बर्दगोरिया । लोकतान्त्रिक बाम गठबन्धन बर्दगोरिया गाउँपालिकाको पार्टी सम्पर्क कार्यालयको उद्घाटन भएको छ । पालिकाको वडा नम्बर १ र २ मा शुक्रबार लोकतान्त्रिक बाम गठबन्धनले पार्टी सम्पर्क कार्यालयको उद्घाटन गरेको हो ।

मङ्सिर ४ गते हुन गैइरहेको चुनावलाई लक्षित गर्दै पार्टीका आन्तरिक गतिविधि र जनताको समस्या बुझ्न सहज होस भन्दै गठबन्धनको सयुक्त पार्टी सम्पर्क कार्यलयको उद्घाटन गरिएको लोकतान्त्रिक बाम गठबन्धनका कैलाली निर्वाचन क्षेत्र नम्बर २ (ख) का इन्चार्ज रामकृष्ण डगौरा थारुले जानकारी दिए ।

शुक्रबार सम्पर्क कार्यालयको उद्घाटन निर्वाचन क्षेत्र नम्बर २ (ख) का गठबन्धनका साझा प्रदेश सभा सदस्य पदका उम्मेदवार नन्द बहादुर साउद ( राजेन्द्र) ले गरेका थिए ।

उद्घाटन कार्यक्रम प्रमुख अथितिको आसनबाट बोल्दै साउदले यो निर्वाचन भनेको एक देश र संविधानको रक्षाको लडाइ भएको बताए । उनले भने प्रतिगामीका विरुद्ध लोकतान्त्रिक बाम गठबन्धन एक चट्टानका रुपमा उभिनु पर्ने बेला आएको बताउदै आउदो निर्वाचनमा देशभर बाट साझा गठबन्धनका उम्मेदवार लाई जुनसुकै अवस्थामा पनि विजयी गराउनु पर्ने बताए ।

सोहि क्रममा उनले भने सबै जनाले आ-आफ्नो स्थानबाट गठबन्धनका उम्मेदवारलाई जिताउन र प्रतिगामी पार्टीले गरेका हर्कत हरुबारे पनि प्रष्ट रुपमा जानकारी गराउन जरुरी रहेको बताए ।

पार्टी सम्पर्क कार्यालय वडा नम्बर १ को कट्टीपुर चोक र वडा नम्बर २ को होटेल प्याराडाईजको पुर्व पट्टी खोलिएको छ ।

बर्दगोरिया । कैलालीको बर्दगोरिया गाउँपालिका आयोजित गठबन्धनका अगुवा नेता कार्यकर्ता भेटघाट कार्यक्रममा कैलाली निर्वाचन क्षेत्र नम्बर २ (क) प्रदेश सभा सदस्य पदका उम्मेदवार कमल बहादुर शाहले बाम लोकतान्त्रिक गठबन्धनका उम्मेदवारलाई निस्वार्थपुर्ण निर्वाचित गराउन नेपाली काङ्ग्रेसका नेता कार्यकर्तालाई निर्देश दिएका छन ।

सोमवार बर्दगोरिया गाउँपालिकामा आयोजित बाम लोकतान्त्रिक गठबन्धन कैलाली क्षेत्र नम्बर २ (ख) को क्षेत्रीय अगुवा कार्यकर्ता भेला तथा प्रशिक्षण कार्यक्रममा शाहले उक्त कुरा बताएका हुन ।

कार्यक्रममा बोल्दै प्रदेश सभा सदस्य पदका उम्मेदवार शाहले अहिलेको चुनावी लडाइँ बाध्यात्मक रहेको बताउदै नेपाली काङ्ग्रेसका क्रियाशील नेता कार्यकर्ताले जुनसुकै अवस्थामा पनि गठबन्धनका उम्मेदवारलाई जिताउनु पर्नेमा जोड दिए ।

उनले भने – हिजो के भयो ? त्यसमा कसैले पनि मनमुटाव  नराखी पार्टीको निर्देशन र अहिले देशको अवस्थालाई मुल्यांकन गर्दै कुनै पार्टी वा त्यस्को चुनाव चिन्नमा संकोच नगरी बाम लोकतान्त्रिक गठबन्धनका साझा उम्मेदवारलाई निर्वाचित गराउन र बाम लोकतान्त्रिक गठबन्धनको मेरुदण्डको रुपमा काम गर्न पार्टीका अगुवा नेता कार्यकर्तालाई निर्देश दिएका हुन ।

पहिले पनि देशको राजनीतिलाई नयाँ बाटो देखाउदै देश र देशका जनताको निकासका निम्ति नेपाली काङ्ग्रेस र नेकपा माओवादीले काधमा काध राखी अगाडि बढेको कुरा स्मरण गराउदै अहिले पनि देशको संविधान रक्षा, आर्थिक क्रान्तिका निम्ति नेपाली काङ्ग्रेसले बाम गठबन्धन सहित देशको नेतृत्व समाल्नको निम्ति लागि परेकोले यसमा कुनै संकोच नमानी गठबन्धनका साझा उम्मेदवारलाई निर्वाचित गाराउन लाग्नु पर्ने बताए ।

उनले भने- अहिले केहि व्यक्तिहरु पार्टीको नीति निर्देशन, देशको आवस्यकता लाई ख्याल नगरी स्वार्थ पुर्ण व्यवहार देखाउदै पार्टी प्रती विभिन्न प्रकारका लान्छना लगाउदै स्वतन्त्र उम्मेदवार दिएका छन । त्यस्ता व्यक्ति पार्टी र संगठन  भनेको के हो ? भन्ने कुराको स्मरण गराउन पनि आजको आवश्यकता रहेको बताए ।

बर्दगोरिया । तीन दिन अघिमात्र नेकपा (माओवादी केन्द्र ) परित्याग गरि एमाले प्रवेश गरेका कैलालीको बर्दगोरिया गाउँपालिका वडा नम्बर ३ बस्ने कविराज तिरुवा र पदमराज तिरुवाले आफुहरु एमालेमै रहेको बताएका छ्न ।

बौनियामा आइतबार राती पत्रकार सम्मेलको आयोजना गरि उनीहरू दुबैजनाले नेकपा (माओवादी केन्द्र) भित्रको राजनीतिक यात्रा आफुहरुलाई चित्त नबुझेको भन्दै नेकपा एमाले प्रवेश गरेको जानकारी सहित आफुहरु एमालेमै रहेको बताएका हुन । माओवादी भित्रको राजनीतिक वितृष्णा मन नपरी हामी एमाले प्रवेश गरेका हौ, उनीहरूले पत्रकार सम्मेलनमा भने – हामी एमालेमै छौ ,पुनः माओवादी प्रवेश गरेको भन्नेकुरा सत्य होइन ।

नेकपा (माओवादी केन्द्र) सुदुरपश्चिम प्रदेश जेष्ठ कम्युनिस्ट मन्चका सदस्य कविराज तिरुवा र सुदुरपश्चिम प्रदेश कमिटी सल्लाहकार सदस्य पदम तिरुवा असोज २७ गतेमात्र माओवादी परित्याग गरि एमाले प्रवेश गरेका थिए । तर त्यसको तिनदिनमै आफुहरुलाई माओवादी केन्द्रका साथीहरूले नैतिक दवाब पारी जबर्जस्त पुनः माओवादी मै केन्द्रमा प्रवेश गराएको आरोप लगाएका छ्न।

आइतबार दिउँसो मात्रै उनीहरू नेकपा माओवादी पार्टी भित्रको ससानो तिक्तता र मन मुटावले आफुहरु पार्टी छोडेर एमाले गएको तर ती सबैकुरा भुलेर पुनः माओवादी केन्द्रमै फर्किएको कुरा बिज्ञप्तिमार्फत जनाएका थिए । उनीहरू दुबैजनालाई पुनः पार्टी मै फर्काइएको नेकपा माओवादी केन्द्र बर्दगोरियाले जनाएको थियो । सोही समाचारले चुनाबि  माहोलले तातेको बर्दगोरियाको राजनीतिमा तरङ्ग पैदा भएको थियो ।