सोमबारदेखि अग्रपङ्क्तिमा खटिने र ६० वर्ष र माथिका नागरिकहरूलाई बुस्टर डोज दिइने
काठमाडौं । सरकारले कोरोना भाइरसविरुद्धको बुस्टर डोज पहिलो पटक अग्रपङ्क्तिमा खटिने व्यक्ति र ६० वर्ष र माथिका नागरिकहरूलाई दिने निर्णय गरेको छ ।
यसअघि कोरोना भाइरसविरुद्धको खोप लगाएका अग्रपङ्क्तिमा खटिने व्यक्ति र ६० वर्ष र माथिका नागरिकहरूलाई खोपको थप मात्रा दिन लागिएको हो ।
स्वास्थ्य सेवा विभागकी जनस्वास्थ्य अधिकृत अन्जु बस्नेतका अनुसार अग्रपङ्क्तिमा खटिने र ६० वर्षदेखि माथिका नागरिकहरूलाई बुस्टर डोज दिन लागिएको हो। त्यसका लागि माघ २ र १४ गते तोकिएको छ ।
माघको सुरुमा अग्रपङ्क्तिमा खटिने व्यक्तिहरूलाई र माघ महिनाको दोस्रो हप्तादेखि ६० वर्ष र माथिका नागरिकहरूलाई बुस्टर डोज दिन निर्णय भएको बस्नेतले जानकारी दिनुभयो । खोपको पूर्ण मात्रा लगाइसकेर ६ महिना पूरा भइसकेका नागरिकहरूलाई क्रमैसँग बुस्टर डोज दिइने तयारी छ ।
ओमिक्रोनले एकबाट १० जनामा सङ्क्रमण सार्ने, खोप नलगाएकामा १० गुणाबढी सङ्क्रमण
काठमाडौँ। कोरोना भाइरसको ओमिक्रोन भेरियन्टको सङ्क्रमण अन्यभन्दा तीव्र गतिमा बढ्ने अनुसन्धानले देखाएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा पाटन स्वास्थ्य विज्ञान प्रतिष्ठान र नेपाल स्वास्थ्य अनुसन्धान परिषद्मा आबद्ध रहनुभएका सङ्क्रामक रोग विशेषज्ञ प्रा डा जनक कोइराला ओमिक्रोन भेरियन्ट ९तेस्रो लहर०ले पहिले देखिएको भेरियन्टको तुलनामा धेरै मानिसलाई सङ्क्रमित बनाउने बताउनुभयो । उहाँका अनुसार ओमिक्रोन भेरियन्ट एक जनाबाट १० जनामा सङ्क्रमण सार्ने गर्दछ ।
“सङ्क्रमणको पहिलो लहरले एक जनाबाट अर्को दुई जनालाई, दोस्रो लहरमा डेल्टा भाइरसले एक जनाबाट चारदेखि पाँच जनासम्म सङ्क्रमित बनाउने गर्दथ्यो”, उहाँले भन्नुभयो, “तर अहिले तेस्रो लहरको ओमिक्रोन भाइरसले एक जनाबाट १० जनालाई सङ्क्रमित गराउने गर्दछ । त्यसैले यो दु्रत गतिमा फैलिन्छ ।”
आज एकैदिन तीन हजार ७५ जनामा सङ्क्रमण पुष्टि भएको छ । ओमिक्रोन भेरियन्टबाट बच्नका लागि व्यक्ति आफू नै सजक हुनुपर्ने उहाँ बताउनुहुन्छ । “व्यक्तिबाट व्यक्ति सर्ने रोग भएकाले यसबाट बच्न आफू नै सर्तक हुनुपर्दछ”, उहाँले भन्नुभयो, “हामीले जनस्वास्थ्यका मापदण्ड लागू (यो भने सायद यसले व्यापक रुप लिँदैन ।”
हात नियमित धुने, भीडभाड नभएका ठाउँमा जाने, मास्क राम्रोसँग लगाउने हो भने सङ्क्रमणबाट बच्न सकिन्छ । यस्तै ओमिक्रोन भेरियन्टबाट बच्नका लागि खोप बढीभन्दा बढी मानिसलाई लगाउनु पर्दछ । ओमिक्रोन सङ्क्रमण मानिसमा रुघा लागेर माथिल्लो श्वासप्रश्वास नलिमा इन्फेक्सन ९असर० गर्दछ ।
“सङ्क्रमण नलीमा टाँसिएर रुघा बढी लगाउने गर्दछ । जबकी डेल्टा भाइरस सिधै फोक्सोमा असर गर्दथ्यो”, सङ्क्रामक रोग विशेषज्ञ डा कोइरालाले भन्नुभयो, “ओमिक्रोनले पनि मानिसमा रुघा लाग्ने, जीउ दुख्ने, टाउको दुख्ने, ज्वरो आउने जस्ता लक्षण देखिन्छ र यसले फोक्सो सिधै सङ्क्रमण गरेर निमोनिया बनाउने कम गर्दछ । खोप लगाएका व्यक्तिलाई ओमिक्रोन भेरियन्टले त्यति गा(ह्रो नबनाउने उहाँको भनाइ रहेको छ ।
खोप नलगाएकामा १० गुणाबढी सङ्क्रमण
कोरोना भाइरसविरुद्धको खोप नलगाउनेमा व्यक्तिमा लगाएकोभन्दा १० गुणाबढी सङ्क्रमण हुने सम्भावना रहेको अध्ययनले देखाएको उहाँले बताउनुभयो । उहाँका अनुसार ओमिक्रोन भेरियन्टले खोप नलगाएकालाई अस्पतालमा भर्ना भएर गा¥ह्रो बनाउने १७ गुणा र मृत्यु हुने सम्भावना पनि २० गुणा बढी गर्दछ । उहाँले दुई वटा खोप लगाए जित्न सकिने बताउनुभयो ।
काठमाडौं । नेपालमा कोरोना भाइरसको ओमिक्रोन भेरिएन्ट समुदायस्तरमा व्यापक रूपमा फैलन थालेको छ । सामुदायिकस्तरमा अत्यधिक फैलन पुग्दा भयावह अवस्था आउन सक्ने भन्दै चिकित्सकले थप सतर्कता अपनाउन आग्रह गरेका छन् । ओमिक्रोन भेरियन्टको संक्रमण दर यसअघिको अल्फा र बिटा भेरियन्टभन्दा अत्यधिक बढी रहेकाले यसको जोखिम अत्यधिक रहेको छ ।
चिकित्सकले ओमिक्रोनको संक्रमण दर डेल्टा भेरियन्टभन्दा ७० प्रतिशत बढी रहेको जनाएका छन् । उनीहरूले सुरक्षाका सबै विधि अपनाउनुपर्ने र आवश्यकताअनुसार स्मार्ट लकडाउन गर्नुपर्ने सुझाव दिएका छन् । ओमिक्रोनसँग जुध्न सरकारले विशेष तयारी नगरेको भन्दै चिकित्सकले चिन्ता व्यक्त गरेका छन् ।
कोरोना भाइरसका सम्बन्धमा अन्तर्राष्ट्रिय रूपमा नै अध्ययन गरिरहेका वरिष्ठ भाइरोलोजिस्ट डा। रमेशकुमार आचार्यले नेपालमा ओमिक्रोन समुदायस्तरमा नै फैलिसकेकाले थप सतर्कता नअपनाउने हो भने भयावह रूप लिन सक्ने बताए । उनले ओमिक्रोनको संक्रमण दर ७० प्रतिशतभन्दा बढी रहेकाले यो द्रुत गतिमा फैलिरहेको दाबी गरे ।
डा। आचार्यका अनुसार अहिले विश्वव्यापी रूपमा तयार भएका कोरोनाविरुद्धका भ्याक्सिन अल्फा, डेल्टा भेरियन्टलाई लक्षित गरेर बनाएकाले अहिले लगाइएका भ्याक्सिनले ओमिक्रोनलाई रोक्न नसक्ने पाइएको छ । ‘विभिन्न अन्तर्राष्ट्रिय अध्ययनलाई आधार मान्ने हो भने हालसम्म बनाइएका भ्याक्सिनले ओमिक्रोन भेरियन्टलाई काम नगर्ने देखिएको छ, जुन निकै नै चिन्ताको विषय हो, त्यसैले विशेष सतर्कता अपनाउनु नै सर्वोत्तम उपाय हो,’ वरिष्ट भाइरोलोजिस्ट डा। आचार्यले राजधानीसँग भने ।
डा। आचार्यका अनुसार यसअघि डेल्टाको संक्रमण भएर सञ्चो भएका र भ्याक्सिन लगाएकाहरूमा समेत ओमिक्रोनको संक्रमण हुने क्रम बढ्दो छ । त्यसैले पनि अन्य भेरियन्टभन्दा ओमिक्रोन भेरियन्टको संक्रमण दर अत्यधिक देखिएको डा। आचार्यको भनाइ छ ।
चिकित्सकका अनुसार ओमिक्रोनले सुगर र प्रेसरका बिरामीलाई छिटो आक्रमण गर्ने गरेको छ भने दमका बिरामीलाई झनै गम्भीर बनाइदिने गरेको छ । तर, यसमा ज्वरो आउने क्रम भने धेरै कम देखिएकाले न्युमोनिया नहुने र मृत्युदर पनि कम देखिएको छ ।
डा। आचार्यका अनुसार अहिले डेनमार्क, फिनल्यान्ड, नर्वेलगायतका मुलुकमा परीक्षण गरिएकामध्ये ६६ प्रतिशतमा ओमिक्रोन देखिएको र अमेरिका तथा बेलायतमा पनि यो संक्रमण फैलने क्रम अत्यधिक बढिरहेको छ । हाल विश्वको १ सय ३ देशमा ओमिक्रोन फैलिएको छ । ( आजको राजधानी दैनिकबाट )
नेपालगञ्ज नाकामा थप ३७ जनामा कोरोना संक्रमण पुष्टि
नेपालगञ्ज । भारतबाट नेपाल भित्रिने नेपालीहरूमा दिनहुँ ठूलो सङ्ख्यामा कोरोना देखिन थालेको छ । बाँकेको नेपालगञ्जस्थित जमुनाहा नाकामा थप ३७ जनामा कोरोना संक्रमण पुष्टि भएको छ । भारतमा कोरोना संक्रमण तीव्र गतिमा बढेपछि नेपाल फर्किने नेपालीहरूको सङ्ख्या बढिरहेको छ ।
जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीका अनुसार जमुनाहा नाकामा हिजो शङ्कास्पद ३९६ जनाको कोभिड परिक्षण गर्दा ३० जना पुरुष र ७ जना महिलासहित ३७ जनामा कोरोना पुष्टि भएको हो ।
यसअघि नाकामा चेकजाँचका क्रममा सङ्क्रमितको सङ्ख्या शून्य हुने गरेकोमा पुस १९ गते ९ जना, पुस २० गते ४ जना, पुस २१ गते ५ जना, पुस २२ गते २३ जना, पुस २३ गते २६ जना, पुस २४ गते ४६ जना, पुस २५ गते ३९ जना, पुस २६ गते ३७ जना र पुस २७ गते ३७ जनामा संक्रमण देखिएको हो ।
बर्दगोरिया धाममा भोलिदेखि हुने भनिएको माघि मेला तथा सांस्कृतिक कार्यक्रम स्थगित
बौनिया, कैलाली । कोरोना भाइरसको तेस्रो लहर फैलिहेका कारण कैलालीको बर्दगोरिया गाउँपालिका वडा नं २ मा रहेको धार्मिक तथा पर्यटकीय क्षेत्र बर्दगोरिया धाममा माघि मेला तथा सांस्कृतिक कार्यक्रम स्थगित भएको छ ।
सरकारको निर्णयअनुसार जिल्ला कोभिड व्यवस्थापन समिति(डीसीएमसी) कैलालीको बैठकले भिडभाड हुने कुनैपनि कार्य नगर्न र नगराउन निर्देशन दिएपछि यही पुष २८ गतेदेखि माघ २ गतेसम्म संचालन हुने भनिएको कार्यक्रम स्थगित गरिएको आयोजक बर्दगोरिया विकास क्षेत्र तथा संरक्षण मञ्चले जनाएको छ ।
कोरोना भाइरस सङ्क्रमणको जोखिम दिन प्रतिदिन बढ्दै गइरहेको हुँदा नागरिकको स्वास्थ्यलाई ख्याल गरी जिल्लामा कुनैपनि भिडभाड जन्य क्रियाकलाप ,मेला महोत्सव गर्न नपाइने जिल्ला प्रशासन कार्यालयको निर्देशन अनुसार बर्दगोरियामा आयोजना हुने भनिएको मेला स्थगित गर्न इलाका प्रहरी कार्यालय बौनिया कैलालीले आयोजकलाई यसअगाडि नै ध्यानाकर्षण गराएको थियो ।
सरकारले कुनै किसिमका मेला तथा महोत्सव नगर्न तथा २५ जनाभन्दा बढी बेला नहुन आग्रह गरेपछि मेला स्थगित गरिएको आयोजकले जनाएको छ ।
काठमाडौं । पछिल्लो एक सातामा कोरोना संक्रमण फैलने दर तेब्बर बढेको छ । एक सातामा १ हजार ९ सय ८७ जना संक्रमित थपिएका छन् ।
२३ पुसदेखि हालसम्मको आँकडा हेर्दा संक्रमित दर तेब्बरले बढेको छ । २३ पुसमा १४ हजार ९ सय ७१ जनाको नमुना परीक्षण गर्दा एकै दिन ९ सय ३८ जना संक्रमित थपिएका थिए । २४ पुसमा ९ सय ४४ जना संक्रमित थपिए ।
साथै २५ पुसमा १२ हजार ६ सय ३२ जनाको नमुना परीक्षण गर्दा १ हजार १ सय ६७ जनामा कोरोना संक्रमण हुँदा ९.५ प्रतिशतले बढेको देखिएको थियो । जुन संक्रमण दर सोमबार ११ हजार ४ सय २९ जनाको परीक्षण गर्दा १ हजार ४ सय ४६ जना संक्रमित थपिए । कोरोनाको नयाँ भेरियन्ट ओमिक्रोन आएसँगै संक्रमण हुने दर उच्च बिन्दुमा बढिरहेको छ ।
छिमेकी मुलुक भारतमा कोरोना संक्रमण बढेसँगै नेपालमा पनि पछिल्लो एक सातादेखि संक्रमित हुने दर बढेको पाइएको छ । कोरोना भाइरसको औसत ‘आर–भ्यालु’ १.०४ को दरमा बढिरहेको छ । आर–भ्यालु एकभन्दा बढी भए संक्रमण उकालो लागिरहेको बुझिन्छ ।
आर–भ्यालुले कोभिड संक्रमित एक जनाले कति जनालाई भाइरस सारिरहेको छ भन्ने देखाउँछ । आर–भ्यालुसँगै संक्रमितको संख्या पनि उकालो लाग्नुलाई कोभिड–१९ को नयाँ भेरियन्ट ओमिक्रोनसँग पनि जोडेर हेरिएको छ । यो खबर आजको राजधानी दैनिकमा छापिएको छ ।
बाँके । नेपालगञ्जको जमुनाहा नाकास्थित हेल्थ डेक्समा कार्यरत दुई जना स्वास्थ्यकर्मीमा कोरोना संक्रमण देखिएको छ ।
एकजना ल्यावमा कार्यरत कर्मचारी र अर्का पारामेडिक्स कर्मचारीमा कोरोना संक्रमण देखिएको हो । हेल्थ डेस्कमा खटिएका कर्मचारीमा भाइरस संक्रमण देखिएपछि कोरोना परीक्षण कार्यमा जनशक्तिको अभाव हुने अवस्था उत्पन्न भएको जिल्ला कोभिड १९ व्यवस्थापन केन्द्रका फोकल पर्सन तेज वलीले जानकारी दिनुभयो ।
भारतमा कोरोना भाइरसको संक्रमण तीब्ररुपमा फैलिन थालेपछि रोजगारीको सिलसिलामा त्यहाँ पुगेका नेपालीहरु धमाधम घर फर्किरहेका छन् । यसरी भारतबाट आएका नेपालीहरुलाई नेपालगञ्ज नाकामा एन्टिजेन जाँच गरेर मात्रै पठाउने गरिएको छ ।
त्यसका लागि नेपालगञ्ज नाकामा रहेको जमुनाहा हेल्थ डेस्कमा दैनिक ७–८ सय जनाको कोरोना जाँच हुँदै आएको छ । प्रहरीले कोरोना जाँच गरेर मात्रै नेपाल प्रवेश गर्न दिने भएकाले भारतबाट आएकाहरू घण्टौँ लाइन लागेर एन्टिजेन जाँच गर्ने गरेका छन् । हेल्थ डेक्समा १५ जना स्वास्थ्यकर्मी कार्यरत छन् ।
भजनी । कोरोना सङ्क्रमण बढ्न थालेपछि पुनः समुदायमा पनि त्रास फैलिन थालेको छ । केही दिनयता सङ्क्रमण दरमा वृद्धि हुँदा दैनिक मजदुरी गरेर गुजारा गर्ने समुदायमा समस्या भएको हो । उनीहरु विगतको जस्तो लामो बन्दाबन्दी भए खानको लागि कसरी जोहो गर्ने भन्ने चिन्तामा देखिन थालेका छन् ।
कैलालीको टीकापुर नगरपालिका–१ विशालनगर शिविरका सन्तोष परियारको दिनभरि मजदुरी गरेर कमाएर ल्याएपछि मात्रै साँझ घरमा चुलो बल्छ । उहाँका श्रीमान्÷श्रीमती बिहानै काममा निस्कनुहुन्छ । बिहानको खाना पकाएर छोराछोरीलाई घरमै राखेर उहाँहरु आफ्नो खाना बोकेर काममा जाने गरेका छन् । “अलिअलि काम पाउन थालिएको थियो । अझ कोरोनाको सङ्क्रमण बढेको भन्ने सुनेको छु ।”उहाँले भन्नुभयो, “अझ बन्दाबन्दी हुन्छ भने हामी त मर्छौं होला । दिनभर काम नगरे साँझ चुलो बल्दैन । कामकाज बन्द भएपछि कमाउने बाटोसमेत बन्द हुन्छन् ।”
सोही ठाउँका रामबहादुर चौधरीलाई पनि त्यहीँ पीडाले सताउन थालेको छ । उहाँ अहिले घर निर्माणका काममा व्यस्त रहनुभएका उहाँले कोरोनाको भन्दा बढी चिन्ता परिवारको लालनपालनमा छ । उहाँको पनि दिनभर काम गरेपछि मात्रै साँझ घरमा चुलो बल्छ ।
यसभन्दा पहिलेको बन्दाबन्दीको समयमा खाएको उधारो अझै तिर्न नसकेका उहाँलाई फेरि बन्द भएपछि व्यापारीसँग उधारो सामानका लागि जानसक्ने आधार पनि छैन । “कोरोना आए पनि हामीलाई चिन्ता छैन । काम हुनुपर्यो । परिवारलाई साँझ बिहान खाने खर्च जुट्यो भने पुग्यो ।” उहाँले भन्नुभयो, “धेरै पैसा कमाएर घर जग्गा जोड्ने सपना छैन । विगतका जस्तो बन्दाबन्दी भयो भने परिवारलाई कसरी पाल्ने भन्ने चिन्ता मात्रै छ ।”
कैलाली भारतसँग सिमाना जोडिएको जिल्ला भएका कारणले पनि अन्य जिल्लाभन्दा बढी कोरोनाको बढी जोखिममा रहेको छ । यसमा पनि भारतीय नागरिक अवैध सीमानाकाबाट व्यवसायको लागि नेपाल प्रवेशको क्रम नरोकिएकाले पनि जोखिम बढेको भजनी नगरपालिका–८ का विकास चौधरी बताउनुहुन्छ । “दैनिक भारतबाट नेपाल आउने भारतीय नागरिकलाई प्रशासनले अझै पनि रोक्न सकेको छैन ।
भारतमा कोरोनाको सङ्क्रमण वृद्धि हुँदा मुख्य सीमानाकामा मात्रै कडाइ गरेर जोखिम कम हुनसक्ने अवस्था छैन ।” उहाँ लेभन्नुभयो “सीमानाकामा कडाइ गरी भारतबाट आएका नेपाली नागरिकलाई पनि अनिवार्य क्वारेन्टिनमा राख्न सके सङ्क्रमण कम गर्न सकिन्छ तर, यहीँ अवस्थामा सङ्क्रमण बढ्दै गएपछि हामीजस्ता न्यून आय भएका नागरिकलाई दैनिकी चलाउन निकै मुस्किल हुने निश्चित छ ।”
कैलालीका प्रमुख जिल्ला अधिकारी किरण थापाले भारतबाट आउने नेपाली नागरिकको सङ्ख्यामा वृद्धि भएको जनाउँदै उहाँहरुको सीमानाकामा कोरोना परीक्षण गर्ने र आउने÷जानेको तथ्याङ्क राख्ने काम सुरु गरेको जानकारी दिनुभयो । उहाँले अहिलेको समयमा मेला महोत्सव पनि हुने गरेको र माघीको समयमा हुने मेलाले सङ्क्रमण झन बढ्न सक्ने जनाउँदै त्यस्ता गतिविधि नगर्नसमेत आग्रह गर्नुभएको छ ।
हामीले पूर्वतयारीका काम सुरु गरिसकेका छौँ । हामीले मात्रै गरेर कोरोना सङ्क्रमणलाई कम गर्न सकिँदैन । त्यसका लागि नागरिक पनि सचेत बन्नुपर्छ । सबै समयमै सचेत हुनसक्यो भने बन्दाबन्दी गर्नुपर्ने अवस्था आउँदैन । “प्रजिअ थापाले भन्नुभयो, “अनि भारतीय नागरिकलाई आउनै नदिने भन्नेसम्मको निर्णयमा हामी पुगिसकेको छैनौँ । त्यो अवस्था आएपछि त्यसतर्फ पनि सोच्नुपर्ने हुन्छ । सीमानाकामा सशस्त्र प्रहरी र नेपाल प्रहरीलाई सुरक्षा व्यवस्थामा कडाइका लागि निर्देशन दिएका छौँ ।”
उहाँले धनगढीको त्रिनगर भन्सार र टीकापुरको सत्ती भन्सारबाट आउने नेपाली नागरिकको कोरोना परीक्षणपश्चात् मात्रै नेपाल प्रवेश गर्न दिइएको जनाउँदै सम्भावित लक्षण देखिएकालाई आइसोलेसनमा राख्ने गरिएको बताउनुभएको छ । उहाँले मेला, महोत्सव, भेलाजस्ता धेरै मानिस जमघट हुने खालका कार्यक्रम बन्द गर्न आग्रहसमेत गर्नुभएको छ ।
काठमाडौं । पछिल्लो एक सातामा देशभर १ हजार ९ सय ८७ जना कोरोना संक्रमित थपिएका छन् । छिमेकी मुलुक भारतमा कोरोना संक्रमण बढेसँगै नेपालमा पनि पछिल्लो एक सातादेखि संक्रमित हुने दर बढेको पाइएको छ ।
बुधबार ४ सय ३५ जना संक्रमित भएका थिए भने बिहीबार एकै दिन सो संख्या बढेर ५ सय ४० पुग्यो । संक्रमणको यो दर बढ्ने क्रम जारी छ । १२ हजार ९९ जनामा परीक्षण गर्दा ५ सय ४० जनामा संक्रमण देखिएको छ । ७ हजारको पीसीआर परीक्षणमा ४ सय ७८ जनामा कोभिड– १९ पोजिटिभ देखिएको हो ।
बिहीबार संक्रमित भएकामध्ये सबैभन्दा बढी २१ देखि ३० वर्ष उमेर समूहका १ सय ३२ जना छन् । त्यस्तै, ३१ देखि ४० वर्ष उमेर समूहका १ सय ७ जना संक्रमित भएका छन् । कोरोना भाइरसको औसत ‘आर– भ्यालु’ १.०४ पुगेको छ ।
आर–भ्यालु एकभन्दा बढी भए संक्रमण उकालो लागिरहेको बुझिन्छ । आर–भ्यालुले कोभिड संक्रमित एक जनाले कति जनालाई भाइरस सारिरहेको छ भन्ने देखाउँछ । आर–भ्यालुसँगै संक्रमितको संख्या पनि उकालो लाग्नुलाई कोभिड– १९ को नयाँ भेरिएन्ट ओमिक्रोनसँग पनि जोडेर हेरिएको छ ।
छिमेकी देश भारत, अमेरिका, युरोपलगायतका देशमा ओमिक्रोन संक्रमण बढेसँगै संक्रमण दर ह्वात्तै बढेको छ । भारतको केन्द्रीय स्वास्थ्य र परिवार कल्याण मन्त्रालयका अनुसार बिहीबार ९० हजार ९ सय २८ नयाँ कोरोना संक्रमित पहिचान भएका छन् । यसअघि भारतमा तीन दिनअघि मात्रै ३७ हजार बढी संक्रमित भएका थिए ।
यस्तै, अमेरिकामा सोमबार एकै दिन संक्रमितको संख्या १० लाख नाघेको छ । जोन हकिन्स विश्वविद्यालयका अनुसार अघिल्लो साता हरेक सय जनामध्ये एक अमेरिकी कोरोना संक्रमित छन् । यस्तै, ल्याटिन अमेरिकाका केही देशमा संक्रमण फैलने क्रम बढिरहेको छ । अर्जेन्टिना, कोलम्बिया, बोलिभिया र पेरुमा संक्रमण बढेको छ । नेपालमा कोरोना संक्रमित हुनेको संख्या बढिरहेको बेला कमजोर रोग प्रतिरोध क्षमता भएकालाई दिने भनिएको अतिरिक्त खोप स्थगित गराइएको छ ।
खुला सीमा रहेको छिमेकी मुलुक भारतमा कोरोनाको नयाँ भेरियन्ट ओमिक्रोन फैलने क्रम बढेसँगै संक्रमित दर बढिरहेको छ । संक्रमित बढेपछि भारतले विभिन्न प्रान्तमा रात्रिकालीन कफ्र्यु घोषणा गरिसकेको छ । भारतमा बढिरहेको कोरोना भाइरसको जोखिम नेपालमा रहे पनि सरकारले भने अहिलेसम्म कुनै तयारी गरेको छैन ।
सरकारले चैतसम्म लक्षित जनसंख्यालाई खोप लगाइसक्ने बताए पनि ओमिक्रोन भेरिएन्टका कारण सरकारलाई चुनौती भने थपिएको छ । मंगलबारसम्म कुल जनसंख्याको ३५.९ प्रतिशत अर्थात् १ करोड ९ लाख ४ हजार ८ सय ५१ जनाले पूर्ण खोप लगाइसकेका छन् ।
त्यस्तै, ४८.४ प्रतिशत अर्थात् १ करोड ४७ लाख ३७ हजार ४ सय ३३ जनाले एक डोज खोप लगाइसकेका छन् । हालसम्म विभिन्न देशबाट अनुदान र खरिद गरेर ३ करोड ९२ लाख ३ हजार ९ सय २७ खोप नेपाल भित्रिइसकेको छ । यो समाचार आजको राजधानी दैनिकमा छ ।
डाेटीका विद्यालयमा नै कोरोनाविरुद्धको खोप
डोटी । जिल्लाको जोरायल गाउँपालिकाले विद्यालयमा नै विद्यार्थीलाई कोरोनाविरुद्धको खोप लगाउन सुरुआत गरेको छ ।
पालिकाभरिका सबै विद्यालयमा अध्यनरत १२ देखि १७ वर्ष उमेर समूहका विद्यार्थीलाई खोप लगाउन सुरु गरिएको इलाका स्वास्थ्य कार्यालय गड्सेराका अनमी विद्यी भण्डारीले जानकारी दिनुभयो ।
उहाँले भन्नुभयो, “विद्यालयमा अध्ययन गर्ने विद्यार्थीलाई हामीले कोरोनाविरुद्धको खोप लगाउन सुरु गरेका छौँ, विद्यार्थीहरू बढी जोखिममा पर्ने भएकाले खोप लगाउन थालिएको हो ।”
प्रायः स्कुले बालबालिका कोरोना जोखिममा पर्ने गरेका र सरकारले सबै विद्यार्थीलाई खोप दिने निर्णय गरेअनुसार उक्त पालिकामा रहेका विद्यार्थीलाई एकैसाथ खोप दिन थालिएको बताइएको छ ।
हालसम्म तोकिएका उमेर समूहका विद्यार्थीले आफ्नो विद्यालय तथा अन्य क्षेत्रमा तोकिएको खोप केन्द्रमा गएर खोप लगाउनुपर्ने व्यवस्था मिलाइएको गाउँपालिका स्वास्थ्य संयोजक गोविन्द विष्टले जानकारी दिनुभयो ।
विद्यार्थीलाई खोप लगाउने अभियान सुरु भएपछि विद्यार्थी पनि खुशी साथ खोप लगाउन आउन थालेका नवोदय मावि गड्सेरामा प्राचार्य फणेन्द्र खडायतले बताउनुभयो ।