बर्दगोरिया २ को रिङ्गरोड ; योजना अलपत्र पार्ने, पटकपटक बजेट फ्रीज गराउने मालिका जेवि माथि कारबाही हुने
बौनिया । कैलालीको बर्दगोरिया गाउँपालिकाले ठेक्का सम्झौता बमोजिम निर्धारित समयसीमाभित्र काम पूरा नगरी योजना अलपत्र पार्ने निर्माण कम्पनीलाई कारबाहीको दायरामा ल्याउने भएको छ । पालिकामा संचालित विभिन्न योजना समयमै नसक्ने, ठेक्का ओगटेर काम संचालन नगर्ने र योजनाको काम बिचमै अलपत्र पारी रकम फ्रीज गराउने निर्माण कम्पनीलाई कारबाहीको तयारी थालेको हो ।
पालिकामा संचालित विभिन्न योजनाको निरन्तर अनुगमनका क्रममा गत आर्थिक वर्ष २०७९/८० मा कतिपय निर्माण कम्पनीले काम बिचमै अलपत्र पारेको, योजनाको करोडौं रकम फ्रीज गराएको पाइएको र भएका कामसमेत गुणस्तरीय नभएको भेटिएपछि पालिकाले कारबाहीको प्रक्रिया अगाडि बढाएको पालिका प्रवक्ता एवम वडा नम्बर १ का वडा अध्यक्ष मिथुन गौतमले बताउनुभयो ।
गौतमले भन्नुभयो – हामीले पटकपटक निर्माण कम्पनीलाई गुणस्तरीय कामगर्न र सम्झौता अबधिभित्रै कामपूरा गर्न सल्लाह र परिपत्र गरेका हौ, तर केही निर्माण कम्पनीले सोअनुसार काम नगरी विकास निर्माणका काम अलपत्र र गुणस्तरहीन गरेको भेटिएको तथा समयसीमा काम नसक्ने निर्माण कम्पनीले पालिकाको अनुमति बीना काम गरेको भेटिएपछि अब कारबाहीको प्रक्रिया अगाडि बढाएका हौ ।
बुधबार बसेको कार्यपालिका बैठकका निर्णय पत्रकार सामु सार्वजनिक गर्दै पालिका प्रवक्ता गौतमले सो कुरा बताउनुभएको हो । उहाँले वडा नम्बर २ स्थित रिङ्गरोडको बारेमा पत्रकारले सोधेको जवाफ दिदै भन्नुभयो – प्रसिद्द धार्मिक तथा पर्यटकीय क्षेत्र बर्दगोरिया धाम जोड्ने दोधरा – कुम्भिया जोड्ने रिङ्गरोड सडक अलपत्र पार्ने मालिका जेवि/जेभी निर्माण कम्पनी पनि अब कारबाहीको भागेदार बन्नेछ । म्याद थप गर्दागर्दै लगातार दुई आर्थिक वर्षसम्म मालिका जेवि निर्माण कम्पनीले सो सडक पूरा नगरी अहिले अलपत्र पारेको छ, भने करोड बढी रकम फ्रीज गराएको छ ।
मालिका जेविले हालसम्म झन्डै ८ सय मिटर मात्रै सो रिङ्गरोड कालोपत्रेको काम पूरा गरेको छ । पालिका प्रवक्ता गौतमकाअनुसार सो निर्माण कम्पनीले कामअनुसारको भुक्तानी बापत ९३ लाख रुपैयाँ लगिसकेको छ । दोधरा – कुम्भिया जोड्ने रिङ्गरोड निर्माणका लागि २०७८/१२/११ मा ठेक्का सम्झौता भएको थियो । सो सम्झौता अनुसार मालिका जेविले एकवर्ष भित्र २३ सय मिटर सडक कालोपत्रे गरिसक्नुपर्ने थियो । तर निर्माण कम्पनीले काम पूरागर्न नसकेपछि पुनः ०७९/४/६ गते २०८०/३/१५ गतेभित्र काम सक्नेगरी म्याद थप गरिएको थियो । सो अबधिसम्म पनि मालिका जेविले झन्डै ८ सय मिटर मात्रै सडक कालोपत्रेको काम सकेको छ । जसको सबै भुक्तानी पनि सो निर्माण कम्पनीले प्राप्त गरिसकेको पालिकाले जनाएको छ ।
पालिकाकाअनुसार अब योजना अलपत्र पार्ने पटकपटक रकम फ्रीज गराउने सो मालिका जेबि निर्माण कम्पनी कानुनअनुसार कारबाहीको दायरामा छ ।
बर्दगोरिया गाउँपालिकाको मिति २०८०/०३/ ०७ गतेको कार्यपालिका बैठकको निर्णयअनुसार सम्झौताअनुसार काम नसक्ने मालिका जेविसहित सबै निर्माण कम्पनीलाई सम्झौताअनुसारको काम नसक्नेलाई पुनः म्याद नथप्ने निर्णयसहित निर्माण कार्य स्थगित गर्न पत्राचार गरिसकेको थियो । तर मालिका जेविले पालिकाको निर्णय र कार्यादेश बिना दोधरा – रिङ्गरोडमा सम्झौता अबधि सकिसकेपछि साढे दुईसय मिटर बढी सडक कालोपत्रे गरेको र कतिपय स्थानमा कालोपत्रे सकिएको केही दिनमै सडक पिच उप्किएको पाइएको समाचार संचार माध्यममा आएपछि पालिकाले आफ्नो ध्यानाकर्षण भएको जनाएको छ ।
पालिका उपाध्यक्ष तथा अनुगमन समिति संयोजक गणेश राज गिरिकाअनुसार कार्यादेश विपरीत आफुखुशी काम गर्ने निर्माण कम्पनीको भुक्तानी रोकिनेछ भने पुनः म्याद थपसमेत हुनेछैन । यतिमात्र नभई योजना अलपत्र पारी बजेट फ्रीज गराउने निर्माण कम्पनीको बैङ्ग धरौटी जफतसहित कालोसूचीको प्रक्रिया थालिनेछ ।
बर्दगोरिया २ को रिङ्गरोड ; योजना अलपत्र पार्ने, पटकपटक बजेट फ्रीज गराउने मालिका जेवि माथि कारबाही हुने
बौनिया । कैलालीको बर्दगोरिया गाउँपालिकाले ठेक्का सम्झौता बमोजिम निर्धारित समयसीमाभित्र काम पूरा नगरी योजना अलपत्र पार्ने निर्माण कम्पनीलाई कारबाहीको दायरामा ल्याउने भएको छ । पालिकामा संचालित विभिन्न योजना समयमै नसक्ने, ठेक्का ओगटेर काम संचालन नगर्ने र योजनाको काम बिचमै अलपत्र पारी रकम फ्रीज गराउने निर्माण कम्पनीलाई कारबाहीको तयारी थालेको हो ।
पालिकामा संचालित विभिन्न योजनाको निरन्तर अनुगमनका क्रममा गत आर्थिक वर्ष २०७९/८० मा कतिपय निर्माण कम्पनीले काम बिचमै अलपत्र पारेको, योजनाको करोडौं रकम फ्रीज गराएको पाइएको र भएका कामसमेत गुणस्तरीय नभएको भेटिएपछि पालिकाले कारबाहीको प्रक्रिया अगाडि बढाएको पालिका प्रवक्ता एवम वडा नम्बर १ का वडा अध्यक्ष मिथुन गौतमले बताउनुभयो ।
गौतमले भन्नुभयो – हामीले पटकपटक निर्माण कम्पनीलाई गुणस्तरीय कामगर्न र सम्झौता अबधिभित्रै कामपूरा गर्न सल्लाह र परिपत्र गरेका हौ, तर केही निर्माण कम्पनीले सोअनुसार काम नगरी विकास निर्माणका काम अलपत्र र गुणस्तरहीन गरेको भेटिएको तथा समयसीमा काम नसक्ने निर्माण कम्पनीले पालिकाको अनुमति बीना काम गरेको भेटिएपछि अब कारबाहीको प्रक्रिया अगाडि बढाएका हौ ।
बुधबार बसेको कार्यपालिका बैठकका निर्णय पत्रकार सामु सार्वजनिक गर्दै पालिका प्रवक्ता गौतमले सो कुरा बताउनुभएको हो । उहाँले वडा नम्बर २ स्थित रिङ्गरोडको बारेमा पत्रकारले सोधेको जवाफ दिदै भन्नुभयो – प्रसिद्द धार्मिक तथा पर्यटकीय क्षेत्र बर्दगोरिया धाम जोड्ने दोधरा – कुम्भिया जोड्ने रिङ्गरोड सडक अलपत्र पार्ने मालिका जेवि/जेभी निर्माण कम्पनी पनि अब कारबाहीको भागेदार बन्नेछ । म्याद थप गर्दागर्दै लगातार दुई आर्थिक वर्षसम्म मालिका जेवि निर्माण कम्पनीले सो सडक पूरा नगरी अहिले अलपत्र पारेको छ, भने करोड बढी रकम फ्रीज गराएको छ ।
मालिका जेविले हालसम्म झन्डै ८ सय मिटर मात्रै सो रिङ्गरोड कालोपत्रेको काम पूरा गरेको छ । पालिका प्रवक्ता गौतमकाअनुसार सो निर्माण कम्पनीले कामअनुसारको भुक्तानी बापत ९३ लाख रुपैयाँ लगिसकेको छ । दोधरा – कुम्भिया जोड्ने रिङ्गरोड निर्माणका लागि २०७८/१२/११ मा ठेक्का सम्झौता भएको थियो । सो सम्झौता अनुसार मालिका जेविले एकवर्ष भित्र २३ सय मिटर सडक कालोपत्रे गरिसक्नुपर्ने थियो । तर निर्माण कम्पनीले काम पूरागर्न नसकेपछि पुनः ०७९/४/६ गते २०८०/३/१५ गतेभित्र काम सक्नेगरी म्याद थप गरिएको थियो । सो अबधिसम्म पनि मालिका जेविले झन्डै ८ सय मिटर मात्रै सडक कालोपत्रेको काम सकेको छ । जसको सबै भुक्तानी पनि सो निर्माण कम्पनीले प्राप्त गरिसकेको पालिकाले जनाएको छ ।
पालिकाकाअनुसार अब योजना अलपत्र पार्ने पटकपटक रकम फ्रीज गराउने सो मालिका जेबि निर्माण कम्पनी कानुनअनुसार कारबाहीको दायरामा छ ।
बर्दगोरिया गाउँपालिकाको मिति २०८०/०३/ ०७ गतेको कार्यपालिका बैठकको निर्णयअनुसार सम्झौताअनुसार काम नसक्ने मालिका जेविसहित सबै निर्माण कम्पनीलाई सम्झौताअनुसारको काम नसक्नेलाई पुनः म्याद नथप्ने निर्णयसहित निर्माण कार्य स्थगित गर्न पत्राचार गरिसकेको थियो । तर मालिका जेविले पालिकाको निर्णय र कार्यादेश बिना दोधरा – रिङ्गरोडमा सम्झौता अबधि सकिसकेपछि साढे दुईसय मिटर बढी सडक कालोपत्रे गरेको र कतिपय स्थानमा कालोपत्रे सकिएको केही दिनमै सडक पिच उप्किएको पाइएको समाचार संचार माध्यममा आएपछि पालिकाले आफ्नो ध्यानाकर्षण भएको जनाएको छ ।
पालिका उपाध्यक्ष तथा अनुगमन समिति संयोजक गणेश राज गिरिकाअनुसार कार्यादेश विपरीत आफुखुशी काम गर्ने निर्माण कम्पनीको भुक्तानी रोकिनेछ भने पुनः म्याद थपसमेत हुनेछैन । यतिमात्र नभई योजना अलपत्र पारी बजेट फ्रीज गराउने निर्माण कम्पनीको बैङ्ग धरौटी जफतसहित कालोसूचीको प्रक्रिया थालिनेछ ।
कैलाली । नेपाल प्रहरीको सुदूरपश्चिम प्रदेश अनुसन्धान समूह (आरआइटी) खारेज गरिएको छ । प्रदेश प्रहरी कार्यालयका प्रमुख प्रहरी नायब महानिरीक्षक (डीआईजी) भरत बोहराले कञ्चनपुरको बेलौरीमा होटेल सञ्चालकमाथि आरआइटीमा कार्यरत प्रहरीले आक्रमण गरेको आरोप लागेपछि दरबन्दी फिर्ता गर्दै आरआइटी खारेज गरेका हुन् ।
प्रदेश प्रहरी कार्यालयका प्रवक्ता प्रहरी वरिष्ठ उपरीक्षक (एसएसपी) प्रज्वल महर्जनले अहिलेलाई आरआइटीको औचित्य र आवश्यकता नदेखिएका कारण खारेज गरिएको जानकारी दिए ।
बोहराले दरबन्दी फिर्ता गर्दै प्रदेश अनुसन्धान समूहका प्रमुख वरिष्ठ प्रहरी नायब निरीक्षक केशवराज जोशीसहितका ७ जना प्रहरीलाई सम्बन्धित ठाउँमा रमाना गरेर पठाएका छन् भने आक्रमणको आरोप लागेका दुई जना प्रहरीमाथि अनुसन्धान थालिएको छ । शुक्रबार राति बेलौरी बजारमा रहेको फेमली रेष्टुरेष्टका सञ्चालक सुरेशकुमार वडायकमाथि धारिलो वस्तुले प्रहार गरेको आरोप लागेपछि सहायक हवलदार दीप पाण्डे र प्रहरी जवान हेमराज भट्टमाथि अनुसन्धान भइरहेको प्रहरीले जनाएको छ ।
काठमाडौं । अख्तियार दुरुपयोग अनुसन्धान आयोगले सरकारी जग्गाको माटो बेच्दा अनियमितता गरेको भन्दै बिहीबार चारजनाविरुद्ध भ्रष्टाचार मुद्दा दायर गरेको छ ।
कञ्चनपुर लालझाडी गाउँपालिका–४ स्थित बैजनाथ बहुभाषिक आधारभूत विद्यालयको हाताभित्रको माटो गैरकानुनी रूपमा उत्खनन् गरी स्थानीय इँटा उद्योगलाई बिक्री गरेको आरोपमा अख्तियारले उनीहरूविरुद्ध विशेष अदालतमा मुद्दा दायर गरेको हो ।
उक्त विद्यालय व्यवस्थापन समितिका तत्कालीन अध्यक्ष लक्ष्मण राना, प्रधानाध्यापक सुरेन्द्रबहादुर बोहरा, न्यू भगवती इँटा उद्योगका व्यवस्थापक राजेन्द्रबहादुर भाट र सिद्ध बैजनाथ इँटा उद्योगका सञ्चालक धनबहादुर विष्टविरुद्ध भ्रष्टाचार मुद्दा दायर गरिएको अख्तियारले जनाएको छ ।
राना र बोहरासँग सात लाख २९ हजार ५१४ रुपैयाँ, भाटसँग चार लाख ११ हजार ६०६ रुपैयाँ र विष्टसँग तीन लाख १७ हजार ९०८ रुपैयाँ बिगो दाबी गरिएको छ ।
कारागारभित्र कैदीले गरे आत्महत्या
नेपालगन्ज । बाँकेको नेपालगन्जस्थित कारागारमा एक कैदीले आत्महत्या गरेका छन् ।
जानकी गाउँपालिका–६ का २३ वर्षीय नीरज गुप्ताले आज बिहान शौचालयमा झुन्डिएर आत्महत्या गरेको बाँकेका प्रमुख जिल्ला अधिकारी विपीन आर्चायले जानकारी दिए । गुप्ताले तीन वर्षअघिदेखि कैद सजाय भोग्दै आएका थिए ।
घटनाबारे मृतकको परिवार र आफन्तलाई खबर गरिएको र आत्महत्याको कारणबारे प्रहरीले अनुसन्धान थालेको प्रजिअ आर्चायले बताए । रासस
नेपालको सार्वजनिक ऋण २१ खर्ब ७३ अर्ब नाघ्यो, प्रत्येक नेपालीको टाउकोमा ७४ हजार पाँच सय १६ रुपैयाँ ऋणको भारी
रासस ,काठमाडौँ । नेपालले हालसम्म तिर्न बाँकी सार्वजनिक ऋणको दायित्व रू २१ खर्ब ७३ अर्ब २४ करोड ७२ लाख पुगेको छ । सार्वजनिक ऋण व्यवस्थापन कार्यालयले सार्वजनिक गरेको चालु आर्थिक वर्षको जेठ मसान्तसम्मको तथ्याङ्कअनुसार नेपालले रू १० खर्ब ९९ अर्ब ७२ करोड ३३ लाख आन्तरिक र रू १० खर्ब ७३ अर्ब ५२ करोड ३९ लाख बाह्य ऋण तिर्न बाँकी रहेको देखिएको हो ।
घाटा बजेट ल्याउँदा बर्सेनि सार्वजनिक ऋण थपिँदै जाने र त्यसको साँवा ब्याज भुक्तानीको दायित्वको भारसमेत सरकारको वार्षिक बजेटमा बढ्दै जाने भन्दै संसद्मा विषय उठिरहेका बेला यस्तो तथ्याङ्क सार्वजनिक भएको हो । सरकारले आगामी आर्थिक वर्षको घाटा बजेट पूर्ति गर्नका लागि थप रू चार खर्ब ५२ अर्ब ७५ करोड बराबर ऋण उठाउने लक्ष्य राखेको छ ।
जसमध्ये रू दुई खर्ब ४० अर्ब आन्तरिक र रू दुई खर्ब १२ अर्ब ७५ करोड बाह्य उठाउने सरकारको लक्ष्य छ । चालु आर्थिक वर्ष २०७९/८० सुरु हुँदा अर्थात् गत वर्ष असार मसान्तसम्ममा नेपालको सार्वजनिक ऋण रू २० खर्ब १३ अर्ब २९ करोड ६४ लाख बराबर थियो । चालु आर्थिक वर्षको पछिल्लो ११ महिना अवधिमा मात्र रू एक खर्ब ५९ अर्ब ९५ करोड आठ लाख बराबर ऋण थपिएको छ ।
नेपालको कूल गार्हस्थ्य उत्पादन (जिडिपी) आकार रू ४८ खर्ब ५१ अर्ब ६२ करोडलाई आधार मान्दा जिडिपीमा सार्वजनिक ऋणको अनुपात ४४ दशमलव ७९ प्रतिशत पुगेको छ ।
जिडिपीमा सार्वजनिक ऋणको अनुपात बढ्दै जाँनु र न्यून पुँजी निर्माणका कारण आर्थिक वृद्धिदरसमेत कमजोर भइरहँदा त्यसले आगामी दिनमा मुलुकको अर्थतन्त्रलाई जोखिममा पार्ने सक्ने भन्दै यो विषय अहिले संसद्मासमेत उठिरहेको छ ।
सार्वजनिक ऋण व्यवस्थापन कार्यालयका अनुसार चालु आर्थिक वर्षको ११ महिनामा सरकारले रू तीन खर्ब ६ करोड ऋण उठाएको छ भने रू दुई खर्ब पाँच अर्ब १७ करोड बराबर साँवा ब्याज भुक्तानी गरेको छ ।
जेठ मसान्तसम्ममा सरकारले गरेको पुँजीगत खर्चभन्दा सार्वजनिक ऋणको साँवा ब्याज भुक्तानीमा गरेको खर्च करिब रू ५२ अर्ब आठ करोड ६० लाखले बढी हो । जेठ मसान्तसम्ममा सरकारको पुँजीगत खर्च रू एक खर्ब ५३ अर्ब आठ करोड ४२ लाख छ ।
यसरी एकातर्फ सरकारको राजस्व असुली न्यून हुँदा ऋण उठाएर घाटा बजेट पूर्ति भइरहेको छ भने अर्कोतर्फ बर्सेनि थपिँदै गएको ऋणको साँवा ब्याजसमेत बढ्दै जाँदा वार्षिक बजेटको ठूलो अंश यसमा खर्च हुने गरेको छ ।
यो अवधिमा आन्तरिक ऋणको साँवा, ब्याज र कमिसन भुक्तानीमा रू एक खर्ब ६४ अर्ब ४८ करोड ७८ लाख बराबर खर्च भएको छ । जेठ महिनासम्म आन्तरिक ऋणको साँवा भुक्तानीमा रू एक खर्ब आठ अर्ब ११ करोड ३८ लाख, ब्याज भुक्तानीमा रू ५६ अर्ब २६ करोड १० लाख र कमिसन भुक्तानीमा रू ११ करोड ३० लाख बराबर खर्च भएको छ ।
त्यस्तै, बाह्य ऋणको साँवा ब्याज भुक्तानीमा रू ४० अर्ब ६८ करोड ४२ लाख बराबर खर्च भएको छ । बाह्य ऋणको साँवा भुक्तानीमा रू ३१ करोड ९९ लाख ८८ हजार र ब्याज भुक्तानीमा रू आठ अर्ब ६८ करोड ५४ लाख बराबर खर्च भएको छ ।
राष्ट्रिय तथ्याङ्क कार्यालयले सार्वजनिक गरेको नेपालको जनगणना २०७८ अनुसार कूल जनसङ्ख्या दुई करोड ९१ लाख ६४ हजार पाँच सय ७८ बराबर छ । कूल सार्वजनिक ऋणलाई कूल जनसङ्ख्यासँग तुलना गर्दा प्रतिव्यक्ति ऋण रू ७४ हजार पाँच सय १६ बराबर पर्न जान्छ ।
श्रीमतीले २ वटा सिमकार्ड बोकेको भन्दै लफडा, श्रीमानद्वारा ज्यान लिइ शव बोरामा राखेपछि …..
तनहुँ । तनहुँको व्यास नगरपालिका–४ चिहानडाँडास्थित नालामा बोराभित्र महिला मृत फेला परेको घटनामा प्रहरीले निज महिलाका श्रीमान्लाई पक्राउ गरेको छ ।
पक्राउ पर्नेमा भानु नगरपालिका–५ मैबल हटिया घर भई व्यास–४ मा डेरा गरी बस्ने २१ वर्षीय मनोज विष्ट रहेका छन् । प्रहरीले विष्टलाई मङ्गलबार राति व्यास–३ स्थित तरकारी लाइनबाट पक्राउ गरेको हो । निजलाई प्रहरीले बुधबार पत्रकार सम्मेलनमार्फत सार्वजनिक गरेको छ ।
मृतक व्यास–१२ लामीडाँडा माइती भएकी निजकै श्रीमती रङ्गिला भुजेल रहेको जिल्ला प्रहरी कार्यालय तनहुँका प्रहरी उपरीक्षक अवदेश विष्ट क्षेत्रीले जानकारी दिए । पक्राउ परेका विष्टउपर जिल्ला अदालत तनहुँबाट आज पाँच दिनको म्याद थप गरिएको छ ।
विष्टले श्रीमतीलाई डेरामै ह-त्या गरेर बोरामा बोकेर चिहानडाँडा नजिकको नालाको कल्भर्टमा लगेर फालेको प्रारम्भिक अनुसन्धानबाट खुलेको छ
। मृतक रङ्गिलाले दुई वटा सिम प्रयोग गर्ने गरेको र सोही कारण श्रीमान् श्रीमतीबीच मनमुटाव हुने गरेको अनुसन्धानबाट खुलेको प्रहरी उपरीक्षक विष्टले बताए ।
उपरीक्षक विष्टले भने, “जेठ २६ गते दिउँसो श्रीमान् श्रीमतीबीच झगडा भएको र निज मनोजले श्रीमतीको ह-त्या गरी बोरामा शव हालेर आफैँले बोकेर चिहानडाँडा पुगेको प्रारम्भिक अनुसन्धानबाट खुलेको छ । उनी शवलाई कल्भर्टमा हालेर डेरा फर्किएका थिए ।”
निजहरूबीच सामाजिक सञ्जालमार्फत गत वैशाख १ गते प्रेम विवाह भएको थियो । पक्राउ परेका विष्ट दमौलीमा मार्केटिङ व्यवसायमा आबद्ध रहेको प्रहरीले जनाएको छ । प्रहरी उपरीक्षक विष्टले भने, “शव परीक्षणको रिपोर्ट आएपछि थप केही खुल्नेछ ।”
मृतकका बुबा मनबहादुर भुजेलले जेठ ३० गते बिहान छोरी हराएको भनेर कार्यालयमा फोटोसहितको हुलिया निवेदन दिएका थिए।
उक्त निवेदमा भुजेलले छोरी गत जेठ २४ गतेदेखि सम्पर्कविहीन भएको उल्लेख गरे ।
निज मनबहादुर भुजेलले पेस गरेको हुलिया मृतकको शवसँग मिल्दोजुल्दो देखिएकाले निजलाई बोलाएर मृतकको सनाखत गरिएको प्रहरी उपरीक्षक विष्टले बताए ।
हातमा लगाएको चुरा, कानमा लगाएको रिङ र हातखुट्टाका आधारमा मृतकका बुबाले सनाखत गरेको प्रहरी उपरीक्षक विष्टको भनाइ थियो ।
मृत्यु मार्ग बन्दै वैदेशिक रोजगार, ११ महिनामा १ हजार बढीको विदेशमै ज्यान गयो
काठमाडौँ । चालु आर्थिक वर्षको ११ महिनामा वैदेशिक रोजगारीमा गएका एक हजारभन्दा बढिले मृत्यु भएको छ ।वैदेशिक रोजगार बोर्ड सचिवालयको तथ्याङ्क अनुसार यो आर्थिक वर्षको ११ महिनामा सातै प्रदेशका विभिन्न जिल्लाबाट वैदेशिक रोजगारीमा गएका एक हजार ६३ जना श्रमिकको मृत्यु भएको हो ।
चालू आवमा मधेश प्रदेश र कोशी प्रदेशबाट मात्रै ४ सय ९४ जनाको मृत्यु भएको छ जसमध्ये १६ जना महिला श्रमिक रहेका छन् ।
त्यस्तै, लुम्बिनी प्रदेशबाट २ सय ३५, गण्डकी प्रदेशबाट एक सय ३९ श्रमिकले ज्यान गुमाएका छन् भने बाग्मती प्रदेशका एक सय २५, कर्णाली प्रदेश ५० र सुदूरपश्चिम प्रदेशबाट २० जना श्रमिकले ज्यान गुमाएका छन् ।
चालू आर्थिक वर्षमा ३ सय जना श्रमिक अङ्ग भङ्ग भएका छन् । अङ्ग भङ्ग हुनेमा कोशी प्रदेश र लुम्बिनी प्रदेशबाट सबैभन्दा धेरै रहेको सचिवालयको तथ्याङ्कमा उल्लेख छ ।
त्यस्तै, कोशी प्रदेशबाट पुरुष ६३ र महिला ३ गरि ६६ जना वैदेशिक रोजगारीका क्रममा विभिन्न कारणले अङ्ग भङ्ग भएका छन् भने लुम्बिनी प्रदेशबाट ६५, गण्डकी प्रदेशबाट ५३, मधेश प्रदेश ५० ,बाग्मती प्रदेशबाट ४४ जना श्रमिक अङ्ग भङ्ग भएका छन् । त्यसैगरी सुदूरपश्चिम प्रदेशबाट भने १२ जना र कर्णाली प्रदेशबाट १० जना श्रमिक अङ्ग भङ्ग भएको बोर्ड सचिवालयले जनाएको छ ।
श्रम स्वीकृति लिएर वैदेशिक रोजगारीमा गएका श्रमिकको करार अवधि भित्रै ज्यान गएमा बोर्डमार्फत हकवालाले ७ लाख रुपैयाँ आर्थिक सहायता पाउने कानुनी व्यवस्था छ । बीमा गरेबापत भने १४ लाख पाउने व्यवस्था छ तर स्वदेश रहँदै मृत्यु भएमा भने १३ लाख मात्र पाइने व्यवस्था रहेको छ । बीमा कम्पनीबाटै १५ वटा घातक रोग लागेमा रु ५ लाख पाइने छ ।
डडेल्धुरामा वन फँडानी प्रकरणः ११ वर्षपछि १ सय ८६ जनालाई सर्वोच्चले दियो सफाइ
काठमाडौं । सर्वोच्च अदालतले सामुदायिक वन फँडानी गरी भ्रष्टाचार गरेको आरोप लागेको एक मुद्दामा १ सय ८६ जनाले सफाइ पाएका छन् । डडेल्धुराका विभिन्न सामुदायिक वनका कर्मचारी, उपभोक्तासहित १ सय ८६ जनाले ११ वर्षपछि भ्रष्टाचारको आरोपबाट सफाइ पाएका हुन् ।
![](http://sudurchitra.com/wp-content/uploads/2023/05/Picsart_23-05-30_10-01-33-420.jpg)
![](http://sudurchitra.com/wp-content/uploads/2023/06/Picsart_23-06-07_07-33-36-785.jpg)
![](http://sudurchitra.com/wp-content/uploads/2023/05/Picsart_23-05-14_07-59-48-834.jpg)
![](http://sudurchitra.com/wp-content/uploads/2023/06/Picsart_23-06-07_07-29-53-997.jpg)
![](http://sudurchitra.com/wp-content/uploads/2023/05/Picsart_23-05-13_13-01-08-029.jpg)
रेशम चौधरीलाई आममाफीविरुद्ध सर्वोच्चमा रिट
काठमाडौं । टीकापुर घटनाका दोषी रेशम चौधरीलाई आममाफी दिने सरकारको सिफारिस विरुद्ध सर्वोच्च अदालतमा रिट पेश भएको छ ।
टीकापुर घटनामा मारिएका इन्स्पेक्टर केशव बोहराकी पत्नी शारदा बोहरा रिट लिएर सर्वोच्च अदालत पुग्नुभएको हो ।
![](http://sudurchitra.com/wp-content/uploads/2023/05/Picsart_23-05-13_13-01-08-029.jpg)
पीडित बोहराले यसअघि राष्ट्रपति कार्यालयमा चौधरीलाई आममाफी नदिन निवेदन दिनुभएको छ ।