बौनिया । बेरोजगार युवायुवतीलाई आर्थिक रूपमा सबल पार्न
कैलालीको बर्दगोरिया गाउँपालिका वडा नम्बर ६ ले सीपमुलक व्याण्डबाजा सहितको तालिम प्रदान गरेको छ । आर्थिक तथा सामाजिक हिसाबले न्यून आयस्तर भएका युवायुवतीलाई स्वरोजगार बनाउने उदेश्यका साथ सीपमुलक व्याण्डबाजा सहितको तालिम प्रदान गरेको वडा अध्यक्ष रामकृष्ण डगौरा थारुले बताउनुभयो ।
विशेषगरि थारु समुदायको मौलिक संस्कृतिसँग जोडिएको व्याण्डबाजाको संरक्षण,पहिचानका र यसको प्रयोग र संरक्षणबाट पुग्ने आर्थिक विकासलाई गरिब ,विपन्न तथा बेरोजगार युवायुवतीको जिवनस्तर संग जोडी उनीहरूलाई सबल बनाउन यो कार्यक्रम गरिएको उहाँले बताउनुभयो ।
पछिल्लो समय थारु समुदायको मौलिक संस्कृति बोकेको बाजा हराउन थालेको अवस्थामा कला र संस्कृतिको संरक्षणको निम्ति समेत यसले ठूलो फाइदा पुग्ने आशा लगिएको छ । थारु समुदायमा गाउँदेखि सहरसम्म विवाहदेखि भोजभतेरसम्म व्याण्डबाजा निकै प्रयोग हुने गर्दछ ।
परम्परादेखि गाउँघरमा हुने विभिन्न चाडपर्व, विवाह तथा अन्य कार्यक्रममा पछिल्लो समय बाजाको माग बढे पनि बाजा बजाउने जनशक्तिको अभाव रहेको देखिन्छ । यसैको अपनत्व गरि वडा नम्बर ६ का युवाहरूलाई एक समुह (कल्व) गठन गरि उनीहरूलाई सीप मुलक ब्याण्डाबाजा सहितको तालिम दिइएको वडा अध्यक्ष थारुले बताउनुभयो ।
“हामीले बेरोजगार युवायुवतीलाई आर्थिक रुपले सक्षम बनाउन यहाँका युवाहरूलाई समुहमा आबद्ध गराई व्याण्डबाजा सहितको सीप मुलुक तालिम दिएका छौ ,वडा अध्यक्ष थारुले भन्नुभयो यसको राम्रो व्यवस्थापन र संरक्षणको जिम्मेवारी समेत युवा समुहको हातमा छ । हामीलाई आशा र भरोसा छ, वडा अध्यक्ष थारुले व्याण्डबाजा हस्तान्तरण गर्दै भन्नुभयो – यसको प्रयोग बाट तपाईहरु राम्रो आम्दानी गर्न सक्नुहुनेछ ।
