले पहिलो खेलमा सिंगापुर, दोस्रोमा मलेसिया र तेस्रोमा ओमानसाग प्रतिस्पधा गर्नेछ। समूहको शीर्ष दुईमा रहे नेपाल सेमिफाइनल पुग्नेछ। फाइनल पुग्ने टोली मात्र विश्वकपमा छनोट हुनेछ। नेपालको कप्तानी रोहित पौडेलले गर्नेछन्। दीपेन्द्रसिंह ऐरी, सन्दीप लामिछाने र कुशल मल्ल प्रमुख हतियार हुन्। स्पिनर सन्दीप लामिछाने टोलीमा फर्किदा ललित राजवंशी बेन्चमा बस्ने देखिन्छ। टोलीमा अन्य परिवर्तनको सम्भावना छैन।
नेपालले सन् २०१४ मा नेपाल विश्वकप खेलिसकेको छ। नेपाललाई फेरि विश्वकपमा पुर्याउने अवसर रहेको छ।
अन्तर्राष्ट्रिय क्रिकेट काउन्सिलले विश्वकपमा २० देश सहभागी गराउने भएसँगै नेपालको सम्भावना पनि बढेको छ। पछिल्लो केही महिनामा जसरी नेपालले खेलिरहेको छ त्यो फर्म कायम रहने भने हो नेपाल सहजै फाइनल पुग्न सक्नेछ।
आज पहिलो दिन चार खेल हुनेछन्। बिहान ९ बजे मुलपानी मैदानमा बहराइन र युएईबीच प्रतिस्पर्धा हुनेछ।
टियुमा दिउँसो साढे १ बजे ओमान र मलेसियाबीच प्रतिस्पर्धा हुनेछ। मुलपानी मैदानमा सोहि समयमा हङकङले कुवेतसँग भिड्नेछ।