बर्दगोरिया गाउँपालिकाभरका सडक पानी पिच गरिदै, बौनिया गाउँबाट गरियो सुरुवातबरदगोरिया बहुउद्देश्यीय सहकारी संस्थाको २५औ वार्षिक साधारणसभा सम्पन्नबर्दगोरिया महोत्सवको अवधि दुईदिन थपियो,भोलि गायक पुस्कल शर्मा र अनु चौधरी आउनेनेकपा (माओवादी केन्द्र) बर्दगोरिया गाउँ कमिटीको अध्यक्षमा रन्जित चौधरी ,अन्यमा को?बर्दगोरिया २ को मोति भागिरथी आधारभूत विद्यालयको तीन कोठे पक्की भवनको शिलान्यासआजको विनिमय दर ; अमेरिकी डलर अहिलेसम्मकै उच्चसुदुरपश्चिम र कर्णाली प्रदेशमा वर्षा हुँदै,कस्तो रहला अन्य ठाउँको मौसम ?बर्दगोरिया महोत्सवको तयारी पूरा, मंगलबार मुख्यमन्त्री शाहले उद्घाटन गर्नेबर्दगोरिया ६ मा माघ १ गतेदेखि माघी मेला संचालन हुनेविद्यालय स्तरीय फुटबल प्रतियोगिता : छात्रतर्फ बर्गिस टीकापुर र छात्रातर्फ कर्णाली मावि उपाधी उचाल्न सफल 
मोहन्याल । कैलालीको मोहन्याल गाउँपालिका वडा नम्बर १ मा स्थानीयको सक्रियतामा सडक बाटो मर्मत गरिएको छ । लगातारको अविरल वर्षाका कारण सडक बाटो अवरुद्ध भएपछि स्थानीयको सक्रियतामा सडक मर्मत गरिएको हो ।
गत २२ गतेदेखि परेको अविरल वर्षाका कारण वडा नम्बर १ को चायाभावरदेखि बडिकाथाई जाने सडक बाटो अवरुद्ध भएको थियो । कच्ची सडक अवरुद्ध भएपछि आवातजावतमा समस्या उत्पन्न भएपछि बुधबार स्थानीयको सकृय सहभागितामा सो सडक मर्मत गरिएको वडा नम्बर १ का वडा अध्यक्ष पिरम बुढा क्षेत्रीले जानकारी दिनुभयो ।
अविरल वर्षाका कारण सडकको ठाउँ ठाउँमा रुख, ढुङ्गा खसेर बाटो अवरुद्ध बनेको थियो । सो सडकमा स्थानीयको सक्रियतामा बाटो सम्माउने, ढुङ्गा तथा रुख हटाउने कार्य बुधबार गरिएको थियो ।
बर्दगोरिया । नेपाल विद्युत प्राधिकरण र सामुदायिक वनको बेवास्ताका कारण नागरिकको ज्यान धरापमा परेको पाइएको छ । कैलालीको बर्दगोरिया गाउँपालिका वडा नम्बर ४ को सगरमाथा सामुदायिक वन र घोडाघोडी नगरपालिकाको वडा नम्बर २ को प्रगतिशील सामुदायिक वनको सीमाजोड्ने पुर्वपश्चिम महेन्द्र राजमार्गको छेउमा रुख ढलेर विद्युतको तारमाथि अल्झिएको लामो समय वितिसक्दा पनि सम्बन्धित निकायले व्यवस्थापनको कुनै पहल गरेको पाइदैन ।
मुख्य सडकमार्गकै छेउमा रुख ढलेको महिनादिन वितिकस्दा पनि यसको व्यवस्थापनको बारेमा नेपाल विद्युत प्राधिकरण र सामुदायिक वनले कुनै वास्ता नगरेको स्थानीय बताउछ्न । रुख ढलेर जोखिम बढेको क्षेत्र बर्दगोरिया ४ को सगरमाथा सामुदायिक वनको पर्छ । तर यसबारे सामुदायिक वनले कुनै वास्ता नगरी बसेको स्थानीय बताउछ्न ।
स्थानीयकाअनुसार रुख ढलेर विधुतको तारमा अल्झिएको महिनौ दिन भइसकेको छ । तर सम्बन्धित निकायबाट यसको व्यवस्थापनको कुनै पहल गरेको पाइदैन । 
स्थानीय भन्छ्न – रुख ढलेर जोखिम बढेपछि भने प्राधिकरणले विधुत कटौती गरि अर्को लाइनबाट सेवा प्रवाह गरिरहेको छ । तर तारमा अल्झिएको रुख व्यवस्थापनको बारेमा विधुत र सामुदायिक वनले कुनै पहल गरेको देखिदैन । जसका कारण वर्षातको समयमा विधुतको पोल ढ्ल्ने, तार चुडिने र सडकमा आवातजावत गर्नेमाथि दुर्घटनाको जोखिम बढाएको छ ।
रुख ढलेर तारमा अल्झिएको धेरै दिन बितिसकेका छ्न स्थानीय भन्छ्न वर्षातको समय छ । कतिबेला पोल ढ्ल्ने हो वा तार चुडिएर सडकमा हिड्ने यात्रु, सवारीसाधन माथि खस्ने हो । यसले ठूलो जोखिम निम्त्याउन सक्छ, सम्बन्धित निकायको छिटोभन्दा छिटो ध्यान जाओस ।
काठमाडौं । अबदेखि माध्यमिक शिक्षा परीक्षा (एसईई) नहुनेगरी प्रस्ताव अघि बढाइएको छ । सरकारले अघि बढाएको विद्यालय शिक्षा विधेयकको मस्यौदामा कक्षा ८ को परीक्षा स्थानीय र १२ को परीक्षा राष्ट्रिय परीक्षा बोर्डले सञ्चालन गर्ने प्रस्ताव गरिएको छ । एसईई परीक्षा नलिने भएपछि पनिकाको हैसियत समाप्त हुने भएको छ ।
यो समाचार आजको नेपाल समाचारपत्रमा प्रकाशित छ ।
बर्दगोरिया । कैलालीको बर्दगोरिया गाउँपालिका वडा नम्बर ३ र ४ मा डेङ्गु रोग नियन्त्रणका लागि ‘लार्भा खोज र नष्ट गर’ अभियान अन्तर्गत सचेतिकरण कार्यक्रम गरिएको छ ।
वर्षातको समयमा लामखुट्टेको टोकाइबाट हुने डेङ्गु रोग फैलन सक्ने भन्दै पालिकाको स्वास्थ्य शाखाको आयोजनामा वडा नम्बर ३ र ४ का सामुदायिक स्वास्थ्य इकाईले लार्भा खोज र नष्ट गर अभियानस्वरुप वडाका विभिन्न होटेल, पसल, ग्यारेज लगाएतका स्थानको अनुगमनगरि संचालकलाई डेङ्गु रोग र यसको नियन्त्रण बारे सचेतिकरण गरिएको छ ।
विगतका वर्षमा जस्तै यस वर्ष पनि उक्त रोग फैलन सक्ने भएकाले समयमा नै रोकथाम तथा नियन्त्रण गर्न टोल–टोलमा डेङ्गीबाट बच्ने सन्देशसहितको कार्यक्रम गरिएको सामुदायिक स्वास्थ्य इकाई रानीकुण्डाका प्रमुख भरत रसाइलीले बताउनुभयो भयो । कार्यक्रममा महिला स्वास्थ्य स्वयंसेबीका, स्वास्थ्यका कर्मचारी ,स्थानीय जनप्रतिनिधि लगाएतको उपस्थिति थियो ।
कस्तो हुन्छ डेङ्गुको लक्षण ?
एडिस जातिका पोथी लामखुट्टेको टोकाइबाट यो रोग लाग्ने गर्छ। यो रोग लाग्दा ज्वरो आउने, आँखा रातो हुने र टाउको, पेट, जोर्नी र मांसपेशी दुख्ने, आलस्य हुनेजस्ता लक्षण देखा पर्दछ।
असाध्यै टाउको दुख्ने, आँखाको गेडी तथा आँखाको पछिल्लो भाग दुख्ने, ढाड, जोर्नी तथा मांसपेशी दुख्ने, शरीरमा विमिरा आउने, वाकवाकी लाग्ने, पेट दुख्ने, नाक वा गिजाबाट रगत बग्ने, रक्तश्राव हुने वा शरीरमा रगत जमेको दाग देखापर्ने, बेहोस हुने आदि लक्षण पनि देखा पर्न सक्छ । डेङ्गु ज्वरो पाँचदेखि सात दिनसम्म रहन सक्छ। डेङ्गु लागेमा मानिसको रक्तकोष घट्न गई रोग प्रतिरोधात्मक क्षमतामा ह्रास आउँछ।
डेङ्गुबाट बच्ने उपाय के हुन ?
यो रोगबाट बच्न मुख्यतया लामखुट्टेको टोकाइबाट बच्नु हो। यसका लागि लामखुट्टे बस्ने स्थान जस्तै गमला, फूलदानी, खाली बट्टा, अलकत्रा वा मट्टितेलका खाली ड्रम, गाडीका काम नलाग्ने टायरमा पानी जम्न दिनु हुँदैन।
काठमाडौँ । नागरिक उन्मुक्ति पार्टी (नाउपा) सुदूरपश्चिम प्रदेश सरकारमा सहभागी हुने भएको छ । मङ्गलवार बिहान प्रधानमन्त्री पुष्पकमल दाहाल ‘प्रचण्ड’सँग भएको बैठकपछि नाउपा सरकारमा सहभागी हुन तयार भएको हो ।
बैठकमा सहभागी नेता रेशमलाल चौधरीले कृषि मन्त्री, कृषि राज्यमन्त्री, उसभामुख र दुई वटा संसदीय समितिको सभापति पाउने सहमति भएकाले नाउपा सरकारमा सहभागी हुने बताए ।
उनले बुधबार नाउपाको संसदीय दलको बैठक बस्ने र सरकारमा सहभागी हुनेहरुको नामावली टुङ्गो लगाउने जानकारी दिए ।
यसअघि साउन ८ गते नै नाउपा सरकारमा सहभागी हुने तयारी थियो । तर मन्त्रालयमा भागबण्डा नमिलेपछि नाउपा सरकारमा सहभागी भएको थिएन ।
बर्दगोरिया । कैलालीको बर्दगोरिया गाउँपालिकामा क्याम्पस संचालनको तयारीले पुर्णता पाएको छ । त्रिभुवन विस्वविद्यालयले बर्दगोरियालाई, बर्दगोरिया कलेजको प्रमाणपत्र प्रदान गरेपछि क्याम्पस संचालनको बाटो खुलेको हो ।
यसअघि काठमाडौमा संचालित क्लासिक कलेज अफ हाइयर स्टडिज, कलेजको नाम ठेगान परिवर्तन गरि त्रिभुवन विस्वविद्यालय कार्यकारी परिषदले बर्दगोरिया कलेजको प्रमाणपत्र क्याम्पस प्रमुख चन्दा खरेललाई प्रदान गरेको हो । त्रिभुवन विस्वविद्यालय, मानविकी संकायका डीन र प्लानिङ डाइरेक्टरले बर्दगोरिया कलेजकी प्रमुख खरेललाई सो प्रमाणपत्र प्रदान गरेका हुन ।
निजि क्षेत्रबाट संचालित अबस्थामा रहेको सो कलेजलाई अब भने बर्दगोरिया गाउँ सरकारले संचालन गर्नेछ । बर्दगोरिया गाउँपालिका अध्यक्ष कर्ण बहादुर कुवर, उपाध्यक्ष गणेश राज गिरि, प्रमुख प्रशासकीय अधिकृत अर्जुन सिंह कार्की, यहाँका शिक्षाप्रेमी तथा समाजसेवीको अथक प्रयासपछि बर्दगोरियामा क्याम्पस संचालनको कार्यले पुर्णता प्राप्त गरेको हो ।
बर्दगोरियामा यसअघि क्याम्पस नहुदा यहाँका सैयौ विद्यार्थी उच्च शिक्षाका लागि लम्की, घोडाघोडी र जोशीपुर गाउँपालिकामा संचालित क्याम्पस धाउन बाध्य थिए । सोही अबस्थालाई मध्यनजर गरि आफ्नै पालिकामा क्याम्पस संचालनकोलागि थालिएको प्रयास सफल भएको पालिका अध्यक्ष कर्ण बहादुर कुवरले बताए । उनकाअनुसार यसै शैक्षिकसत्र बाट पढाइ हुनेगरी कार्यक्रम अगाडि बढाइनेछ ।
काठमाडौं । स्वास्थ्य तथा जनसङ्ख्या मन्त्रालयले डेंगी सङ्क्रमण भदौ र असोज महिनामा उच्च हुने प्रक्षेपण गरेको छ ।
एक वर्षको डेंगी रोकथाम तथा नियन्त्रण कार्ययोजनामा डेंगी सङ्क्रमण असारदेखि बढ्दै गई भदौ र असोज महिनामा उच्च हुने प्रक्षेपण गरिएको इमिडिमियोलोजी तथा सरुवा रोग नियन्त्रण महाशाखाका निर्देशक डा रुद्रप्रसाद मरासिनीले जानकारी दिए ।
उनका अनुसार असोजपछि भने डेंगी सङ्क्रमण क्रमशः कम हुँदै जानेछ । उनले वर्षायाम सुरु भएसँगै असारको अन्तिम सातादेखि सङक्रमण ह्वात्तै बढेको बताए । गत वर्ष पनि वैशाखदेखि नै सङ्क्रमण देखिन थालेको र भदौदेखि कात्तिकसम्म उच्च सङ्क्रमण भएर देशभरका ७७ जिल्लामा फैलिएको थियो ।
“बर्खायाम सुरु भएसँगै पानी पर्न थालेपछि सङ्क्रमण बढ्दै गएको छ,” उनले भने, “निरन्तरको वर्षा र पानीले सङ्क्रमण अझै बढ्ने जोखिम छ ।” पानी जम्ने सफा ठाउँमा ‘एडिज एजिप्टी र एडिस एल्बोपिक्टस’ प्रजातिको लामखुट्टेले फुल पार्छ । ती फुलबाट लार्भा निस्कन्छ र त्यही लार्भा बयस्क भएर टोकेपछि डेंगी रोग लाग्दछ ।
महाशाखाका अनुसार यही असार २७ गते एक हजार ३३७ सङ्क्रमण भएकामा साउन १ गतेसम्म आइपुग्दा सङ्ख्या बढेर दुई हजार ९३० पुगेको छ । महाशाखाका निर्देशक डा मरासिनीले कार्ययोजनाअनुसार डेंगी रोकथाम र नियन्त्रणका लागि सङ्घ, प्रदेश र स्थानीय तहको सरकारका साथै अस्पतालहरूलाई निर्देशन दिइसकेको जानकारी दिए ।
कार्ययोजनाअनुसार लामखुट्टे नियन्त्रणका लागि भौतिक पूर्वाधार, खानेपानी तथा ढल व्यवस्थापन, सहरी विकास, शिक्षा र सञ्चार निकायसँग समन्वय गरिनेछ । यस्तै, लामखुट्टेको लार्भा खोज तथा नष्ट गर्ने अभियान र जनस्तरसम्म डेंगी रोग रोकथाम तथा नियन्त्रणका लागि सचेतना अभियान सञ्चालन गर्ने कार्ययोजनामा उल्लेख छ ।
वर्षायामसँगै डेंगी रोग सार्ने लामखुट्टेको वृद्धि विकास हुने स्थान प्रचुर मात्रामा हुने हुँदा बहुपक्षीय समन्वय र सहकार्यबिना लामखुट्टे नियन्त्रण गर्न कठिन हुने, डेंगी पहिचानका लागि आवश्यक डेंगी किटको अभाव, लामखुट्टेको निगरानी गर्न इन्टोमोलोविष्ट तथा आर्थिक स्रोतको अभाव, स्वास्थ्य मन्त्रालयबाहेक अन्य सरोकारवाला मन्त्रालयको भूमिकालाई पैरवी हुन नसकेको उल्लेख गरिएको छ । रासस
काठमाडौं । सोमबार साउने संक्रान्ति पर्व । नेपालीहरुले परम्परा अनुसार स्नान, दान र आफन्तहरु जमघट गरी यो पर्व मनाउने गर्दछन् । सौरमास अनुसार सूर्य दक्षिणतिर सरेर कर्कट रेखामाथि पुग्ने हुनाले यस दिनलाई कर्कट संक्रान्ति पनि भनिन्छ । साउने सक्रान्तिलाई रोपाईं सकेपछि मैजारो खाने दिनको रुपमा पनि लिने गरिन्छ ।
यस्तै, नेपाली समाजमा साउने सक्रान्तिको दिन साँझ घर-घरमा लुतो फाल्ने चलन पनि रहेको छ । भलायो, कुकरडाइनो, लुतेझार, पानीअमला, कागती, अम्बा, नासपाती आदि औषधिका रुपमा समेत प्रयोग हुने वनस्पति राखेर कण्डारक नाम गरेका राक्षसको पूजा गरी अगुल्टोसहित साँझ लुतो फाल्ने गरिन्छ ।
यस क्रममा नाङ्लो ठटाउने, शंख फुक्ने, घण्ट बजाउने, ढोका बन्द गर्ने चलन पनि छ । असारे हिलोका कारण फैलिन सक्ने रोगबाट जोगिन लुतो फाल्ने उद्देश्यले यो पर्व मनाउन थालिएको हो ।
महिलाहरु साउने संक्रान्तिका दिनदेखि एक महिना सौभाग्यको प्रतीक हरियो चुरा र मेहन्दी लगाउनाका साथै हरियो पोशाकमा सजिएर शिवलाई प्रसन्न पार्न सोमबारे ब्रत बस्छन् ।
साउन महिनाभर काठमाडौंको पशुपतिनाथ लगायत देशभरका शिवालयहरुमा भक्तजनको विशेष भीड लाग्छ । साउन महिना शिवजीको र सोमबारलाई शिवको बार भनिन्छ । त्यसैले साउन महिना एवं सोमबारको दिन शिवालयमा भक्तजनको विशेष भीड लाग्छ । साथै यो महिनाभर शिवजीका भक्तजनहरु बोलबम यात्रामा निस्कने पनि गर्दछन् ।
यस्तै, कर्णाली प्रदेशमा साउने संक्रान्तिको दिन सार्वजनिक बिदा दिइएको छ । कर्णालीमा साउने सक्रान्तिको दिनलाई देउडा पर्वको रुपमा समेत मनाउने गरिन्छ ।
काठमाडौँ । आदिकवि भानुभक्त आचार्यको २१०औं जन्मजयन्ती आज देशभर विभिन्न कार्यक्रम गरी मनाइँदै छ ।
भानुभक्तले भारतको वाराणसीमा पनि केही समय शिक्षा लिएका थिए। भानुभक्तले संस्कृत भाषामा रहेको रामायणलाई नेपाली भाषामा भावानुवाद गरेका थिए। रामायणलगायत भक्तमाला, प्रश्नोत्तर, वधुशिक्षा, रामगीता लगायत उनका थुप्रै फुटकर रचना नेपालीभाषीमाझ लोकप्रिय छन्। उनको निधन १९२५ मा भएको थियो।
भानुजयन्तीको अवसरमा काठमाडौँस्थित नेपाल प्रज्ञा प्रतिष्ठानलगायत स्वदेश र विदेशमा रहेका विभिन्न सङ्घसंस्थाले कार्यक्रम गर्दैछन्। विद्यालय तथा विश्वविद्यालयमा पनि भानुभक्तका रचना पाठ गरिँदै छ। विभिन्न संस्थाले भानुको रचनावाचन प्रतियोगिता नै चलाएका छन्।
भानुजयन्तीको अवसरमा गण्डकी प्रदेशले आज सार्वजनिक बिदा दिएको छ।
बौनिया । कैलालीको बर्दगोरिया गाउँपालिकामा रहेको महुन्याल माध्यमिक विद्यालय २०७९ को एसइईको नतिजामा सामुदायिक विद्यालयतर्फ जिल्लाकै उत्कृष्ट बनेको छ ।
पालिकामा रहेका ६ वटा सामुदायिक र ५ वटा संस्थागत गरी ११ वटा माध्यमिक तहका विद्यालयहरू संचालित छन् । सोमध्ये यस वर्षको एसइईमा महुन्याल माविले पालिका स्तरमा पहिलो र दोस्रो स्थान कब्जा गरेको छ भने जिल्ला स्तरमा तेस्रो स्थानमा छ । जिल्लामा रहेका सामुदायिक विद्यालयहरूको नतिजालाई हेर्ने हो भने जिल्लाकै उत्कृष्ट विद्यालय महुन्याल मावि बास्कोटी बनेको छ ।
२०७९ को एसईई परीक्षामा बर्दगोरियाका ६ सय ५४ मध्ये ९ जनाले ए प्लस ल्याएका छन् । जसमा महुन्याल माध्यमिक विद्यालय बासकोटीका अर्जुन आचार्यले ३.९२ जिपिए ल्याउँदै पालिका टपर बनेका छन् । जिल्ला स्तरमा भने उनी तेस्रो स्थानमा छन् ।
यस वर्षको एसइईमा ग्यालेक्सी पब्लिक स्कुल धनगढीमा कुमारी नितु विष्ट कैलाली टपर बनेकी छन् । उनले ४ जिपिए प्राप्त गरेकी छन् । यस्तै स्टेपिङ स्टोन इङ्लिस स्कुल धनगढीका सम्राट् चन्द ३.९५ जिपिएका साथ जिल्लामा दोस्रो बन्दा महुन्याल माध्यमिक विद्यालय बर्दगोरियाका अर्जुन आचार्य ३।९२ जिपिएका साथ तेस्रो बनेका छन् ।
यसै महुन्याल माद्यामिक विद्यालयकी झरना सिंह ठकुरीले ३.७६ जिपिए ल्याइ पालिकामा दोश्रो बनेकी छन् भने नोबेल एकेडेमी मुडा गाउँका नमिता खतिवडाले ३.७५ जिपिए ल्याइ पालिकामा तेस्रो बनेकी छन् ।
यसैगरी ए प्लस ल्याउनेमा सौरभ चौधरी ३.७० जिपिए, रोहित बहादुर रावल ३.६८ जिपिए, अविराज बुढा ३.६५ जिपिए, अन्जु चौधरी ३.६५ जिपिए, नीरज गौतम ३.६० जिपिए र सन्दीप स्वार ३.६० जिपिए छन् ।
यस्तै धनगढीमा संचालित ऐश्वर्या विद्या निकेतनका सानिध्या पाण्डे र ऋती रिजालले क्रमशः। ३।९० जिपिए प्राप्त गरेका छन् ।
बर्दगोरिया गाउँपालिकाबाट २०७९ को एसइई परीक्षामा सहभागी ७५ दशमलव ६५ प्रतिशत विद्यार्थी उत्तीर्ण भएका छन् । उत्तीर्ण हुनेमा सबै भन्दा बढी सी प्लस ग्रेडका छन् । भने सबै भन्दा कम ए प्लस ग्रेड ल्याउने छन् ।
यस्तो छ बर्दगोरियाको एसइई नतिजाः
परीक्षामा सहभागी पालिकाका ६ सय ५४ विद्यार्थी मध्ये ९ जना अर्थात् १ दशमलव ३७ प्रतिशतले ए प्लस (३.६ देखि ४ जिपिए) ल्याई उत्तीर्ण भएका छन् । यस्तै, २९ जना अर्थात् ४ दशमलव ४३ प्रतिशत विद्यार्थी ए ग्रेड (३.२ देखि ३.६ जिपिए), ७१ जना अर्थात् १० दशमलव ८५ प्रतिशत बि प्लस (२.८ देखी ३.२ जिपिए) र ९६ जना बि ग्रेड (२.४ देखि २.८ जिपिए) ल्याइ उत्तीर्ण भएका छन् ।
यस्तै १ सय ५३ जना अर्थात् २३ दशमलव ३९ प्रतिशतले सी प्लस (२.० देखी २.४ जिपिए), १ सय ३७ जना अर्थात् २० दशमलव ९४ प्रतिशतले सी ग्रेड (१.६ देखि २.० जिपिए), ६४ जना अर्थात् ९ दशमलव ९३ प्रतिशतले डी प्लस (१.२ देखि १.६ जिपिए) र ९५ जना अर्थात् १४ दशमलव ५२ प्रतिशतले डी ग्रेड (०.८ देखी १.२ जिपिए) ल्याएका छन् । १.६ भन्दा कम जिपिए ल्याउने विद्यार्थी अनुत्तीर्ण सरह मानिन्छन् । यद्यपि उनीहरू ग्रेड वृद्धि परीक्षामा भने सहभागी हुन पाउँछन् । यो पालिकामा अनुत्तीर्ण भएका १ सय ५९ जनाले ग्रेड बृद्धी परीक्षा दिन पाउने छन् ।
© All Rights Reserved- SudurChitra.com
|| Powered By SP Publication & Communication Technology 9849853385
