बर्दगोरिया । कैलालीको बर्दगोरिया गाउँपालिका वडा नम्बर १  मा बाम लोकतान्त्रिक गठबन्धन कैलाली निर्वाचन क्षेत्र नम्बर २ (ख) ले घरदैलो कार्यक्रम गरेको छ ।

नेकपा (माओवादी केन्द्र) बर्दगोरिया १ का अध्यक्ष कौशल महतराको सभाध्यक्षतामा भएको कार्यक्रमको प्रमुख अतिथि नेपाली काङ्ग्रेस महासमिति सदस्य विजय बहादुर स्वार रहनु भएको थियो भने विशिस्ट अतिथिका रूपमा संयुक्त बाम लोकतान्त्रिक गठबन्धन क्षेत्र नम्बर २ (ख) का गठबन्धनका उम्मेदवार (प्रदेश सभा) नन्द बहादुर साउद रहनुभएको थियो ।

कार्यक्रमलाई सम्बोधन गर्दै कार्यक्रमका प्रमुख अतिथि नेपाली काङ्ग्रेस महासमिति सदस्य बिजय बहादुर स्वारले मङ्सिर ४ मा हुन गइरहेको आम चुनावमा गठबन्धनका साझा उम्मेदवारलाई जिताउन अपिल गरे । उनले यो या त्यो पार्टी नभनी सिङ्गो रूपमा गठबन्धनका उम्मेदवारलाई कसरी जिताउन सकिन्छ भन्ने बारेमा रणनीतिक योजनासहित चुनाव केन्दित कार्यक्रममा सक्रिय हुन सुझाव दिए ।

कार्यक्रममा गठबन्धनका साझा उम्मेदवार नन्द बहादुर साउदले यसअघि पनि यहाँका जनताको अमुल्य साथ सहयोगबाट आफू निर्वाचित भएको बताउदै फेरि पनि जनताको विकास र समृद्धिका लागि अधुरो अवस्थामा रहेका कार्ययोजना पूरा गर्ने संक्लप र प्रतिबद्धतासहित भोटको अपिल गरे ।

नेपाली काङ्ग्रेस वडा नम्बर  १ का सभापति दिपेन्द्र बमको स्वागत  मन्तव्य मन्तव्य सङ्गै सुरु भएको कार्यक्रमको संचालन  धिरज शाहीले गरेका थिए  ।

बर्दगोरिया । कैलाली निर्वाचन क्षेत्र नम्बर २ (ख) का प्रदेश सभा सदस्य उम्मेदवार नन्द बहादुर साउद (राजेन्द्र) ले बर्दगोरिया २ लाई पर्यटकीय गन्तव्यका रूपमा विकास गर्ने प्रतिबद्धता जनाएका छ्न ।

बिहीबार बर्दगोरिया २ मा आयोजित गठबन्धनको चुनावी कार्यक्रमलाई सम्बोधन गर्दै साझा उम्मेदवार साउदले यस्तो प्रतिबद्धता जनाएका हुन । उनले बर्दगोरिया २ मा रहेको बर्दगोरिया धाम र पिरुवा क्षेत्रलाई पर्यटकीय गन्तव्य बनाई यहाँको विकास र समृद्धिको मार्गचित्र कोर्न सकिने बताए ।

बर्दगोरिया धाम धार्मिक तथा सास्कृतिक हिसाबले जतिसुकै चिरपरिचित छ, सोही अनुसार यसको विकास गरि आन्तरिक तथा बार्ह्य पर्यटको रोजाइ र पिरुवालाई पिक्निक स्पोर्ट्सका रूपमा बिकास गर्ने प्रतिबद्धता जनाए । यसैगरी उनले बर्दगोरिया २ मा सिचाइको व्यवस्था ,शिक्षाको पुर्वाधार ,सडक कालोपत्रे लगाएतका काम आफ्नो प्राथमिकतामा रहेको बताए ।
निवर्तमान सुदुरपश्चिम प्रदेश साङ्सद समेत रहेका साउदले भने –  हरेक जनताको घर-घरमा योजना ,विकासका एजेन्डा पुराउन नसकेपनि हरेक वडा वडामा कुनै न कुनै योजना पुर्याएको दावी गरे । उनले बाकी रहेका थुप्रै योजना र अधुरा काम पूरा गर्नका लागि बाम लोकतान्त्रिक गठबन्धनका तर्फबाट आफू उम्मेदवार बनेको भन्दै सम्पुर्ण नेता ,कार्यकर्ता र आम निर्वाचन क्षेत्र नम्बर २ (ख) का बासी आमाबुबा ,दाजुभाइ तथा दिदिबहिनीलाई चुनाव चिन्ह गोलाकार भित्र हसिया हथौड़ामा भोट हाल्न आग्रह गरे ।